ياصاحبي قد مـر بالقلب هوجاس = بالله كم باقـي من العمــر بالله
وقفت أفكر وأضرب أخماس بأخماس = والقلب يرجف فازعاً من محـله
أدور كـني فـوق نـاراً ومحماس =من الذي لاجـف ريـقـي يبلّه
ياصاحبي اي كل ديـره لهـا سـاس = الله خـلق قانونهـا في رضـا له
سبحـان خالقها من الجن والناس = وبعد دروب الخير ودروب علـّه
ياطولهـا ياعـرضها مالـها إقياس = = دروب نـجهلها ودربـاً ندلّـه
سمعت عن داحس وغبرا و جســاس = حرب ونكد عيشة رديه ممــله
أنا شربت المر من صـوبك بكاس = أسـقيتني بـالمد بيدك تشلّـه
بهتان قولك جا كما ضربة الفاس = الفـاس لا من طب عظماً يخلّـه
أوزيتني والفـكر ضايع ومـحتاس = لجل إن طـبعي ما يداني المذلّـة
والحر ما يصبر على الضيم قرنـاس = ياكل كبود الهـام من بعد شـلّه
إن كنت متأكد من العلم باحساس = إحلف برب البيت والفرض صلّه
إني رميـتك بالمحدش وتــرباس = علماً وكيد وخل ذا مـات خلّه
والقول ذا مني مضى درب الأدنـاس = يمـين تقطع كل طيب تصل لـه
ونقول يالله تنـدر الشـر والبـاس = على الذي حط العلـوم المفلّه
ويالله تلعن كـل مفتن وخنـاس = في وقتنا الحـاضر وفي كل مـلّه
دينا غموسًا تقطع إيديـن والـراس = فالنـار صاحبها ولارحمـةً لـه
المصلحين إكثـار والخـير مرواس = قـريب لوودّك وودّي نـجلّه
كلامنا صوبـك كما قطـع المـاس =عساه ما يصبح كما حيد جـلّه
أنا معك في كد شرهات وافلاس = إنته وأنا خسـران كثره وقـّله
هيا لدرب الخير وندوس الأنجاس = قـرّب معي للخـير والشرتلّه
أعوذ بالمخـلوق من كل وسـواس = وأطلبه يغفر ذنـب مني وزلـّه
صلاة ربي عـد مـاهب نسـناس = على شفيع الخلق ودي نصل لّه
يابن قليل كل ديـره لهـا سـاس = والشرع والاعراف هو فيرضا له
ياصاحبي ذاليوم لا باس لا باس = وش ردكم صوب الخوي وش تقله