أحبتي ..

بعض من نزف ربما لايجب أن يكون بداية ..
ولكن لإعتبارات كثيرة سيكون هذا النص هو بداية مصافحتي لكم ..

/
\

محمد حسين ..
أثنين .. كنّا أو ثلاثة ..؟؟
أنا وانتّ ....!!
ورصيف الليل .. في صبح أحتلالي ..!!
أنت مالي ..
وانت مالـ / لك .. هالوطن .. هالطين .. ياسرّ اختناق الدمع .. في غيمة خيالي ..!!


محمد حسين ..
وطاح قلب .. وصرت اداري طيحته ...قدام غيري .. وارتبكت ..
ولا لقيت إلا حبال الدمع تسحبني معي .. وتجر بالي ..!!

أيييييييه ... يااااااااااامحمد حسين ..
مابكيتك من ترف ..
يوم القمر يزهى بليله ..
لاسقط في عين مجروح ومثالي ..!!
مابقول أني تعبت ..!!
ولا بقول الوقت مرّ .. !!
ولا بقول النار عينٍ قد تعدى جمرها فيض احتمالي ..!!

آآآآه يامحمد حسين ..
القمر ماشبّ من دمع الجفا .. طول السهر .. والليل خالي ..!!
القمر ماشبّ .. غير امن السياط .. لشمس ..عرت جلده الأسود ..
ويتضاءل .. ويتفائل .. هبيل الراي .. ويزيد ارتحالي ..!!

ياااااااامحمد بن حسين ..
أنت وحدك ..!!
سرّ طيشي ..
لهفتي .. جرحي ..
وجرح الجاي .. من أزهار قلب .. تموت حيه .. والعزا فالك وفالي ..!!

يامحمد بن حسين ..
لاعجب ..
لاموت للغربه .. وهو حيّ التعب ..!!
لاعجب ..والسبب ..ماله سبب ..
يوم الأماني ساقطه .. في عين جهل .. وخد وقت .. و قلب سالي ..!!
لاعجب ..
والليالي .. مهزلة أقدار .. أو هي محزنه .. والدمع غالي ..!! ..
لاعجب ..
وكفوف عقلي .. تقلب التاريخ .. تتساءل ..
وترجع خايبه .. مني .. ومن حمّى سؤالي ..!!

يامحمد بن حسين ..
كلها عمرين .. أو أكثر ..
ومنديلك ... يرفرف للضياع .. ودمعتك تشتاق ..تسأل ..
وين شوقك يامحمد ..؟؟
وين ثوبك ....؟؟
وين أوساخ التعب .. ؟؟
ووين كسرة خاطرك .. ذيك الليالي ..؟؟

يامحمد بن حسين ..
شف بعد عمرين .. وين أنته ..؟؟
ووين الحلم .. ؟؟
وين الملح .. لاغطى صباح أطفال .. قبل الليل ... يتعزوا بصوتي .... بانتشالي ..؟؟

يامحمد بن حسين ..
أنت ملح ..
وكلنا أملاح سكر .. ذايبه .. في كاس حلمٍ .. منكسر في يدّ شيطان الحلوم ..
اللي سرقها .. قبل يسرق من حروفي عشق ليلى .. وابتهالي ..!!

يامحمد بن حسين ..
من سرق صوتك .. ؟؟
وصوت الفجر في قلبك أذان .. وركعتين .. وطفل عاااااالي ..!!

يامحمد بن حسين ..
من سرق حلم الوطن ..
قبل يسرق منّك .. شنطة مدرسة .. ضاعت ..!!
وضاع الدفتر .. وطاحت مراسم ...
تكتب التاريخ .. ملح .. وملح حالي ..!!

يامحمد بن حسين ..
من سرق منديلك الأبيض ..
وأهداك الدموع ..
بحفل تأبين الطفولة ..
وانت تاكل موت .. تنسى قوت ..
تتراقص على حضن أمك الثكلى ..وتصفيق التوالي ..!!

يامحمد بن حسين ..
من سرقك ..؟؟
ومن سرقني ..؟؟
ومن قتلني في رصيف الليل غيرك ..
في صباح الموت ..
يا بحر الطهارة .. والمرارة هي غرق قارب ..
وضوه ماغرق .. وانت اشتعالي ..!!

آآآآآآه يامحمد حسين ..
صوتك المسكين ..
يزهمني .. ويطعنّي .. بروحك .. يوم قلت ... آنااااااا لحاااالي ..!!
أيه صوتك ..
كان موتي .. واحتراقي .. وانطلاقي في صحاري من غياب ..
ولا لقيت لباب غربتنا مخارج .. !!
وانت .. تحمل هم غيرك .. وسط غبة من قهر .. فكّت حبالي ..!!

آآآآآآه يامحمد حسين ..
أعطيتني .. حسره / تذاكر للسفر في غربتي ..
فيني وفي كل الجهات الضايعة حولي .. وحولي مايبالي ..!!

آآآآآآه يامحمد حسين ..
منك / من فوضى زمانك ..
أنحرق شريان صبري .. واعتلا الدخان صدري ..
ذاب ذاب ..
وصار يرقا في مسافاتي ..
ويخرج دمع .. أو آآآهٍ تزف الحرف .. تسقي بي جبالي ..!!

آآآآآآآآه يامحمد حسين ..
يا سفير الضايعين ..
يا حكاية من خريف .. ولا رفيف ..
أغتيالك طار منك .. وحلّ فيني يعلن لغيري ولك .. حمّى اغتيالي ..!!

قول يامحمد حسين ..
قول عبدالله سجين ..
والقيود اثقال همّ ..
تحطم الباقي من أنصاف الدهر .. في سجن حلم ..
يضيق به .. ويفلّ جنحانه وعقله .. دام يستقبل نبالي ..!!

قول يامحمد حسين ..
قول عبدالله صديقي ..
كان أكبر عمر مني ..
كنت منه .. و كان مني ..
كان باحلامي يغني ..
كان يشرب كاس تاريخي .. وتاريخ احتلالي .....!!!


/
\
محمد حسين / طفل في عمر الزهور .. لايدرس .. يعمل حمااااااال في سوق الخضار..!!
/
\

عبدالله بن زنان - - 1/4/ 1425هـ