Tweet
رصاصة ؟؟؟
اذا لك شف في شوفي تراني على شوفتك صحيت الأماني
زرعت الشوق كله بنتظارك وأخذت الانتظار وجيت عاني
نسيت الناس لكن ما نسيتك عجزت انساك حتى لو ثواني
مليت الكون واشقيت الجوارح نظر عيني سماع اذني لساني
عطيتك شيء ماهو عند غيرك ولا قصرت لكنك اناني
انا احبك ولو ودك تاكد شف الله كيف بيدينك هداني
غيابك صعب والأصعب وجودك وانا في الحالتين اتعب وأعاني
حبيبي لا تواخذني ولكن ابيك تحط نفسك في مكاني
اذا جيتك وانا مشتاق تقفي وتجاهلني وكنك ما تراني
واذا صديت عنك وقلت برحل وقف قلبك على الباب ودعاني
ولو سويت نفسي ما اشوفك يميل القلب صوبك ويحدلني
انا يا ابن الحلال اصعب حكاية كتبني الوقت لكن ما قراني
مضى عمري وتقدر تعتبرني غريب وفي زمن ما هو زماني
زماني راح مع نصفي ونصفي نسى نفسه مع الوقت ونساني
اسافر حزن والصحبة ثلاثة انا والصبر وسهيل اليماني
واذا مريت في بلاد الطفوله فتحت الصدر للحزن وطواني
هنااا دمعه جرت من عين جاهل هناااا لا قيت همي وألتقاني
هنا با عتني الديرة واهلها هنا ضحيت لفلان وجفاني
هنا حاولت اصيح وما سمعني سوى بعض الشوارع والمباني
انا يا سيدي دقة قديمه بغيت اخذ من الوقت وخذاني
على الأنقاظ واقف دون حيلة اشوفك وجهتي بين المواني
....................... اذا باقي من الطلقات طلقه دخيل حطها بين المحاني
تعليق