انا وصلت يامحمد الجابري



ليس الغبي بسيدٍ في قومه=لكن سيد قومه المتغابي


أتوقع يرد بعدي واحد يتابع الموضوع ووده يسجل دخول للمنتدى!!

معليش ابو غازي ثاني مره (توقع) وانت تتوقع !!!
ـــــــــــــــــ
(تكاثرت الظباء على خراش فما يدري خراش مايصيد )
ـــــــــــــــــ
اتوقع الي يرد بعدي عضوء كبير في السن تسمع صوت كحكحته من خلف الشاشه !!!
( الحين كل واحد يدف الثاني :D الكبر شين هااا ) !!!

أنا لها أنا لها

حمدان شكلك ساكن معي وأنا ما أدري ...

خشيت أن يخيب توقعك .. فقلت أفزع للرجال لكن المرة الجاية خلّ توقعك زين ...

(خْفِ هُمُومَكَ فالّذين سَتَكْشِفُها لَهُمْ لَنْ يَعْمَلُوا إلاّ على مُضاعَفَتِها.)


أتوقع واحد ماله في الشعر رغبة ..وهمّه بلا حـــــــــــــــــــــــــــــــدددددود

عبدالله رمزي

الله يسامحك يا بو سامي

ورّطت اللي يرد بعدك شف كم واحد اطلع على المشاركة

وهوّن لا يرد بس أنا رديت أصحح بعض المفاهيم اللي أوردتها

فأنا أحب الشعر ولكني لا أجيده.

والهِمّة لك عليها بس ما أدري أي هِمّة تقصد يا بو سامي!!!؟؟؟؟.

(( كُن في الدنيا كأنك غريب أو عابر سبيل )).

أتوقع يرد بعدي واحد ثقيل دم.اتحدّى أحد يرد!!!!

هههههههههههههههههههه.

يادايخ

لاتصدق الدويهي ترى دمي خفيف <<<<<هذه آثار الحجامه في الشميسي


أتوقع يرد بعدي واحد محبوب ومكانه في قلوب الجميع

فيه أحد ماوده يكون محبوب وفي قلوب الجميع



بالنسبة لحكمة اليوم : جبت لكم 1000 حكمه وإن شاء الله تزيد " في منتدى ديوان الجنوب"


أتوقع يرد بعدي واحد " وده أنه رد قبلي"


تحياتي,,,
-------------------------------------------------------
[الساعة الآن: ][التاريخ اليوم: ]

أبو غازي العزيز

حاشاك ثقالة الدم ولكن كنت أبغي أعرف من يخرج

من الموقف بحسن تصرف فكنت أنت لها يا الغالي.


نواف العزيز:

رديت قبلك أو رديت بعدك ملحقه بعضها يا إما محبوب

يا بعد محبوب ومن يجاور السعيد يسعد.


حكمة المشاركة:

قول الرسول صلى الله عليه وسلم:

(( من حسن إسلام المرء تركه ما لا يعنيه )).


يرد بعدي واحد بيصوم رمضان إن شاء الله.

أنا إن شاء الله أخي الدويهي وبيت النية

ونتمنى من الله القبول

اتوقع يرد بعدي واحد ينام عن السحور أول يوم

الا السحور ما انام عنه زمان كنت اجاهد نفسي جهاد
حتى افوز بلقمه من السحور تجيني يا شعفي وتقول بنام عن السحور !!!
حكمة اليوم (اذا طاح الجمل كثرة سكاكينه ) ....
اتوقع يرد شخص يعاني من مشكلة الكسل ..؟؟؟

تصدق يا دايخ فعلا أنا أعاني من مشكلة الكسل هل أجد عندك حل؟؟؟؟
بيت شعر يعجبني كثيرا يقول فيه قائله:
ألا لا يجهلن أحدٌ علينا $$$ فنجهل فوق جهل الجاهلينا

يرد بعدي واحد بطرااااااااااااااااااااااااان ومبسوووووووووووووط.

اخي جنوبي جنوبي لتخلص من مشكله الكسل اليك الطريقه :
1) نقع ورق عثرب مقدار 2ملج في ماء حار وياليت يكون ماء بطاريه
2) 2كيلو عراقيب نمل بعد تحميسها في زيت خروع
3) 1ملج حليب سوس مع حزمه سنوت تفرم مع قليل من لحم الحاشي
واحلقها اذا قدرت تجمع المقادير ...
حتى الرجل الحار الحرك يتكاسل يجمعها !!!
علشان تعرف ان الكسل نعمه لو العالم كلها نشيطه صدقني ما راح تشوف تفاوت في
المعيشه ... واحتمال يتقاتلون ويتذابحون ....
حكمة اليوم ( اذا لم تكن ذئبا اكلتك الذئب ) !!!
على فكره ما يجتمع المقام مع البسط قصدي البطر مع البسط !!!
بيرد بعدي واحد ...وجهه وقفاه يختلفان ؟؟؟

هههههههههههههههههههههههههههههههههههه

حمدان مدري من فين تجيب هالكلام

اللي يرد بعدي أسأل الله أن يعتق رقبته من النار وأن يبدل سيئاته حسنات .

الحكمة :
وكل مكان ينبت العز طيب *** وكل امرىء يولي الجميل محبب

أخي ابو ماجد الله يتقبل دعائك

ويعتق رقابنا جميعاً من النار .

هذا الكلام يا حمدان .

على فكره يا ابو ماجد

انت لا تزال صاحب لقب

استاذ المنتدى الغالي علينا جميعا.ً

يقول الشاعر:

ومن يجعل المعروف في غير اهله............يكن حمده ذماً عليه ويندم

اللي ابيرد بعدي الله نجاه من مصيبه كبيره بغت تصك بين عيونه

لازم يحمد الله ويعلمنا وش صار معه (يعلمنا عن المصيبه).

الله لا يجيب المصائب انا الي سار لي اتمنى ما يسير لغيري !!!
السالفه موقف صعب ومحرج للغايه ....
السالفه وما فيها في يوم كنت رايح البيت الا وهذا الاتصال من زملاء
يطلبون الحقهم للبر للجلسه والترويح عن النفس ...( امحق من ترويح )
المهم من حبي في جلسات البر ... ما صدقت خبر والشغله كان فيها ذبائح وعلوم سفره
المهم الا ويتصل عليه واحد من الشباب ويقول ... ترى نسينا الملح كلعاده ... قلت بس
قال : بس ...!!!
الا وانا اوقف عند هذيك المحطه على الطريق وانزل وكلي ربشه واستعجال ابغى الحق السوالف
والحش في خلق الله..!!!
المهم واخش البقاله وانا القط علبة الملح وارمي الريالين على الطاوله ...
وصاروخ على السياره ....
والسياره شغاله وجاهزه للطيران المهم واحط الريوس ....
الا وهذا الصوت يقول اسم الله علينا اش بلاك انت حرامي وهاتك صياح ونياح ونباح ....
وانا اقول اش السالفه ....( !!!!! )
الا وانا منتبه وواعي للي حصل ...السياره طلعت تشبه سيارتي ونفس الموديل واللون ...
وفيها ثنتين حريم ... مش اي حريم طلعوا مخالبهم وكشرو عن انيابهم ....
الا ولبلشه من قريبهم الي رامي الاغراض وطاب وماسكني من حلقي وساحبني !!!
وانا اقول انت فاهم غلط انا ملخبط في السياره ومستعجل والملح والشباب بديت اهرف بما عندي !!!
وانا اتصبب عرق وانتقض والحمى ما سكتني ... وركبي تتصاكع !!!
اقولك خلها على ربك ولا انفكيت من البلشه الا بعد ما وصلت الدوريه وتجمع الناس وتجمهروا
وفي الاخير عرفو ان ما عندي سالفه والدعوه كانت عجله ولخبطه وسربعه ....
وانا اشيل علبه الملح وعلى اقرب صندوق زباله وانا اركب سيارتي وعلى البيت وفيه حاله تصعب على الكافر !!!
الحكمه :
( في التاني السلامه وفي العجله الندامه ) !!!
الي بيرد بعدي ...
عندي احساس انه حضر الموقف ...؟؟؟

ماحضرت الموقف أخوي حمدان ، بس تخيلته قدامي فعلا ، وتخيلت شكلك ، وهاتك ياضحك ...

بس ترى مو أنت لوحدك ، فقد حصل لي أنا موقف مشابه ، وأنا طالعه من الدوام العام الماضي وما أشوف طريقي ، وطيران على السياره ، ورزيت نفسي بالسيارة وانتظر السياره تتحرك !!!! شوي والرجال يفتح الباب وينزل بصمت وهدوء !!!! ، وأنتبهت بعدها !!!الرجال موسواقنا (واحد سعودي !! والمصيبة الاكبر إني جلست مبهورة ومستغربه !! ليه هذا راكب سيارتنا ؟؟؟؟ وطلعت أنا اللي راكبه بسيارته ...وفي نفس اللحظة ، أشوف سائقنا ، وهو يدق الشباك علي يقول : مو هنا مدام ...وماسك ضحكته ..

المهم إنه موقف يجيب الهم ....عاد دورني ما تلقاني ( تفشلت فشيله الله لايوريك ).

حكمتي :

(الصدق ربيع النفس ، وثمرة المروءة ، وشجاعة الضمير )

وأتوقع يرد بعدي واحد كتب له فرحة اليوم لم يكن يتوقعها .