تأخرت عنكم ومالي حق لكن جلست اتابع المشاركات الجديدة والحقيقة اني كلما جيت اكتب مشاركة وجدت ان هناك مشاركة جديدة وان ماساشارك به اقل من الموجود وتراجعت ، على العموم هذه مشاركة آملان ترقى الى مستوى مايكتبه الأخوان في هذا المنتدى وآمل ان تصل الى حجم ذائقتكم الراقية التي تجبر الكاتب أن يراجع حساباته قبل نشر أي قصيدة أقول :


جيت وانا تارك ايامي وهمي خلف ظهـــــري = لاتخليها تعود بيني وبينك طلابه

جرني لك شيمتي واصلي وحبي لك وقهري= والعهدهذاك من عامين وثقنا كتابه

والا انا قلبي صخر صوان قاسي وانت تدري= مايهزه فقد محبوبه ولا حتى نحابه

بدري انه واحدن يقدر يهز القلب بـــــــــدري= إلا وين اللي يحاول ياهلابه ياهلا به

لاتظن اني على شانك زعلت وضاق صدري= بعض خلق الله فراقه زاد في صدري رحابه

الجزع والضيق يتحداه يتحداه صبـــــــــــري= والرياح العاتيه ما اظن تهزمها سحــــــابه

جيت اقول ارحل ودور للمحبة عند غيـــــري= ياكثر من يشبهه طبعك ويغريك ابسرابه

جيت اقول انسى تراني ناسي(ن) لك حد خبري = والأمل في فكرة اني راجع(ن)لك سد بـــــــــابه



وسلامتكم .