اخواني الكرام اقدم لكم هذه القصيده التي تشرفت بالقاءها امام صاحب السمو الملكي الامير خالد الفيصل بن عبدالعزيز امير منطقة عسير بمناسبة افتتاح مهرجان أبها لعام 1426 هــــ



أبها والصيف

أبد بذكر الله رب العبادي= الرازق اللي يرزق الناس والطير

وصلاة ربي على الرسول القيادي= اللي دعانا للعباده وللخير

وبعدها سلام من اقصى فؤادي= اعداد ماناضت بروقً وعاصير

وازكى من اورود ومسك وكادي= والذ واحلى من حليب المغاتير

في قدر ابو بندر كريم المبادي= الشاعر اللي طور الشعر وعسير

تعيش ياخالد عزيز المرادي= وجه المحبه والرضاء والتباشير

في عهدكم المنطقه في ازديادي= تلقى الدعم من عندكم والتدابير

وفي السياحه كم لكم في اجتهادي= حتى غدت أبها حكايه وتعبير

دره عليها يحشد الغيم غادي= فيها الطبيعه الساحره والتياسير

أبها فرح أبها حدث غير عادي= في كل عامً تلبس التاج وتثير

أبها دفائي أبها شرابي وزادي= احساس عاشق عاشها روح وضمير

صار المصيف من ربوع البلادي= يزورها ويشوف في جوها غير

حتى من الخارج عليها ارتيادي= يلقون فيها كل طيبه وتقدير

عن الوطن فيها تذود الايادي= وترفع الرايه بحكمه وتفسير

دون العلم كلً بروحه ينادي= تحميه وقفات الرجال المناعير

شعارنا رمز الولا والتفادي= تعطى التحيه له من صغير وكبير