بسم الله الرحمن الرحيم
خلونا نطلع من الرسميات وندخل جو الفرفشه ..."اليوم بس"

هذي قصه ظريفه وحلوه ونهايتها أحلى

طبعاً قبل أبدأ
الموضوع:



بس من إيميلي طبعاً

:::::::::::::الجزء الأول:::::::::::::

::: الحب بلا عقل :::


تدور أحداث القصة حول طلال الافدغ وريم التي لاتقل عن طلال (( فداغه))
أراد طلال أن يزين حبه بالزواج من مشوقته ريم ولكن وقف بطريقهم
.
.
.
تابعوا القصة لتعرفون مالذي حصل مع طلال وريم
ومع أجمل قصه حب في زمن افتقدنا فيه مثل هذا الحب ومثل هذي التضحيات الجميلة وان كانت بدون عقل.


:: المشهد الأول ::

أبو ريم : اطلع برى يالافدغ مابقى غير أنت نزوجك بنتنا يالخبل ,,, أنت دام معك فلوس رح تعالج فيها رح اشتر لك عقل .. مهبوول أنا أزوجك بنتي ؟؟ <--- تكفى بنتك العاقلة الحين كركركر
طلال : ياعمي افهمني أنا أحبها والحب راح يكبر بعد الزواج<--- ماحد سالك يكبر ولا يصغر كركركر
أبو ريم : أنت لاعندك لابيت ولا فلوس شلون تبي تسكنها يالله برى برى <--- أفلام هندية كركركر
طلال : يااعمي أفهم.....
طرااااااااااااااخ <-- صوت باب الشارع تسكر <--- يلعن ام الطردة خخخخخخخخخخخخخ






:: المشهد الثاني ::

طلال يكلم نفسه بالسيارة
(( أنا لازم أسوي شي لازم أحاول اقنع عمي أني اقدر افتح بيت واقدر أتزوج بنته وهو متطمن ))
وهو جالس يكلم نفسه دق الجوال يطالع بالجوال إلا مكتوب (( معشوقتك تتصل بك )) ويجلس يكشخ ويعدل بجلسته

طلال : الوو مرحبا
ريم : طلال ووجع وراك ماترد بسرعة <--- يلعن ام الأسلوب
طلال : وش دخل اهلك أرد بسرعة ولا مارد يالله بس منااك تقلعي يالغبيه <--- تكفى يالصاحي...
طلال : اخلصي وش عندك بسرعة <--- خربت الأخلاق
ريم : كنت بقول لك أن ولد جارنا حمود اليوم وأنا طالعه البقاله حاول يحتك فيني وحاول يلمح لي انه يبيني اطلع معه <--- اخبر الناس تلمح للرقم موو الطلعة كركركركركر
طلال : افااا وأنتي وش سويتي له؟؟ لاتكوني ....
ريم : وجع يوجعك وش اللي لاتكوني ... يحمد ربه أن الدورية جت ولا كان راح لبيتهم بالنقالة <--- أخس يارضا تكر كركركركركر
طلال : وش سويتي فيه يالخبله
ريم : ياشيخ ماسويت فيه شي بس إني كسرت قزازت البيبسي على راسه واذكر إني قبل ماتشيلني الدورية شفت مخه يفحط عند رجولي

طلال : دوووريه وشو الدورية شالتك ؟؟ لعن أبو إبليسك أنا جالس أحب فاندام ولا جيمس بوند .. وش سوا معك الدورية طيب.
ريم : يارجال ماسوا شي ابد .. أعجبك أنا ياطوطو (( دلع طلال )) اعرف شلون أذوب الرجال<--- جابت العيد كركركر
طلال: هلااا والله الشغله فيها تذويب..
ريم : يارجال السالفة ومافيها أنهم ركبوني بالدورية ورى وأنا جالسه جنب العسكري ومتغطيه وهو يطالع فيني يقزز فيني يعني ياريم وريني أي شي وأنا أنزلك<--- أموت على اللي يفهمونها على الطاير...
طلال: أيه وبعدين
ريم : يارجال لاتشغل بالك بالسوالف التافهة ذي .. <--- شكلها مسويه مصيبة كركركر..
المهم خلني أقولك ترى ولد جارنا الثاني عواد مقدم ملفه يبي يخطبني الحق وقدم ملفك للترشيح وقدم مميزاتك وكل شي وأنا بشوف مين اختار <--- وين ياغبيه يتسابقون على تنظيم بطوله؟؟ كركر كركر
طلال: لعن أبوبليسك ماتحبيني أنتي ؟؟ شلون تختاري؟؟
ريم : ياخي أنت قدم ملفك وماعليك أن شاء الله بحاول أني أوافق<<<قسم بالله انك مرجوجة ...

سكر طلال السماعة وجلس يسمع أغنيه راشد الماجد ((عفناك ياللي بعت نفسك رخيصة عفناك يوم انك تسالمة للبيع ))<--- نصااب

ضرب طلال يده على الطبلون وقال بصوت واطي (( يلعن أبو الحب شوو بيزل )) <--- إيه هين يالافدغ كركركركر

بعدها على طول طلال راح وبدون مايفكر للبقاله واشترى ملف علاقي وقلم ازرق ...<--- مصدق الرجال بيقدم ملفه <---وين يابوو مقدم تبي تستضيف بطوله أنت وجهك اللي كنه مفك مربع
جلس طلال يفكر ويفكر ويفكر شنو يكتب بالملف؟؟
انسدح على كبوت السيارة وطلع الورقة وكتب





:: المشهد الثالث ::

وافق أبوريم على طلال بعد خطاب التهديد لأنه يعلم إن طلال بدون عقل يعني ماهي فارقه معه يذبح عمه .

بعد أن وافق أبوه ريم على الخطبة طلب طلال إن يشاهد ريم لان هذا على حد قوله شي أساسي بالخطبة رغم انه كل يوم وهو شايفه,,

وافق أبو ريم وعطااه على قد عقله

جاء طلال على الموووعد
.
.
.
كان جالس أبوريم وطلال , شوي تدخل عليهم ريم ومستحيييه مرره وجايبه معها العصير وأول مادخلت

قام الافدغ طلال يصفق ويصفر <--- سلامات يابو ماجد عبدالله داخل كركركركر

ويطالع فيه ابوريم ويتحمد الله على النعمة اللي هو فيها

جلست ريم جنب أبوها شوي ويقعد يطالعها الافدغ طلال من جنب من طرف عينه مسوي ماحد شايفه

قام نقز ابو ريم ونافخ عليه

ابو ريم : ياخي أنت وش قصتك مسوي ماحد شايفك ؟؟ ياخي طالع فيها عاادي ماحد مكلمك جايبين البنت تجلس هنا ليه هاااه ؟؟ عشان أنا أشوفها؟
طالع فيها بلى بشكلك... <--- خربت الأخلاق هع هع هع

وطلال ولاكن احد يكلمه مصمل انه يطالع فيه من جنب <--- قسم بالله انك متخلف خخخخخخخخخ

شوي قام يسأل ريم

طلال: كيف صوتك ريم حلوو ولالا؟؟
ريم : إيه حلوو مرره <--- غبية تجاوب كركركرك
طلال : طيب ممكن تغني لي أغنيه سريعة <--- متأثر بنجوم الخليج كركركركرك
ريم : مادري الأخ ينكت ولا شكله كذا

نقز ابو ريم قال والله انه هو كذا افدغ <--- تكفى ياللي بنتك صاحيه <--- حاقد عليه المؤلف <--- تقلع بس كركر

طلال : يااااااااحلاااتك ياريم وياحلااات ضحكتك يااشيخه
ابو ريم : يابوووي استحي على وجهك هذا وأنت ماخطبتها جالس تتغزل فيها اجل ليلة الدخله وش تبي تسوي؟؟

طلال : وأنت وش دخل اهلك وش أسوي ؟؟ قاط معي بزوجتي بعد ؟؟ لا وش رايك تجي معها بليله الدخله ؟؟ هااه وش رايك ؟؟ لا بالله تعال تعال..<---أخربها طلال كركركرككر

ابو ريم : على تبن بس <--- والله موو بعيد عنهم كركركر

المهم طلعت ريم من عنده وهي متشققه مبسوطة مرره <--- لأنك معوقه مثله كركركركر





:: المشهد الرابع ::

بعدها جاء موعد الملكه وراحوا ينزلون يجيبون الذهب والدبل

وهم يشترون الدبل تهاااوش طلال مع ام ريم وشوي يتكااافخون
السبب أن ام ريم تقول له اشتر خاتمين واحد لك واحد لريم وهو يقول لااااا مالها داعي التبذير نشتري واحد لريم بس وأنا عندي واحد بالبيت خاتم ابو فصه سوداء البسه يوم الملكه <--- فاهم غلط كركركررككركر

المهم اشترت ام ريم الدبل على حسابها ماتبي تتفشل

جاء يوم الملكه وجت ام ريم تفهم بنته ماتبيها تفشلها

ام ريم : شوفي يابنتي جمليها معي الليلة الله يجملها معك شوفي إذا لبسك هو الخاتم بعدها أنتي لبسيه زين ؟

ريم : ليه يمه هو مايعرف يلبس لوحده ؟ فاضيه أصير له مربيه ؟؟ كل شوي يقول لي تعالي لبسيني وتعالي فصخيني ؟؟ <--- فاهمه غلط

ام ريم : ياقلبي هالمره بس عشاني لبسيه <--- تعطيها على قد عقله
ريم : خلاص بس عشانك باسوي اللي تبيه


:::::::::::::الجزء الثاني:::::::::::::


:: المشهد الرابع ::

كانت ريم جالسه ومتشققه ماهي مصدقه راح تتزوج حبيبها طلال

شوي يدخل المطفوق طلال واول مادخل راافع يده وجالس يحي المعاازيم وحاط يده على راسه ويقول لهم كلكم على راسي <--- محمد عبدو على غفله هههههههههههههه

ويجلس جنب ريم وتقرب منه ريم وتقول له بصوت واطي

ريم : كيف سويت هذي الحركات ياخطير والله ماعرفتك تصدق حسبت اني جالسه بحفل اعتزال الكبتن سعد الحارثي هاهاهااها <--- يلعن شكلك الكبتن سعد باقي ماعتزل <--- اخس يالمتعصب هع هع هع

طلال : ياشيخه مايمديك علي باقي ماشفتي شي بس عطيني فرصه ..... <--- ياهوو ارحمنا

شوي تجي ام العروووس وام العريس ويجيبون الدبل

قامت ريم ولبست طلال الخاتم واول مالبسه قام وقف

ويوريه اللي جالسين ويبوووس الخاااتم ,,,

وجلس ولبس ريم الخاتم حقها وقامت ريم وسوت نفس الحركه <--- عادي الافدغ ماياخذ غير فدغه مثله كركركركرك

اول ماجلست قال لها طلال بصوت واطي

طلال : عجبتيني قبل شوي عشان يعرفون الكل اننا متفاهمين <--- الا فدغاان والله ههههههههههههه

بعدها جت المصوره تبي تصورهم وقامت دلاخت طلال عاااد

شوي يطقها لثمه ومايباان غير عيونه يقال له حركه <--- طالع قنص انت وجهك كركركرك

شوي يفك ازرار الثووب ويخليها فااتحه يقال له كاظم الساهر على غفله<--- المشكله لابس فلينه تحت الثوب ككركركركرر

وجت تبي تقلده ريم وتفك صدرها بس الحمد الله كانت امها جنبها ولحقتها وغطتها ولا كان قلبوا العرس اغرات <---تقلع يالداشر كركركركر





:: المشهد الخامس ::

جت ام ريم تشتكي لاابوريم بعد الملكه

ام ريم : يابو ريم والله اني خاايف على بنتي من هالافدغ طلال ماحس انه قد المسئوليه

ابو ريم : الله واكبر يعني بنتك الحين العااقله والله ماافدغ من طلال غير ريم ,, بعدين انا والله شااايل هم ولدهم اللي بيجيبونه والله ياهوو بيكره نفسه هذا اذا ماطلع اهبل مثلهم ههههههههههه

شوي وهم يسولفون يدق التلفون



ترم ترم ترم ترم



ابو ريم : الووو مرحبا

طلال : هلاااا والله بابو نسب كيف حالك ؟؟

ابو ريم : هذا انت ؟؟ ياخي تونا مااصار لنا خمس دقايق تاركينك وش تبي؟

طلال: هااااه كيف الملكه ان شاء الله عجبتكم ؟؟واستاانستوا فيها؟؟ ترى انا ماخطبت بنتكم الا اني ابي اونسكم؟؟ <--- لاياشيخ خخخخخخخخخ

ابو ريم : الله يخليك مانستغني عنك ... بس قول لي وش تبي الحين متصل الساعه 3 الفجر

طلال: يعني وش ابي ؟؟ ابي بوسه منك مثلا؟؟ ياخي ابي خطيبتي ابي اكلمها ابي اتفااهم معها على لون غرفة النوم لاني اتصلت على جوالها مقفل <--- يلعن ام المسكه الغبيه

ابو ريم : ياخي انت صاحي ولا مهبوول متصل علي الساعه 3 الفجر وتونا مخلصين الملكه والعرس بعد 6 شهور تقول عطني ريم بسالها عن لون الغرفه ؟؟

طلال: شف اقول انت يابو خشم معفظ اسمع ترى اخر مره اقول لك رح نادي لي زوجتي ولا قسم بالله بكرى اشتكيكم ببيت الطاعه <--- يلعن ام النشبه كركركر

عطاااه ابو ريم على قد عقله ونادى له ريم





:: المشهد السادس ::

(( بعد مرور 4 شهور ))


جااء ابو ريم لطلال يبي يتفااهم معه على اثاث الشقه

ابو ريم : هاااه يا طلال وش سويت بالشقه ؟؟ عسى كل شي تمام؟

طلال: اسمع ياعمي انا شقتي براسي اخليها مميزه عن كل الشقق ابي احط صورتي بالصاله واحط بغرفة النوم صورة ريم بس عشان انا اشوفها <--- اخسس مايمديني على اللي يغارون هع هع

ابو ريم : ايه وش بعد تبي؟

طلال: وابي اخلي غرفة النوم جلسه عربيه <--- كيف تجي مادري المهم مشوها خخخخخخخخخخخخخخخ

ابو ريم : الله يكتب اللي فيه الخير <--- قفلت الاخلاق





:: المشهد السابع ::

(( العرس ))

جاء يوم العرس وكان يومها طلال متشقق مررره من الفرحه مكشخ اخر كشخه,,

جااء وقت دخلة العروس وكانت الطقاقه ((زبيده)).

سألت زبيده ام العروس قالت: العروسه على ايش تبي تنزف؟؟ ولا عندها شريط خااص تبي تنزف عليه؟؟ <--- تحسوني خبره بالعروس كركركركر

ام ريم : ايه طلال زوج ريم مسوي مفاجاه لريم مسوي لها زفه خااصه بصوته هو




دخلت ريم وشغلوا الزفه وقالت ام طلال لريم هذي هدية طلال لك بيوم عرسك ويوم سمعت ريم صوت طلال وعرفت انها هذي هي هديته لها بعرسها ماقدرت تمسك نفسها واغمى عليها ههههههههههههههه <--- من زين الزفه الحين خخخخخخخخخخ

جت ام ريم وام طلال وشالوا العروس وحطوها بكرسيها الين صحيت ههههههههه

بعدها جاء يبي يدخل طلال الافدغ الكبير

جاء يبي يدخل طلال وكان يبي يدخل معه ابو ريم

طلال: وش عندك انت لابس ومكشخ؟؟

ابو ريم : ابي أدخل معك ابي اسلم على بنتي

طلال : هذااك زماااان كانت بنتك الحين هي زوجتي يالله مناااك ولا اشوفك تفرفر عند قسم الحريم ولا قسمً بالله لا ارتكب فيك جريمه يالله بس تقلع انت وراسك اللي كنه جوال الفارس <--- كيف الجحده بس هع هع هع

ابو ريم : زين زين ادخل بس وفكنا <--- والله مهجدك طلال هع هع

دخل طلال ونفس الشي سألت زبيده ام العريس قالت وش يبي العريس اغني له؟؟

قالت ام العريس والله ولدي طلال حالف انه ماينزف غير اذا غنيتي له اغنيه الاتحاد(( يــاكلك أكل البرشومي ... ياكلك حبه ورى حبه ))

<--- تخيلوا بس شكل زبيده تغنيها<--- تكفى لو انها محمد عبدو كركركر

دخل طلال وقامت زبيده وغنت لها اللي يبي حتى اكتشفنا ان زبيده خبره بالاشياء ذي لانها قامت تقول

ون ون ون طلال نمبر ون

ون ون ون طلال عريس ريم <--- بالغصب يبي يخليها اغنية زفه ههههههههههه

وطلال ماااااشي وماحد قده وراافع يده ومسوي حركه الانتصاااار <--- فااهم الدنيا غلط من قلب كركركركر

.

.

.





:: المشهد الثاامن ::

(( ليلة الدخله ))

طلال: يا حلو يا قمر يابو عيون كحيله

ريم : يالله عااااد بلااا غزل وقلة ادب فاالح بالكلام بس <--- وش تبي ذي خخخخخخخخخخ

طلال : طيب وش رايك نقوم نلعب .................. طوووووووووووووط (( لقد تم الحذف من قبل الرقابه ))

.

.

.

ثاني يوم قال طلال يالله نبي نلعب لعبة حبشه ((غميمه)) واتحداك تحصليني .

ريم : شف اذا حصلتك تسفرني جده بكرى ايش رايك؟<<وجه فقر

طلال : اووف جده صاحيه انتي؟؟ اجل شكلك ماراح تشوفيني بعد كذا هع هع هع

رااحت ريم وعدت للعشره....

بعدها راحت تدور على طلال, راحت الصاله ماحصلت شي المطبخ ماحصلت شي غرفة النوم ماحصلت شي...

بس حصلت ان طلال ماخذ الشنطه وحاط فيها ملابسه كلها وماخذ مفتاح السياره وطالع من البيت كله<--- يلعن ام المزح اللي كذا

جلست تدور ريم عليه يوم كامل ماحصلته اتصلت على اهلها واهله وجلسوا يدورون عليه كلهم ولا فيه اثر له...

وبما اني انا عملاق الصرقعه الملقب (( بعملاق الخير)) احب اني اساعد الناس قررت اني اسوي هالموضوع حتى نساعد ريم بايجاد زوجها طلال .

هذي الصور توضح صورة طلال باكثر من شكل.



.
.
.
.
.

ومن يجد طلال او يملك معلومات تساعدنا بالوصول إليه الرجاء الاتصال على الرقم ((0509999999)) او إرسال رسالة على الايميل الخاص بعملاق الخير <--- صدق نفسه الرجال

وللمعلوميه هناك مكافآت ماليه مقدمه من عملاق الخير وهي عبارة عن

ــ ألف ريال لمن يدلي بمعلومات تفيدنا بالمكان الذي يختبئ فيه طلال

ــ الفين ريال لمن يحتجز طلال في منزله ويتصل علينا حتى نتمكن من الامساك به

ــ ثلاث آلاف ريال لمن يتمكن من الإمساك بطلال واحظاره الي منزلنا



راجين من الله ان يرجع طلال الى صوابه ويعود الى زوجته التي تكاد ان تفقد ماضل من عقلها الصغير.





:: لاحول ولا قوة إلا بالله ::

.

.

.

النهاية

.

.

.


حقوق الكاتب
::: كتبها لكم : العــمــلاق :::

القصه مثل ماذكر الكاتب بدون أي تعديل
تحياتي,,,
-------------------------------------------------------
[الساعة الآن: ][التاريخ اليوم: ]