ياشيخ انا كــم لي وانا ادرّج القاف= قافا سمــــين لمثلكم ينبدا به
الدين شرع الله به عدل وانصـاف = المسلمين اليوم كـــلا رضابه
والموت يحدانا مع كل مشـــراف = الفــا نياما عنه واقليل نابه
كم علم ولّفناه بالكــود ولاّف = والعمر مهما طال ياجي الفنا به
خلقا على التقوى مسيره ولاصـاف = وناسا على درب الشقا والعنا به
ياشـيخ انا بنشدك عن سبعة احلاف =عالمدح والقالا ت كلا بنابه
الاولي منهم كما جيب الاسعاف = درب الشيّم والمرجلة قد نشا به
وثانيّهم بالعز واقـــواله انظاف = ماعابه انصيفا ولا مد عابه
ثالوثهم يرقب على الحد باشراف = على الـوفا مايوم جا بالنشابه
رابع يصون الحد ماضيع اسـلاف =يمناه عالطـّـولات ماصك بابه
والخامس المنكر عدّوه والاسـراف = كريم بعد الله للي نصـابه
سادس ترى رايه مميز بالاعــراف = لباس جنبك لابدا لك طلابه
سابع فلاياجيك من صوبه اخلاف = يفدي ولايرضى بدرب الدنا به
ياشيخ من هو ذاجمع ذيك الاوصاف = هو كفو والا داب سمـّه بنابه
نعم تراهــو كفو للضيف مضياف = يكسي رفيقه فاللقا من جرابه
ياشيخ يامن لارمى يطـرح اهداف = اليوم زادت شب واللا شيابه
درب المراجل خاب من قال ينعاف = الحر يفنى فيه واللاش يابه
العـــود هو راعيه بريال والآف = ولانقول العــود وّلا شبابه
ياشيخ انا كم لي وانا اختار بالقاف = والرب للي تاب جنّب عقابه
امره يجي بالنون من قبلها كاف = ارجوك قدّر صلب ظهرك ولابه
يرضى بها الصاحب الا مر وان شاف =وترد كيد اللي بحقده نوا به