بديت اسطر واكتب اقوال باقـــلام =واطلبك يا معبود ثبـــت خطــانا
كم ناس تمشي في دروبا بهـا احــلام = يصيد زلات القفا مـن خطـــانا
اوهام مبنيه علـى وهـم واوهــام =ويترك الزينه ويشــرى جفـــانا
العمر مهما طال لو هـو ميت عـام =يصدر عن الهزلات وعن السمــانا
واللي بيلبس ثوب واهـي بلا كمـام =تبقى جنوبــه عاريه في هـــوانا
اشوف لي فتنه على روس الاعــلام =ملعون راعيهــا بالأرض وسمـانا
ذا يقطع العادات وسلوم وارحــام =يوم المعارك تحت هيبـه حمـــانا
جعل الحقود اليـوم طايـح ولا قـام =ظنيت به يفرح بطيحــه لحــانا
وعساه يفقد صورتـه بين الافــلام =يقولها الوافي وحــتى انت وانــا
ياعودنا المرحوم في طيـب وسـلام = ترى الليالي خيبــت منتخانــــا
صعبـا يقـود القافلـه ماله ازمــام = طبعـه من اطبـوع الفحـول السمـانا
واخرتقوده شاه ما عاد لهـا اســوام =ما نحسبه منـا ولا مشـورانـــا
ياقلبي ان كانـت حياتك بالإســلام= افرح بنهج الديــن واترك عــدانا
يا قلبي ان كانت حياتـك بالاقــدام= خلك عليها وارض ذا في رضــانا
اصبر علــى الزلات وانظر لقــدام = اللي ورى خلـــه بيقعد ورانــا
عساه ما يلبـس عقـالا ولا اعمــام= مخبول متخيبل ومن حدرضانـــا
تعبـت وانا اطـا سهولا مع اوجــام = كليت منها ودي ارقـى شــدا انا
كم لي وانا اداري شهورا وباعـــوام = مرات اصــدر ثم اقوم انشد انــا
ازريت من بعـض المعـاني بالاقـلام= واقول يمكن كل مخـطي هو انــا