قصيدة
غامد
وزهران
من
الأرشيف
.


قالت تعال اجلس معي منت خســـــــران= لحظة بسيطة كلها ربع ســـــاعة
اجلس وعلمني من اين انت يافــــــــلان= قلي من اية فخذ واية جمــــــاعة
قلت اسمحي لي مامعي قلب هيمـــــــان= عن الهوى والحب عندي مناعـــة
ان كان قصدك تسفزيني ، ان كـــــــان = تراني اتحلى بصبر وقناعـــــــة
الله خلقني صبر في صورة انســـــــان = والله عطاني فوق صبري شجـاعة
انا ادري اني يوم وافقت غلطــــــــــان= هاك الجواب اللي بغيتي سمـــــاعة
جدي عريب الجد من نسل قحطــــــــان= وآبوي ينسب من قبيلة خزاعــــة
وامي تربت بين عـــــامر وشهــــــــران = واخوالي اصلا جدهم من قضــــاعة
جابتني امي بين عرعر ونجـــــــــران= واستوطنت بين الحدب والرباعـــــة
وإذا تبين اسمي بدل كلمة (افـــــلان)= سمتني امي قبل سن الرضاعــــــــة
اسمي يابنت الناس (غامد وزهران )= ماهو من اسماء الدلع والميــاعــــــة
اذا نطقت اسمي على كائن كـــــان= غصب(ن) يجاوبني بسمع(ن) وطاعة
استاذنك وقت الموادع لنا حـــــــان= خلي وحيد الدرب يطوي شــــراعة
واذا سمعتي إني اصبحت عشقــــان= قولي لهم: هذي مجـــــــــرد إشاعة