اخواني الاعزاء
سبق ان قلت اني مجرد شويعر عرضه وليس لي صله بالشعر النبطي وادرك ان لكل شخص مجاله وافكاره وخياله ولكن رغبه في التواصل معكم سوف اورد هذه القصيده المتواضعه واعذروني ان كانت لا تصلح للنشر وفهي مجرد محاوله وفقكم الله




عاشق زمانه : احمد الدرمحي
من زمانٍ فات وانا خاطري مرتاح سالي = لا يسهرني غرام ولاتجرحني اهانه

شاعرٍ مرتاح باله لا يضام ولا يبالي = وان زعل فكك زعله بنغمةٌ من ليلدانه

اعشق ابيوت الشَعر والبن في صفر الدلالي = واجتماعات الرجال الي لهم قدر ومكانه

وان بغيت اعشق رسمت اجمل حبيبه من خيالي = واقعد اوصفها بشعرٍ كنني عاشق زمانه

خطةً سويتها لجل استريح من الهبالي = لكن العشاق يقلون انها خطه جبانه

لين جاني صدفةٍ ماعمرها خطرت ببالي = شفت فيها الموت الاحمر والعذاب على هوانه

جتني الي بالجمال اعدها الشخص المثالي = قاصده مستقصده تكسب من الشاعر رهانه

قالت انت الي تقول الحب قهار الرجالي = وانته الي قلت سيدي غاب وانا ابكي عشانه

قلت عز الله وصلتي يامكملة الدلالي َ = يا الهنوف الي نقش حناه في عالي بنانه

كلميني بالهداوه ماابي هرج العجالي = وانزعي من فمَك المرسوم علكات اللبانه

واسمحيلي بالسوال وجاوبيني عن سوالي = قالت اسأل وش تريد اب يفضح الشاعر لسانه

قلت ودي اعرف ديارٌ عاش فيها ذا الجمالي = الجمال الي يهد ويفقد الرجل اتزانه

قالت ادياري بعيد والدروب لها طوالي = وانت تعرف دارنا ذا كان تذكر بو فلانه

ما عرفت الدار لكني سكت على خبالي = ماابغي ابين لها اني ما اذكر الوقت ومكانه

حملتني من هواها عشقٍ اِهد الجبالي = حمل(ن) اثقل ما الجبال وزاد عن ثقل الامانه

وابتديت اسهر واعاني واعشق الجلسه لحالي = وانضم اشعارٌ رخيصه مالها ثقل ورزانه

وصفها معدوم والوصف المزيف ما يقالي = وان وصفت اب وصف ناقص ما اعتبرها الاخيانه

ناعسة طرف وكحيله عنقها عنق الغزالي = والشعر ليلٍ تسدل والقمر زاده رصانه

والكلام الي تقوله من شفيايفها الزلالي = قبل يطلع من شفاها يشعر القلب اب حنانه

كل ما اذكرها تمل العين من طول الليالي = كنني مثل السجين الي يقاد بلا ادانه

ويش طاح الجازيه في عشق بو زيد الهلالي = وابن غانم يوم شاف الجازيه هزت كيانه

قد جمح قلبي لها جمح الجواد بلا حبالي = لي ثلاث اشهور وانا ما قدرت ارخي عنانه

وسلا متكم واذا كانت تحتاج الى تعديل فلكم ما تريدون [/alig[/poem]n]