[img]http://[/img]وتكفون ياحباني اللي يعرف هالقصيدة وقصتها يتكرم علينا مشكور وينشرها لانها من قصص البادية القديمة صارت على واحد سناني من قبيلة جهينه والقصيدة حلوه جداً لكن للاسف ماني حافظها يادوب هالكم بيت اللي قدرة احصل عليها من شيايبنا الله يحفظهم وقد خانتهم الذاكرة.
ومختصر القصة ان رحيم السناني هذا انذبح وماعقب اللى عيال اثنين وصغار في السن ومع امهم في بيت السناني اللي يصير جدهم والقوم رايحين جايين عليه وجيهات يبون يلفون الموضوع اللي هم جماعة القاتل والسناني شايب كبير في السن لكنه حكيم وجيد وهو اللي متصدي للقوم ويصبرهم ومره يصرفهم يبي عيال الرجال يكبرون شوي وياخذون بثار ابوهم .
ولليله من الليالي بعد ماسرت الناس من عنده اخذ الربابة وقام يقصد والعيال مانامو برضهم يتسمعون للجدهم وبعد مانتهى وقام ينام واللعيال يجونك سارين في الليل وماطلع الفجر الا هم في ديرة خصمهم المهم وهم يطخونه ويعدون لديرتهم وضحى النهار وهم على جدهم من وين ياعيال جاين قالوا ياجد درك الرجال تراهم جاين قاله عساك استديتو بس قالو له الله الله قاله بيض الله وجيهكو.وارقدو انا جدك وباقي مابقي عندي وانا ابوفلان.
واليكم القصيدة وسامحونا على الاطالة وعلى سوء التعبير.
اخوكم الحربي
ابوعبدالرحمن
وللجميع تحاتي


يقول السناني قول من يفهم القول
يااللي نشيدهم للاجاويد ملهاه

أحضها حض القلص في حزابه
وأهد وأبني طيب الهرج وأنقاه

وأشوف بين اثنين حصلت نشابة
والكل منهم لابلينا بلواه

وأشوف ذيب يقصع العظم نابه
في غفلة الراعي يريد أكلة الشاه

اكل من المفرس وملا لبابه
ولاامتلى بطنه نوى البدن يفراه


وياذيب هون قاعدتلك ذيابه
متعنقاً للذيب مثل وشرواه

اما يجيب محقبين الشهاده
ولااربع شدادة الحمل بعراه

ولابحرف الله يبرى جنابه
انه بعيدعن نشبنا ولاجاه

وان انحنا قوسه ولاالخمن مابه
وان ماانحنا قوسه ولاعدلناه

اللي باغيله زايده يامرحبابه
يجيب مكياله من الشرنملاه

وهذا يضاحيلك وهذا يناديلك
لامنهم بين الكفيلين حطوك

وخلوك تتليهم كما شاة جلابه
ميرخلوفريغ الجيش يبع من النوم

الامن يتباين لاملح السيف مضراب
بعدين ارقدومن ضيمهم ولاتخافون

مازول راسي تنقله عوج الارقاب