اهدي للجميع هذه القصيده المتواضعه




الشوق يملى عيوني يابعد هالعيون وش فيك قاسي على هايمك ومولعك

وقفت اناظرك بعيون الهوى والشجون واشم عطرك وابعثر فتنتك واجمعك

ماكنك الا وتر يرتج بحلى اللحون ياليتني بعزفك يحلى لحن واسمعك

وقعتني في شباكك وانت غض وحنون وانا رميت الشبك وازريت لا اوقعك

ياطهر من القطره اللي تحتضنها المزون ظامي ولي نيه اترشّفك واتجرعك

ياناصع اللون انا بلقاك في كل لون مادمت شاعر حلفت اضيع واضيعك

الابيض بجسمك الناعم ينوّخ ظعون والاسود اهدابك اللي توهتني معك

والاشقر ابشعرك اللي ساق عطر ودخون ريحته تبقى ثلاث اسنين في مضجعك

والاحمر ابلبسك اللي ظاق حول المتون من ضيقه اخاف يكسر يالرهيف اضلعك

ياهوه رفقك على العشاق واهل الجنون ياهوه يامجملك....... ياهيه يامروعك

أبيك لمسة حنان ابيك جرح وطعون أبيك من راس شعرك لين رجل اصبعك

الا ترفّق علي وقول لي من تكون؟؟ من قبل لاافقد صواب العقل وآسنعك

ياناعم اكفوفك النعّم تهدّم حصون قلب الشجاع انتفض واهتز من مطلعك

ارحم ترى الله يرحم كل من يرحمون ماقد ثشفعت احد واليوم بتشفّعك

ياليت كفي وكفك ليله ابيلتقون واقطع نباتٍ نبت في تربتي وازرعك

يادرة البحر ليت الناس مايلمحون لاجيت اغطّسك في بحر السهر وارفعك

حلمي تعدّى حدودك يالرهيف الفتون يالله عسى العين طول العمر ماتدمعك

اليوم مريتني واخذت قلب..وتمــــون والحين ودعتني والحين باودّعـــك

لكن طلبتك وتكفى يابعد من يكون ان كان مرّيت بكره..جيب قلبي معك






وسلامتكم
اعذروني على الاطاله وأتشرف بزيارتكم وأعتز بردودكم