هذه قصيده نظم للشاعر الكبير / مبارك بن عايض ابوعلاج الرفاعي الغامدي, التي قالها بمناسبة زيارة صاحب السمو الملكي الامير / محمد بن سعود بن عبدالعزيز ال سعود امير منطقة الباحه وابنه الامير الدكتور/ فيصل ، لشيخ قبيلة رفاعه الشيخ / بخيت بن طاحوس بن جمل المكي في كرا الحائط يوم الاربعاء 16/8/1423هـ




ألفٍ هلا مـا ذعذعـن النسانيـس****وما يدفع الريح السحـاب اندفاعـه

وما خطت الأقلام فوق القراطيـس****وما أبدع بطيّات السجلـه ابداعـه

وما هدرست تحت العجاج النواديس****وما كبّروا خلف الإمـام الجماعـه

يالصيرمي نسل الحرار القرانيـس****حُـرٍّّ جناحـه للمراقيـب زاعــه

محمد بن سعـود راع النواميـس****ابن الملوك أهل الفخر والشجاعـه

شرّفتنا يا طيّب الأصل و السيـس****تشريفكـم غاياتـنـا والطمـاعـه

يا مرحبـا ترحيبـة مالهـا قيـس****بقدوم أبو فيصل وفيصـل ذراعـه

ترحيبة يجـلا ضياهـا الغطاليـس****تنشر باسم شيخ وقبائل " رفاعـه "

من شيخ شملٍ شَدّ للبيرق العيـس****بأمر الملـك جـدك وحنـا فزاعـه

أعطاه جدك بيرق الديـن والكيـس****وعاهده عهد ما نـوى بانقطاعـه

وناصَر إمام سيّس الحق تسييـس****يسعى على نهج النبـي و اتباعـه

عبدالعزيز مقدّس الديـن تقديـس****يا جعل له عنـد الإلهـي شفاعـه

مدرّس عياله على الطيب تدريـس****الوصف وصفه والطبايـع طباعـه

في حكمهم ما دنّس العرض تدنيس****تحكم بشرع الله في اطهـر بقاعـه

الحق حطوا له قضـاه و مجاليـس****ما غلقّت عن طالب الحـق ساعـه

بأمر الملوك اللي تفـك المحابيـس****وصدورهم للشعب فيهـا وساعـه

نسل الإمام ملوك نجـد القرانيـس****فينا لهـم حـب وسمـع وطاعـه

لا قامت الفتنه على غارب إبليـس****دون الوطن كلٍّ غلا الـروح باعـه

يأمـن بنـا لا ولعـنّ المقابيـس****ثالث ثلاثـه فـي ذممنـا وداعـه

لحمى المشاعر جنّدتنا الاحاسيـس****وحمى ملكنا والوطن عـن قناعـه

والشعر له صوله و جوله وتجنيس****وقولٍ يقوت من الظمـا والمجاعـه

وبنات فكري للنـوادر جواسيـس****تجـول سـوقٍ للنـوادر بضاعـه

لا هدرست شُرد القرايح هداريـس****صحّت وزودها الأميـر استطاعـه

وفي سيدي هاضت علي الهواجيس****بقولٍ عسى يرضي سموه سماعـه

وشعر ما ينظم في آل مقرن مفاليس****وفيهم قصيدي نحفظه عن ضياعـه

عن غيرهم تقف القصايد محانيـس****وفي مدحهم تحمل وسـام البراعـه

لأميرنا اللي يملك المدح و يريـس****مجدٍ على غيره صعيـب ابتداعـه

قبلك بعضنا فـي ليـال مداميـس****ونور القرى حرم علينـا انهزاعـه

ومريضنا ما له دوى ألا المحاميس****يموت ما يعرف طبيـب الاشاعـه

الليل ظلمـا و الكهـارب فوانيـس****ومعك أشرق النور وشملنا شعاعـه

نور جلا هَمّ الدجى و الوساويـس****والليل الأسود شـال عنّـا قناعـه

والغيث كم يحيي الهشيم اليبابيـس****وبعد الله انتـم غيثنـا والرجاعـه

زحتوا عن الخَطّ الجبال المتاريـس****وصنعت بيديـك التطـور صناعـه

بحزم وعزم كرّستوا الجهد تكريس****وبنيت ما جاء في بنـاك انهزاعـه

وألبستم الباحـه جـداد الملابيـس****وتكلمت عنها الصحـف والاذاعـه

وغنّى لها طير السعد بالمراويـس****بجهود أبو فيصل وبعـد اطلاعـه

وتجاوزت لندن ورومـا وباريـس****واحه عليها الغيـم يفـرد شراعـه

خضر الفياض منوعات التضاريس****لها عـن الطبـع المغيّـر مناعـه

من نجد لا ساحل شدا وين لا نيس****روضٍ خضر سهله وضلعه وقاعـه

قطرين تفصلها الجبال الطعاميـس****ويزمي عليها من السراة ارتفاعـه

وصلاة ربي عِدّ ما في الكراريـس****علـى نـبـيٍّ سنّـنـا لإتبـاعـه