نويت مـرباع الغـظي سيد الأحــباب=قـصـدي يـزول الـجـرح زاد إلتهــابــه
جـيـت وبقايا نارهـم حـول الأطــناب=بيت الشعــر مـطــوي وباقي زهابــه
أقفت ركـايـبـهم ومـن الـهــدب ذاب=مـن دمـعـي أسـأل وانذهل بالإجابــة
على غـزير الدمـع ضميت الأهــداب=صـديت ليـن الدمـع يكـفي سـحابــه
بعـض الوجـاع يمكن يداويه الأعــشاب=وبعـض الوجاع يا ويل منهو سطا بــه
عـشـق بـدوي لا حب ما هــو بكــذاب=يوفـي ولـو جرحــه تـجــدّد صـوابــه
واليوم وصلت لبيننا مثل الأجــناب=ذاك الغــلا يا ضـيعـتــه يا سـفـه بــه
باكر إذا جـيـنا لـهــم مثـل الأغــراب=من عـقـب مـا كـنا الأهـل والـقـرابــة
الأمـر لـلـــه كــل شـيء لـه أســـباب=وإلا الـهـوى وش لي عـلـى هـدّ بابــه
وشلون قلبي ما يجي اليـوم منــصاب=على الثـقـل منـقوش بعض الكتابــة
حتى أثر مشيه مع سهـول وهــضاب=مـرٍّ يـبـيــن ومـرٍّ مـا يـنـــدرى بــه
قلبـي مـن الفـرقا صـويب ومــرتـاب=كـنـه غــدا نـصـفيـن من هـو لفا بــه
حزني عـليــه إنـه تـسـبـب ولا طـاب=نـظــرة طـبـيبـه عـجّـلت في ذهـابــه
ريح الخـزامى والنفـل زيـن الأطــياب=يـشدّنــي ريـح السّمـر فـي ثـــيابــه
لأقبل نسيم الليل له فيه خيل وركاب=وله فـي طلـوع الشمـس عـز ومهابــه


كلمات : ( سعد الخريجي)