أنـا والليـل والقمـرا وشالـك يـوم فليـتـه = وبان الصبح واشرق من جبينك وش حصل فيني
نسيت الليـل والقمـرا بربـك ويـش سويتـه = نسيت الموقع اللي ضمنا مـا ادري أنـا وينـي
تحول كل شي فـي صورتـك موطـن وحليتـه = وغيـرت الحيـاة الماضيـه بآخـر عناوينـي
حور عينيك بحـر وعينـي شراعـي ومديتـه = لنـواد النسايـم يرسلـه مابيـنـك وبيـنـي
زرعت الحب في أرضك أمل واشواق وارويتـه = على خصبـك نمـا عشقـي أسليـه ويسلينـي
أنا هذا حبيبـي مـن عرفتـه زيـن واغليتـه = وناجيتـه وناجانـي وهـو بـالـود يغليـنـي
بعـد مـا مـد لـي كفـه وحيانـي وحييـتـه = ترك عطـر المـوده مايفـارق راحـة ايدينـي
وهو في دنيتي عايش وانـا فـي جنتـه جيتـه = وهو يرعى قطوف(ن) دانية تغـري البساتينـي
تنعـم فـي مجانيهـا وناولـنـي وجاريـتـه = وناولته خفوق(ن) ساق نبضـه مهـر للزينـي
وطاب الوقت لي وارسيت بيتي في وسط بيتـه = وصار البيت واحد وش لنـا فـي هـم بيتينـي
وحطيت التعب عن كاهلـي وارتحـت والقيتـه = على وجه الزمان اللي مضى وانزاح من عينـي
وصحاني أذان الفجـر مـن حلمـي وصليتـه = وقلت الله يخارج مـن حلـوم تسـرق سنينـي
تعشمني بشـي(ن) مـا تهيـا لـي ولا ريتـه = مجرد حلم لامني صحيـت يـزول مـن حينـي
وتذهب كـل آمالـي سـدى واقـول يـا ليتـه = تحقق واكتمل لو يوم حلـم (ن) يشتعـل فينـي