السلام عليكم ورحمة الله وبركاته
انا جييييييييييييييييييييييييييييييييييييت
وحقيقه مشتااااااااااااااااق لمنتدى الديره وكل الحبايب اللي بمنتدى الديره
بس علاشان تعبت وانا احاول اسجل مره ثانيه رح اتعبكم بقصيده طويله جدا
بس اللي رح يشفع لي من دعواتكم انها وطنيه
بس من جد ...... اللي ماعنده عشر دقايق على الاقل ماله داعي يدخل عليها
لاني رح ازعل لو واحد بدأ فيها ولا كملها ..
اربطو الاحزمه ...




الله اول .. الله اول ..ثــم قـايـد نهـضـة المملـكـة ســـاس الـحـضـاره=ثــم نسـلـم ياوطـنـا عـلـى تـرابــك ورمـلــك ونـهـديـك التـحـيـه
مـن لنـا غيـرك .. ومـن لـك غيـرنـا .. يااعـظـم وطــن محـسـود داره=دار ابـو فيـصـل .. ابــن الـعـود .. لـطـام الـعـدا .. راعــي الحمـيـه
فــز لــك عبدالعـزيـز ابــن سـعـود .. وكــان تـوحـيـدك شـعــاره=شـاف حـدك .. مـن شمـال .. ومـن جنـوب .. ومـن هنـاك .. ومـن هنيـه
وارتكـى للحمـل .. اخـو نـوره .. وغـاره عـقـب غــاره عـقـب غــاره=الــف قـلــوب الـرجــال .. ودك حـصــن التـفـرقـه والعنـصـريـه
مايهاب الموت .. لـو مـرة هـاب وتراجـع .. كـان كـلا تمتـرس فـي ديـاره=تحت خيمه .. مرة ينهب ويْْْْْنهب .. ومرة يسرق ويسرق .. جاهليه جاهليـه جاهليـه
لكـن الله ثبتـه .. واعطـاه قلـب اليـن مـن الليـن .. وفـي صلـب الحـجـاره=من يشق الصف .. ينصح .. ثم ينصح .. ثـم ينصـح .. ثـم يـرد حـوض المنيـه
قـرر انـه يرفـع اسـم الوطـن فـوق السحـاب .. ولا تخلـى عــن قــراره=صـار يطْْْمـع بخيراتـه .. ويحسـد علـى الوحـده .. ودربـه لحسـاده عصـيـه
وبعـد اكثـر مـن ميـة عـام.. نبـنـي فــي رفـاهـه ومـجـده وازدهــاره =وبعد اكثر مـن ميـة عـام.. ونحـن نشـرب شموخـا وطيبـه وعـزة مـن ثديـه
وبعد اكثر مـن ميـة عـام.. واطفالنـا تضحـك لشمسـه .. وتقطـف مـن ثمـاره=وبعد اكثر مـن ميـة عـام .. تطعـن هالبـلاد الطاهـره .. وينوبهـا منهـم اذيـه
اطعنوها في ظهرها - الله اكبر - اطعنوها فـي ظهرهـا .. وجـت منهـا استـداره=العنتهـم .. واسخطتهـم .. واتفلـت فــي وجهـهـم .. والله عطـاهـا مقـدريـه
وافتقدناها .. لقينا الجرح سطحي .. لـن طعنتهـم عقـوق .. ولـن طعنتهـم غـداره=لـن طعنتهـم .. ولله الشـكـر والحـمـد .. مــن سكـيـن مثلـومـه صـديـه
انصدمنـا.. ثـم تفقدنـا يدينـا مـن خجلـنـا .. مالقيـنـا لادلـيـل ولا امــاره=ثم كرسنا الحواس الخمس .. حتـى السادسـه.. والحاسـه السادسـه ياهـي ذكيـه
اشـرت فـوق اليديـن اللـي كلـت معنـا وخانتنـا .. وبشرنـا وطنـا بالبـشـاره=هالايادي ماهي لايدك .. ولا يده .. ولايدا كلت ثـم اشكـرت .. نعـم ماهـي يديـه
اشرت ونحن على الطايـر فهمناهـا .. وطرنـا فوقهـا .. والحـر تكفيـه الاشـاره=استعنا بالله الواحـد وجابهنـا غلطهـم بالحقايـق وعفـو المقـدره .. وبحسـن نيـه
قـال .. ابـو فيصـل .. اللـي يرجـع آمـن .. وفعـلا بعضهـم صحـح مسـاره=واعتـذر لبـلاده .. وقـدم نـدمـه .. وقــال كــل افعالـنـا كـانـت غبـيـه
وبعضهم .. يتوهم انـه فـي صعـود .. وقـرب اهدافـه .. وهـو فـي انحـداره=اندفع يخدم فـي اهـداف العـدو .. واقنـع سفيهيـن او ثلاثـه .. وسـوو .. زيـه
لا مؤهل للفتاوى .. ولا اجاده للحوار .. ولا يخطط للتراجـع .. بنمـره واستمـاره=ثور فـي برسيـم .. لايفهـم ..ولا يلهـم .. ولا يحسـب لعشـره .. ولا لـه ديـه
خذ بيده قنبله .. ثما كشخ تحت العبايه .. ومن شارع لشارع ثـم مـن حـاره لحـاره=ارصدته عيوننا الساهره في وسط ربعـه .. وارسلـت فـي الحـال .. كـم دوريـه
وتناول بندقيته .. وارسل وابـلا مـن حقـد ممـزوج بحسـد .. فـي قلـب كـاره=ايعقـب ثـم ايعقـب .. ماهـو ابكفـو .. يحمـل فـي اوجـوه العـدالـه بندقـيـه
ومـات متاثـر بحقـده .. ومـات متعثـر بحظـه .. وكبـرت اقــرب مـنـاره=والبقيه في حياة اللـي علـى نهجـه يسيـر .. ولا اتعـض منـه .. اذا فيهـا بقيـه
ولا نـروح ابعـيـد .. شـوفـو هالسفـيـه الـلـي بلـنـدن .. خــذ اجــاره=امتـطـوه الحاقـديـن الحاسـديـن اعــداء الاســلام .. ياشـيـن المـطـيـه
يعرفونه .. نعرفه .. بـواااااااق .. لـو مـد اليميـن احـذر وحـاذر مـن يسـاره=لا مـبـادئ .. ولا اخــلاق .. مسـلـوب الاراده .. اراجــوز المسـرحـيـه
طاش سهمك يالسفيـه .. وطـاش ثمـا طـاش ثمـا طـاش ..واختـرت الخسـاره=وعلـى طـاري مسلسـل طـاش ( ماكـن السفيـه اشـبـه بشخصـيـة رقـيـه )
والله انه فيـه منهـا .. فيـه منهـا .. فيـه منهـا هالسفيـه.. غيـر والله وبجـداره=العـجـوز الـلـي اسمـهـا ( رقـيـه ) .. رقـيـه تـسـاوي مـنـه مـيــه
اقشـر .. وناكـر .. ومتلبـس بـالاسـلام .. كــذاب .. مــن زود القـشـاره=زور اسمـاء الملاييـن .. راعـي الـزور .. بـوق المهزلـه .. قـاع الخطـيـه
والوطن .. هذا الوطن .. قبلة امم ماهـوب ساحـه لعشـاق ( الاكشـن ) والاثـاره=ونحـن عاهدنـا وطنـا وبايعنـا ملكـنـا .. عهـدنـا واضــح وبيعتـنـا جلـيـه
واللـي منـا ماحـزم امـره .. وافكـاره توديـه وتجيبـه .. تـرى الشيطـان زاره=ايتعوذ منه .. ثم ايمد يده للوطن .. لن الوطـن ماهـوب محتـاج .. واكنـوزه ثريـه
الوطـن ماهـوب حاجـه لمـن تـاره معانـا .. وتـاره ضدنـا .. تـاره وتــاره=الوطن ماهوب حاجتـه لنـه خايـن .. ووصمـة العـار بجبينـه .. وتاليتـه رديـه
الوطن .. يالقله .. يااهل السواد الناكرين .. رايتـه بيضـا واسمـه فـي الصـداره=اسمـه بقـلـوب اهـلـه الاحــرار - اول - وامـانـه ووحـدتـه - اولـويـه
اولويه .. لن لحم اكتافنا من خيره .. ولن لون وجوهنا السمرا غشاهـا مـن سمـاره=اولويه .. لن حفنه من ترابـه اغلـى مـن قلـه اجحدتـه ولا عطتـه .. الافضليـه
اي وربي .. انتم اللـي قلـه .. ولازم تلاشـون .. حنـا الاغلبيـه وبيدينـا الاداره=اغلبيه في البياض .. وفـي البنـاء .. وفـي الاصالـه .. واغلبيـه بفطـره آدميـه
اغلبيـه فـي تمسكنـا بالاسـلام .. ياللـي ماخذيتـم مــن صــوره الا اطــاره=واغلبيه فـي تقـدم هالبلـد .. وفـي محبتنـا لفهـد .. واغلبيـه واغلبيـه واغلبيـه
ياوطنا .. كل ماسافرت احس بشووووق .. وان طال السفر يجتاحني سقـم ومـراره=وكـل مارايتـك .. فـي الخـارج تصادفنـي .. احـس انـي لهـا ماهيـب لـيـه
نكتب اسمك .. في القلوب في البيوت فـي الدفاتـر فـي الشـوارع فـي الجـداره=اتنفاخر في امانك .. ونتغزل في جمالك .. ونرسل لك بطاقة عهد فيها قصيده شاعريه
عهـد واللـي ينقضـه .. يبـرى منـه ثوبـه .. ويتـبـرى مـنـه حـتـى زراره=عهد نبقى صامديـن .. وعهـد نبقـى خادميـن لبيـت رب الكـون ولمسجـد نبيـه
ياوطنا قايدك بوفيصـل .. اللـي همومـك هـي همومـه .. وانتصـارك انتصـاره=اللي اول من رفع شعلة معارفك .. واول من طمس جهلك .. وعلمنا الحروف الابجديه
شعبه واخوانـه بجنبـه .. عـن يسـاره عـن يمينـه .. عـن يمينـه عـن يسـاره=مانفـاوت .. لاحشـى .. وارواحنـا لـه ثـم لاخوانـه ولآل سعـود تتقـدم هديـه
وولي العهـد ابـو متعـب .. اسـم المرجلـه .. بيـت الكـرم .. وجـه الطهـاره=ان ضرب يوجع واذا اطعم يشبع ولا قـال يوفـي .. فارسـا مقـدام ويدينـه سخيـه
ثم سلطان العضيد الثانـي .. القـرم .. رجـال المهمـه .. يوصـل الليـل بنهـاره=ايتفقد ..برك وبحـرك وجـوك .. بينـه وبيـن الصقـور العاليـه .. شفـره خفيـه
الله يحفظهـم .. سيـوف الشـرع وسهـوم الحـق ادروع الوطـن ودروع جــاره=الوطن يفخـر .. وحنـا نفتخـر .. بالاقتصـاد .. والمنشـآت .. والبنيـه التحتيـه
ياوطنـا نـام .. اي ورب البيـت نـام ..وكبـر مخدتـك ..واحـلـم بالحـضـاره=ليـن نخلـص مـن حثالـه مالهـا عهـدا ولا ذمـه .. ونخلـص مـن ( رقـيـه )
ونعتذر ان جا غلط من عضو فاسد حـاول يشيـع الفتـن .. لكـن تقـرر .. انبتـاره=ابـقـرار .. مــن اوفيـائـك .. وتصـديـق نـايــف وزيـــر الداخـلـيـه
وفـي الختـام .. الله يديـم امـن الوطـن .. وقيادتـه .. وقبـل اسـدال الستـاره=اذكروا الوهاب .. ثم اشكـرو نعمتـه شكـرا عظيمـا يستحقـه .. وصلـوا عانبيـه