هاذه القصه اتمنى انها تحوز على اعجابكم

وهي لرجل يقاله جحيش السرحاني كان عنده ابناء عاقين وكان دائم النصح لهم

وحاول جحيش يصلح من حال ابناءه لكن لا فائده وخصوصا انه كبر فالسن

فقال

قـال الـذي يقـرا بليـا مكاتـيـب نصيحـة تبقـى لكـم مـن عماكـم

خوذو كلام جحيـش مابـه تكاذيـب مثل السنـد مظمـوم للـي وراكـم

ياعيـال انـا ليـه عليكـم مطاليـب عطوني القرظا جـزى مـن جزاكـم

دليت ادوج فـوق عـوج المذاريـب وخطاي قصرت يوم طالـت خطاكـم

يامـا توليـت القبايـل تقـل ذيـب من خوفتي يقصـر عليكـم عشاكـم

وياما قطعت مـن الفيافـي العبايـب من خوفتي ينقـص عليكـم غداكـم


الوصاه
ياعيال وان صرتوا ضيوف ومعازيب سهل النبـا ياعيـال ملحـة قراكـم

والمذهب المذهب ترى مذهب الطيـب والمذهـب الخايـب يبـور نساكـم

وترى النجاسه من كبـار العذاريـب وهرج البلايـس مايطـول لحاكـم

دينتكم دين(ن) وابي منكـم الطيـب ياعيال مادري هالردى منيـن جاكـم

ياعيال يوم(ن) عاوي(ن) دوني الذيب بالقبر مافرق طيبكـم مـن رداكـم

وياما شريت السمن من عرض ماجيب ويفـز قلبـي يـوم يبكـي حداكـم

الله يجيرنا من دعاء الوالدين

ياعيال دوكم لحيتي كلها شيـب هذا زمان قعودنـا فـي ذراكـم

خوالكم بالطيب تروي المغاليـب ولو تتبعون الجد محد(ن) ولاكم

اخسو خسيتو ياكبار اللغابيـب اهبو هبيتم يقطـع الله نماكـم

يالله عسى عماركم شمسها تغيب ويعتم قمركم ثم يظلـم سماكـم

وحريمكم يعيال تحمل ولا تجيب ويمسن رماله ويتم ضناكـم


ودمتم بخير