هههههههههههههه
نعم ... وكما يقولون : الضحك خروج من سجن الكآبة
أضحكني هذا الموقف من طفل لا يعي ما يتصرف عندما انطلق ليشتري محفظة نقود بكامل المبلغ الذي يملكه حينها لم يجد ما يضعه فيها.
لحظتها تذكرت الكثير من السلوكيات التي يفعلها الكبار وهم من يعون التصرفات .
وانا هنا اريد ان نضع هذه التصرفات أو بعضها على مائدة منتدانا للمدارسة ورؤية ردود الأعضاء ...
• طالب جامعي راس ماله مكافأة الجامعة الغير منتظمة نراه في الشوارع والأسواق وكأنه صاحب راس مال ضخم أو سيد أعمال ( ؟؟؟؟ ما علينا ) كشخة وعطر ومرزام يذبح اكبر دجاجة في شارع ال .......
• بخيت ... عفوا ( فيصل ) يتخلى عن اسمه الحقيقي بغية ايهام مطره ... عفوا ( الهام ) بانه من اسرة متفتحه وصاحب ثقافة عاليه يمكن ان لها ان تثق فيه وتعطيه اللي وراها واللي قدامها ( .......... ) أقصد راس مالها ؟؟؟
• فلان الفلاني يتدين من البنك بفائدة ربوية او غيرها ليرميها في وجه صاحب الصالة الفلانية ويطلع البي ام الكحلي والبيج من الداخل والفتحة و ..... و ..... و ....... ليروي غرورة ويلبس ثوب البطرة ولم يتذكر ان بطاقة الأحوال باقي مرهونه عند الهندي في محطة البنزين من شان يعبي الددسن المبوش من عنده .
• ولا تنسوا رقم جوال سعيدان اللي اشتراه من شريطي الأرقام المميزة من شان يتحدى ان رقمة اطنخ من رقم وزير الاتصالات ويقول ان رديف هالرقم مع فلان آل فلان .
• تشوف هذا الشاب الوسيم خارج من باب الحلاق الخمس نجوم ومعه في يده أغراض الحلاقة الخاصة به لانه يزعم ان الحلاقين وصخين ويمكن يتلوث وجهه من اغراضة ، بعد ما يخرج تلاقيه يدخل الحي ومن زقاق في زقاق حتى يوصل باب شقته اللي يسكن معه فيها سته اشخاص بالقطه بواقع 75 ريال للشخص الواحد في الشهر ههههههههههه .
• تدخل عند الحلاق تلاقي خويه في الشقه يسولف مع الهندي انه كان في ماليزيا عالعاده في كل سنه وراح يسافر الهند يستقدم 300 شخص ويعرض عليه اذا يبي يجيب احد من أقاربه فهو في الخدمة والهدف ان الهندي يحلف بالطلاق انه ماياخذ الحساب ليييييييييييييييييييييش لانه قام بحلاقة رجل اعمال كبير يمكنه الاستفاده منه باي وقت .
• تزداد عجب لو راودتك نفسك وحتى يمكن يجيك الغثيان لو فكرت انك تتكلم مع أحد شباب الشقة وتفتح معه نقاش عن البيروقراطية في عصر العولمة لتجده يفكرها طبخة لاحدى الهنود اللي ساكنين جنبهم .
• يعيش العالم فيضان معلوماتي وزخم تقني عجيب في حين انك تجد أن بخيت والشلة باقين ينامون وتحت المخدة عشرات الافلام الهندية و .......... والمسجل جنب الطراحة مع عيسى وبشير و ................ وتحت الرسيفر بطاقات الثقافة التي يبحثون عنها .
• يتخرج فلان من الجامعة صديق بخيت بامتياز ويتعين وبخيت يقول ان الدكتور متعند له ونظام الجامعة غش في غش والدكتور الفلاني ملعون والدين .......... ليش ؟ لانه ما ينجح بينما هو مستواه عالي بس يحسدونه .
• ....... لتاجير السيارات تشتكي من بعض الشباب انهم ياخذون سياراتها ويكشخون فيها يومين بعد موعد المكافأة ارضاء للمرازيم وحشمة مطره ( عفوا الهام )

صور كثيره لكن الله يستر
والللللللللللللللللللللللللللللللللله
يخارجنا

ودمتم