دخيلك لاتخليني كما المجنون أفكر فيـك
تريني يالحبيبه صرت مفتونك ومجنونك
بديت افكر فيك وصرت ارسمك ومحيـك
رسمتك ومن زينك خجلت اطالع اعيونك
محيتك ولكن ممحيتي من عقـل مغليـك
رجعت اكررالرسمه ومن لون القمر لونك
طلبت الله من الحساد بولايتـه يحميـك
انا الذ ي مغليك وباقي البيـض يفدونـك
والله ولو بيدي عن انظار البشر لاخفيك
وليش اخفيك؟ حتى بالنظر لايشوفونـك
ولو بيدي جعلت العواذل ختمٍ(ن) بيديـك
واذلهم لك حتى لمجرد اسمـك يهابونـك
ولوعلى كيفي بدم الوريدانزفه و اشريـك
وياخوفي عليك اخاف عدواني يصدونـك
بسراحـه اذ ماتزعلـي ودي اصافيـك
انا اكثر واحد يحبك من الـي يحبونـك
وياليتك تقوليلي ابـي حاجتـا واعطيـك
انا بعطيك ولاغيري من الناس يعطونـك
دخيلك تسمحيلـي بالقمريمكـن اسميـك
بشان انفتن فيك ويسموني الناس مفتونك