ارجو منكم اسدال ارائكم حول هذه القصيده........







جت تبي تلعب علي مبرقعه
واقفه بين الحقيقه والخيال
جت بلطف وذوق جت متدلعه
قالت : اسمح لي عزيزي بها السؤال
خفت انا لا انولد في الزوبعه
اخاف اقول يمين الحلوه شمال
وتنزعج مني وتمشي مودعه
وتبتعد هذيك وتشد الرحال
وطالغتني بالعيون الموجعه
قالت : ابدأ؟ قلت : ابداي بالمقال
قالت لي انت اي نادي تشجعه
قلت انا نصراوي احب الهلال
اي نادي تشجعينه اشجعه
اعشق اللي تعشقينه يا خيال
قالت لي : قول اي فنان ترغب تسمعه
قلت: ابو نورة وميت في طلال
اي مطرب تسمعينه بسمعه
واستمع لا حلام واقدر نوال
قالت لي: قول كم نص الاربعة
قلت: مدري صعب بالحيل السؤال
اي رقم تطرحينه بجمعه
والنتيجة حلم يابنت الحلال
قالت لي : قول اصلك وش هو مرجعه
قلت: انا جنوبي ومن اهل الشمال
ولي نسب شرقي ابوي موقعه
وبالغروب اذكر لنا سابق حلال
قالت لي : قول انت تحب الربيع بمطلعه
او هوايتك الخريف اللي يقال
قلت: انا اهوى الفصول الاربعه
كلها عندي سوى بأي حال
ماخذت مني اجابه مقنعه
واستدارت كنها بــــــــــــــــــــــــــــدر الكمال