السلام عليكم :

وش يضـر (( البُرتقالـه )) والرجاجيـل القشـور

مابقـى رجــال فيـنـا ماسـمـع باالبُرتقـالـه

بـس مافيـنـا ولا رجــال ناظـرهـا غـيـور

والدليل : (( أبو البنيّه )) من يجي فينا .. بدالـه..؟؟

ليه (( يابنت العراق ,الماجـده )) هـذا السفـور ؟؟

هل هذا (( حُرية الشعـب العراقـي ))وإحتلالـه..؟؟

من سلب منك الإراده واغتصب فيـك الشعـور..؟؟

الحيا فينـا (( مـن الله )) وش أدوات إغتيالـه..؟؟

هل صحيح إنك (( بعشره )) ياصبيـه للبـزور..؟؟

هكذا قرأت في (( إحدى الصحف )) تِلك المقالـه..!!

أطربينـا ياحزينـه وإبعـثـي فيـنـا الـسـرور

ارقصـي لأحـزان شعبـك واطربيـنـا للثمـالـه

ياجميلـه وش أشاهـد فـيـك أثناءالظـهـور..؟؟

وجهك الطاهر تشـوّه مـن (( تخاذلنـا )) جمالـه

هــزي الإيـمـان فيـنـا ياموْلِـيـة الـدبـور

واقع الأمه مريـر (( وصمتنـا المُطبـق )) دلالـه

المصيبـه ((شايـب الرحمـن)) لاشافـك يـخـور

من طلعتي قام يطرد عن (( تلفزونه .. عيالـه ))..!!

واجد اللي قالوا : إركـد .. قلـت: لاوالله .. بأثـور

دامني (( مؤمن )) فأنا ميقن بأن عنـدي رسالـه..!!

من يعيش اليوم باكـر يصبـح مـن أهـل القبـور

والا انا كل يوم (( موتي )) أنتظر .. حطة رحاله..!!

جيت أنادي ((للفضيلـه)) ياعـرب بيـن السطـور

والفضيله مستحيـل تكـون ((بدعـه أو ضلالـه ))

إنزلوا (( لاهـل الشـوارع )) يامقيميـن القصـور

إحتقار (( الفكرالآخر )) يُعتبر حُمق ,, وجهالـه..!!

شرقنا الأوسط تزامت ((مـن معاصيـه)) البحـور

إفطنوا (( للشرق الأوسط )) قبل يأذن ,, بإنحلاله..!!

التّفُحـش زاد فيـنـا وإنتـشـر فيـنـا الفـجـور

الوعي أصبح جريمه ونضـرة الواقـع خمالـه..!!

قمت أشوف ((بنِيوات الديـن)) يربطـن الخصـور

والشباب ((موظفين)) اليـوم فـي بنـد البطالـه..!؟

بعـض ((تجـار العروبـه)) للقيـم علـة انحـور

البـلاد الينزلوهـا بدلـوا (( هَلهـا )) عمالـه..!!

مايصيـر إن (( الفقـارى )) مايلاقـون الفـطـور

والغني مُسرف على (( معزوفة المنكر )) ارياله..!!

فـي مثـل هاالشعـر هـذا ودك الواحـد حضـور

والله يخلـي لنـا : شعّـار يالالـه .. يالالـه ....

ومن يبي ياطا علـى (( الجُـره )) حلالـه لايـدور

كاني أزعلتـه بكلمـه هـذا انـا كلـي حلالـه ...

لاأنا ((مُصلح سياسي)) ولانـي (( معقّـد أمـور )

من قبل مني شكرته ومن رفض مالـي .. ومالـه..؟




الشاعر فيصل بن طواله


وسلامتكم