اخواني الكرام اعذروني في تأخري عنكم في منتدى الشعر النبطي ولكن ما ذلك الا لمشاغل الدنيا كفانا الله شرها

واقدم لكم هذه القصيده كعربون للمسامحه عن تأخري عنكم يا النشاما

والقصيده كانت في البدايه موجهه لي من احد الشعراء ويطلب مني ان ارد عليها

القصيده الأولى:


الجلود تحل من عقب الدباغ
لادبغت الجلد ملبوسه فضيع
والمشاكل ماتجي لك من فراغ
والاخوه من شراها ما يبيع
والشعرلاصار خامر بالدماغ
القلوب تطيب من نظم البديع
كان شعرك جاهزٍبه مايصاغ
الدرر تنباع ما فيها رجيع
جيت شاكي وآتقدم بالبلاغ
كيف حطو للإداره ذا الوضيع
لو تشوفه رجل بعقال وشماغ
والوفا مفقود بشهود الجميع
الخسيس ان قلت صدته عنك راغ
وقدّم الايمان حقك ما يضيع
وان تشوف الفعل فعله مايساغ
من يديه المر ذقته باالربيع
وكل جهدٍ له بذلته قال لاغ
وجدد الآلام بالقلب الوجيع
والحقيقه ما تغيّر باالصباغ
وليه شاب الراس فاالطفل الرضيع
يا محمد زاغ عقلي ليه زاغ
ارسل الاسباب والحل السريع

هذه هي القصيده التي ارسلها لي زميلي وكان مني له هذا الرد:


مرحبا يامن لردي جيت باغ
وابشر بردٍ على ذوقٍ رفيع
جيتني بابياتٍ اغلى من مصاغ
تحسبني ما اقدر القاف المنيع
اشهد انك شاعرٍ مابك لتاغ
والشعر عندك كما بحرٍ وسيع
واترك اللي مثل دخان التباغ
آخره ينداس باالرجل القليع
لو تجبّر لوظلم لوصارطاغ
وافتخر يحسبه بافعاله لكيع
مايجي عقله كما عقل النباغ
فكره المحدود ما يهدي وريع
يابومالك كل متكبر وباغ
دعوتك تمحقه في الليل الهجيع
الدعا ما تنربط عنه الرساغ
داعي المظلوم يلقا له سميع
وانت لا تامن من الداب اللداغ
لوتظاهر فاالعيون انه وديع
ان ولغ في ماك سمّه بالولاغ
عايشٍ باالسم من طبعه خديع
وانت لاتلزق يدينك باالصماغ
اوقف لحقك وخلك به شجيع
واصغ في ماقلت لك باالحيل صاغ
لا تخلي له على دربك ذريع

وسلامتكم،،

(بدون امر عليكم اذا ممكن تنسقون القصيده فأكون شاكر ومقدرلكم)