Unconfigured Ad Widget

**الكاسر الأول** · 21-11-2004, 10:12 PM

ابو عابد الف مبروك الفوز....

شكلك جايب المعلمومات من دواعيس المخيخ الاستقارصيني..

ادري فيك تحب الدواعيس.... المحهم عندي انك فزت...

وكتشفت السر وشفت اشلون اختي باقي حنين تجيب (الذيب من ديله) على كلام اهل نيجيريا..

بجد نواف الحرير عبر لك عن فوزك بالأنفجار النووي...

انا اعتقد ان قصد نواف ... يتحمل قصدين..

اما قصده يامحطمهم ...

وإلا ياصرخت الديره...

ماعلينا منهم وانا اخوك... اللهم لاحسد...

يعني هم اول مره يشوفون واحد طيبوب وحبيبوب ومحبوب يفوز...

ماعلينا ماعلينا... نواف خل عنك الحركات ...

لااااا والمشكله ماشفت باقي حنين وش قالت...

يوم ابحلت بحل الأجابه تعذرت بخراب الجهاز...

ياهالمسكين ياهلجهاز... كل شي عليه

لاااا وماشفت ضيف الله يرقع لباقي حنين...

الله لي انا اللي مالي من يرفى غيابي

يوم غبت عنكم عشر طعشر يوم محد قال وين راح الكاسر

مدري منهم اللي سمعت انه قال فكه

بس وينكم

مافيه فكه معكم معكم انشاء الله

وش اسوى ... حبكم بلوى

بجد صايرين مثل الله لايبلاني لي مثل الهوى

مقدر استغني عنكم

حتى يوم العيد وانا اعيد على الناس

اقولهم من العايدين وكل عام وانتم بخير وعلى فكره وش اخبار الديره

انا اعني المنتدى والناس يردون على ابشرك ان كل شي زين والجو عليل

قلت في نفسي بلاكم ماتدرون اني اعني منتدى الشيخ عبد الرحمن وجماعته الموجودين بالمنتدى

المهم

وش كنت اقول

على كل حاااال

مبروكين الفوز يابو عابد

وبس

قصدي سلام

اخوكم

الكاسر الأول

*****

**حنين** · 21-11-2004, 11:57 PM

يا كاسر العيار :

أنا قلت خرب جهازي بعد ما قرأت إجابة نواف, وكان تعليق الأخ عبد الرحمن ,مؤكد لصحة الإجابه , بعدها تفجأت بإجابة عبدالله المستعجل ,وتعجبت كيف قدر يثبت ويكتب هالمعلقه .

أنا عجبتني هدية نواف (الإنفجار لأنها تعبر عن شعوري ) لأني انقهرت .

بس قررت تكون روحي رياضيه وتذكرت إن عبدالله وحيد ويكسر الخاطر

ولازم نفرح له .

والله يستر ما يجيني ضغط والا سكر من هالمسابقات خاصة إن جهازي بعد هالمهندس اللي( دردب شاهينا) ,صار التصفح بطئ جدا وممل ,يعني بينحل السؤال الجاي وأنا أفتح الصفحه, إذا ما واحد من علماء التقنيه يقول لي وش الحل؟ مع برود جهازي وأنا وحده ما أحب البرود والبربسه(اللسلسه).

أتمنى السؤال الجاي يكون من غير تخصصات عبدالله ,يكفيه فاز مره مو دايم عاد.ولا تكتبون السؤال وتحلونه وأنا في الدوام ,يجب أن يكتب السؤال في الفتره المسائيه ,لمصلحة الجميع.

قول آمين يالكاسر يستمر حبك للأبد ويزيد.

**عبدالله عبدربه الزهراني** · 22-11-2004, 01:50 AM

باقي حنين

وأنتي تفكرين إن اللي يصلحون الأجهزه " مهندسين "

خلف الله عل الهندسه عقبهم .. ما عندهم إلا الدجه

ويتدربون في أجهزة الناس ... ثلاث أرباعهم ما عندهم ما عند جدتي

أي جهاز يجيهم " فورمات " على طول

الكيمياء والفيزياء

عشقي الأول والأخير <<<<<< فرنكشتاين

ترى ما أعرف منها إلا إسمها

الله يخلي نصير الغلابه " جوجل "

الكاسر

نواف أصلن يدري إني قنبله نوويه

وأنا قايل له لا تعلم أحد ... بس هو الله يخليه

رفض وقام نزل صورتي

بعدين باقي حنين تتعذر "بالجهاز" لأن هي تخصصها " ألغاز "

جهاز + ألغاز = يا عيني على السجع

قولي ما شاء الله

وعسى روحك دوم رياضيه ..

بطيء الجهاز .. روحي لتقنية المعلومات وتحصلين الحل

بدور لكم سؤال .. لو تحفرون ما تحصلون له إجابه

بس صبركم علي :niark3:

**حنين** · 22-11-2004, 02:12 AM

والله إنك صادق ياعبدالله ,أنا لاحظت على المهندس متوهق بس كذبت روحي قلت حرام أظلمه ,والظاهر إنه صلح الجهاز بالصدفه (الحظ خدمه ). لأني لما سألته عن المشكله شرب جغمة ماء وارتبك بعدين قال :كثير (يعني نظام كلش مثلي )بس خلاص الحين تمام والعرق يضرب رغم إن المكيف على البارد .
أنا بدور في التقنيه والله يعين ,بس لو طير شلوى (عاشق )يستلمه كان حلم .أتوقع ما يخرب لين أشوف أحفادي يشتغلون عليه ....الله يحفظه بس.
ونواف ما يقصد إنك قنبله ,أتوقع إنه يقصد إن راسه انفجر من جوابك ,وهو حاط كل الاحتمالات عشان نطب ونتخير !!!!!

, وآخرتها كلتها بارده مبرده .أنا لقيت إجابته وإجابتك في قوقل ومكان ثاني نسيت اسمه ,بس كان المزاج ماش لك عليه شوي وماكتبته .
يالله هات سؤالك نشتعل حفريات ونعرفه بس أهم شي يكون له جواب ....موتقول ههههه أمزح والا مثل لغز مبنى التجاره تعقدنا.

**عبدالله عبدربه الزهراني** · 22-11-2004, 02:19 AM

باقي حنين
لغز مبنى التجاره قديم ... اللغز الجديد ... ما سبب وفاة ياسر عرفات

منتدى التقنية هذا طريقها
http://www.aldeerah.net/vb/forumdisplay.php?f=8

خلينها نشوفك فيه .. ومالك إلا من يخليك تصلحين جهازك بنفسك :resogerat

**الكاسر الأول** · 22-11-2004, 06:58 PM

ههههههه

على كل حال يابو عابد المهم انك فزت

وعلى قول القائل الله لايحرمنا المطر...

مدري وش دخل المطر.... بس ماعلينا

ايه صح

المطر اذا جاء اكيد غنيمات باقي حنين تبي تسمن...

واذا سمنت اكيد انها تبي تذبح وحده منهن وتعزمنا...

ووقتها تبي تردد وتقول((يعز على قلبي فراقك ياغنيماتي...ولكن لاحياة لمن تنادي....))

ونواف يوم حط صورة انفجار اكيد انه يبي يعبرعن قوة الأجابة ...

طبعاً انا سمعت نواف يقول عيني عليك باردة يابو عابد...

المهم تكفى يابو عبد ربه شوي شوي علينا بالسؤال

لأن المخيخ الأستنفاري والمخ الأستقراطي والنخاع الأستركازي عندي هالأيام

هذي شوي (بزي)طبعاً كلمة(بزي) كلمة رومانيه معناها (بزي) بالعربي

ويارب ...قولو امين... اني افووووز بالجائزة....؛‘؛‘؛‘؛‘؛

اخوكم

الكاسرالأول

*****

**حنين** · 22-11-2004, 11:48 PM

كاسر مكثر الغيبات هالأيام

الحين من جده عبدالله يبينا نعرف سبب موته عسى ما أحد قال لك حنا الفريق الطبي بفرنسا ؟يا أخي مات الله يرحمه بيومه اللي الله كاتب له .....والله سؤال محيرك ومطفشك وبتحيرنا معك ...هو ما يحتاج منا إلا الدعاء
بعدين لعلمك جدي مات وما عرفنا سبب موته ,والبحث جاري من 45 سنه ......!
ياسلام على المطر اللي طرا غنيماتي .......
خل غنيماتي بحالهن ينطرن الربيع ....الله يجيبه , ويكفيهن شر عيون خلقه

, يا حبي لهن مثل راعيتهن ونيسات ................تصدق تخيلت إن عندي غنيمات ....ترى أسويها لا تكبرها في خيالي .
وش رايك الجايزه هالمره غنيمه .......حلو.......بس وين اسم المستخدم والرمز ....حسافه .
بعدين عسى ماشر ياوخيي وشبه طبقات المخ عندك كله(بزي )الله لا يشغلنا إلا بطاعته,بس عندي لك دواء ,خذلك (ودتسه)(هذي بحد ذاتها لغز!!!!) وتدهن به ثمن تغط بمشلحك الين تعرق ويروح البزي كله
صدقني.....هماه ؟

**عطيه بن عقدان** · 23-11-2004, 08:08 PM

السلام عليكم
جيناكم نطامر ماشين الطبلون كلّه
وبعدين ابو عابد وش فيك تلف وتدور حول ابو شكيم الايام هذي؟ لايكن بتخطب من عندهم؟

هات سؤال شعبياتي لو سمحتم ؟

ممكن علمي شعبياتي

تحياتي لصاحب الفكره والموضوع

**الكاسر الأول** · 23-11-2004, 09:30 PM

ههههههههه

باقي حنين حل لغز (الودتسه) بسيط جداً وبجد ينفع يكون لغز لغوي...

ومدام اخوي اللي الله يحييه..عطيه بن عقدان.. شيخ مشايخ منديات شعبيات موجود أأأأأكيد

انه هو اللي يبي يحله...

اما الوصفه فياطيبها والحمد لله اني ماوديت مشلحي هنا وإلا هنا

صحيح وعلى قولت المثل ((شل مشلحك الأشهب ليوم بزيك الرمادي))

وقدام انسى معوضتن خير في جدك الله يرحمه...

اهم شي البحث لايتوقف يقول المثل((مايضيع حق وراه مطالب)) لازم تعرفون سبب موته..

وتكفين وانا وخيك علميني وش السبب ..

ههههههه

*****

****

***

**

*

وبعدين يابو عابد موت الرجال اللي مات كان بسسبب والله اعلم انه

هذاك اليوم يوم انهم قالو له تكفي يابو عمار نبيك في موضوع وبعد

الأجتماع حس انه قلبه ,,الله يجعله الجنه,, فيه شيٍ ماهوب طبيعي

عقبها راح للدختروالدختر ماعرف وش علته المهم يابو عابد انه

مات مثل ماقالت اختي باقي حنين يوم الله اراد انه يموت

,,,...الله يرحمه ويغمد روحه الجنه...,,,

*****

****

***

**

*

اخوي الغالي عطيه بن عقدان

ياهلا والله بشيخ مشايخ المنتديات الشعبيه من اول طمره لك ليمن ملفات...

والله يحييك يالغانم ...

وصاحب الفكره والموضوع يكفيه شرف وجودك وتواضعك وزيارتك...

**

*

**

اخوكم

الكاسر الأول

*****

**عبدالله عبدربه الزهراني** · 24-11-2004, 04:58 AM

باقي حنين
دخت واناادورلكم سؤال
ماني متعود أسأل حتى وانا في المدرسه

متعود دايم أنسئل

ما بقيت احد من الشباب ما قلت له يفزع لي
المشكله حتى المدرسين طلعو ما يعرفون يسئلون إلا من داخل المنهج
يفكروني بسئل طلاب .. ما يدرون إني بسأل ناس يحفرون حتى الصخر

وعليكم السلام ورحمه الله
حي الله أبو فارس <<<<<< للحين فارس ما غيرته ^_"
بروح أجلس جنب الماما .. على دلة قهوه .. وأشوف يجي منها شي

الكاسر الأول
ترى للحين ما أستلمت جائزتي .. ترى فيه واحد من الربع شاف الموضوع
وناشب لي ... يبغى ياخذ الهديه ..

...

وترى جائزتي ما راح تكون زي جوائزكم
بتكون عباره عن بطاقه فلاشيه زي بطاقات رعودي
يختارها ... الفائز .. وراح تكون بإسمه

كل واحد على قده

**الكاسر الأول** · 24-11-2004, 07:49 PM

هلا والله يابو عااابد

***

**

*

أبو عابد بيني وبينك وتكفى لاحد يدري ...:niark3:

أقولك هات اذنك..

((شف ترآ جائزتك منذو مبطي وهي مسلمه للمشرف عبد الرحمن))

بس الله أعلم ان أبو عبد الله يبي يشغلها يوم أويومين ..أعتقد انه يبي يشوف هي

تشتغل وإلا فيها خلل فتنامي (طبعاً الخلل الفتنامي) هو هذاك الرجال

اللي يطلعلك وانت تكلم ويقول :

ترا الرقم اللي أنت تبيه ماهوب موجود في الخدمه ولو سمحت أتصل علينا بعدين:resogerat

المهم ان الجائزه عند عبد الرحمن ارسله رساله خاصه

وطلبها..ياخي مافيها شي

ياكثر حياك يابو عابد..

ياخوي عادي

ياحول منك ياعبدالله

اسمع اذا عبد الرحمن قام يتهرب وكل ماتتصل عليه يصرفك

اتصل عليه مره ثانيه

واذا مانفع

انا اعرف رجال في الحقوق المدنيه

ماعليك

نبي نروح للرجال ونتقهوى عنده ونعلمه على عبدالرحمن

انا متأكد انشاء الله ابد بالكثير سنه سنتين ويجيك موعد للجلسه الثانيه

ومثلها بعد فتره بسيطه..لين أخر شي تمل وتكتب تنازل بالخط العريض

وتقول تكفى يالكاسر ..الله يغنيني عنك وعن جائزتك

بس هذا الموضوع بكل بساطه

هههههههههههههههههههههه

*******

أما بالنسبه للسؤال اللي انت تبي تجيبه..

يوم قلت سالت المدرسين قلت زين اكيد ان السؤال يبي يكون سهل

بس يوم قلت انك تبي تسأل الوالده(الله يحفظها لك) لاااا ومتى وانت تقهوى معها

الله يستر لايجي هاك السؤال اللي يبي يخلينا (نفرفر) وتبتدي الرسائل الخاصه

بين الزملاء وكل واحد يقول ياخوك الفزعه..

بس ماعلينا بالنسبه لي انا ماشي على قانون معين

وهو

(مايفل الحديد إلا الحديد):heyho:

اذا انت سألت الوالده وعطتك سؤال..

انا بعد بسأل الوالده الله يمسيها بالخير وأأأكيد انها تبي تعطيني الجواب

وش اسويبك انت اللي خليتني استعين بصديق

لأن مافيه حذف اجابتين

ههههههههه

** مع تحياتي للجميع

اخوك

الكاسر الأول

*****

**عبدالله عبدربه الزهراني** · 25-11-2004, 01:52 AM

الكاسر
دام إن أبو عبدالله معطل الجائزه
أنا عارف ليه مأخرها ^_"

لكن إن شاء الله عن قريب يطلق سراحها

بيني وبينك
دخت وأنا أدور لي سؤال ^_^

**الكاسر الأول** · 25-11-2004, 02:22 AM

يالله يابو عابد....

الهمه نبي سؤال من اللي هوه..

يعني نبي نبحل بالجواب....

وماعليك اكيد ان ابو عبدالله يبي يحرر الجائزه

بس تعرف ...الصبر مفتاح الفرج..

**

اخوك

الكاسر الأول

*****

**الكاسر الأول** · 28-11-2004, 06:46 PM

رساله خاصه لبو عااابد:niark3:

***

عبد الله انا لي كم يوم وانا انتظر سؤالك

تصدق ياعبدالله من كثير حرصي على حل السؤال جالس لحالي

ومابي احد يقاطعني ومنكب على المراجع والكتب ....:resogerat

والله يستر :glups:

بس عبدالله ماتشوف وانا اخوك ان السؤال تاخر شوي:zefrog:

......

اخوك

الكاسر الأول

*****

**عبدالله عبدربه الزهراني** · 28-11-2004, 09:56 PM

الكاسر

والله إني إنشغلت بكم توقيع وبطاقة في اليومين الماضيه

لكن جاك السؤال ... وهات العلم

ماني مصعبه ... لأن الجائزه بسيطه

السؤال هو

مامعنى أح البيضه ؟؟

والجائزة عباره عن " تصميم فلاش " متكامل

مثل بطاقات رعودي ... ولكن خاصه بإسم الفائز

وخلك تحفر في المراجع والكتب شف بتحصل شي

Unconfigured Ad Widget

دعواتكم لهم بالرحمة

مسابقات وجوائز عينية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق