البدع:
يالذي مثلي سمعتم برواد الفضاء
من زمان قد مضى
أما أنا فأقول ماسرحو كله كذاب
والله أعلم بالصواب
القمر دوار والشمس مثله دايرة
في فلكها تستدير
مارقى فوقه سليمان بالصرح السريع
كل شي له يستطيع
ظنتي شبه لهم مثل ماشبه بعيسى
يزعمون انه قتل وانصلب والله حماه

الرد:
اعرف الأعلام قبل أتكلم والفضا
يارياسات الفضا
ياكلام أهل الخطأ كل قلب منك ذاب
فيك حفظ وانتصاب
ريت للأعلام كل(ن) تعبا دايرة
وانتصب فيها مدير
شفت له ريعن يمشي بها والناس ريع
بيده سيف بريع
يامقيس كن ودك في الدنيا تقيسا
واعلم ان السيف يضرب بحده من حماه

ياسلامي على من يذكر الله ويقبل مانقول
أما انا خاطري زعلان ماهو براضي والله ادرى
من أمور عواقبها وخيمة كفى الله شرها
كل ماريت قبلي مجتمع قلت منية من تنمى
أحسب المجتمع وعظٌ يفك القلوب القافلة
قلت بآمر لحظة واستمع ياعساها لي نصيحة
والتقيها عراض وزير وقلوب تلعب دورها
كان حق علينا لاسمعنا المنادي له نلبي
نجتمع مثل هذا المجتمع شيبنا واللي شباب
ماخلقنا الله إلا نعبده مثل ماانزل في كتابه
قال أنا ماخلقت الجن والإنس إلا يعبدون
وأعرض اكثر شباب اليوم عن دينه إلا من هدى الرب
يسهرون الليالي كلها للورق والضومنه
أما انا ياذوات العقل مقهور من هذي المصيبة
المحافل تملى والمساجد تظلي خاليه

البدع:
ياشباب اسمعوا مني كلام طرى في خاطري
إن سمعنا وطعنا وامتثلنا الكتاب الي قرينا
فأبشروا بالفرح والفوز والله يعظم شاننا
وإن عكفنا على لعب الورق والأغاني كل ليلة
فالذي صاب في لبنان لازم يصيب بلادنا
أي شباب الصحابة قبلنا بالسيوف وبالرماحي
عند وقت الصلاة عباد والا اندروا الميدان اسود
واللحى والعوارض وافره والشوارب قصروها
استدلوا بقول المصطفى كلكم صلوا عليه
وانحن اليوم يسمع بعضنا للمؤذن مايجيبه
هالك الله ياقلب ندى الله مايفتز له
وأن سمع محفل له راح ومسجله فيده يشيله
ياخسارة على بعض العرب وينهي عقليته

الرد:
خاطري ياتماثيلي على كل معنى خاطري
والله لآقارن الصداق والآش ماهو لي قرينا
وان بغيت أهدم النيشان لأهدم النيشان انا
......................................
......................................
والذي قال وده يمحي البر ما للبر ماحي
قدرة الله عظيمة وانت خلك على عمدان سود
قصة واضحه وانتم بالاعيان هذي القصه روها
يا اصلع الراس انا كم قلت لك ليه ياصلوع ليه
والهبيل الذي يطريه يروي الظما من ماي جيبه
افت ياقلبي اهل العقل والدين لاتفتي الزله
يوم كلٌ يشي زنده على الما وزنده مايشي له
ان بعض العرب ودي بفقده ولا عقليته

البدع:
والله أني افتكر فيمن تعدى حدوده مادرى
يحسب انه مع العربان يمشي وهو يمشي لحاله
زاد عن مستواه ولا يحسب حساب القافيه
يدعي بالكمال ويدعي بالوفاء ماهو بوافي
وبعد اثره يدور للشياخه وهو ماشاخ ابوه
كيف يلجا مع الي يكتم الحق والباطل يقيمه
والشهادات ماهلا لمقضى غرض ومجامله
كلمة الحق ضاعت مالها لامجيب ولامنادي
ضيعوها دعاة الشر حتين صكو بابها

الرد:
من يداري على ممشاه ماهو كما اللي مادرى
من يطاوع هوى نفسه وماتشتهي عزي لحاله
وان بغى له فيه من جملة الناس مايلقى فيه
منظره لايغرك دفش رجال مايحزى القوافي
في بعاض المعاني لو تصدوا له اهله شاخبوه
من مشى بالنميمة والردى ماله إلا من يقيمه
والله ماحقه إلا القيد بين العرب ولجام له
وين من كان يدرى عالجماعة ويعرف للقوادي
صفتي ضاع فكري بين ظلانها وألبلبها

البدع:
ياظفر صيدٌ نشوفه في فروع القرى بات
مجار ماصاب في جنبه من الآش كوني
.......................................
من قال هيا نصيده قلت ياعم موامين
من الضبا في المفالي ياسباع الشركلي
صيدٌ يلوب الحيا في البر والا بنيعم
ياصيد لولا المخاف من المخاليق لولاك
وانا على الصيد اتالي دعوتي وابتهالي
ياليت لي من خياره سبع وإلا ثماني
قوايده لآسرعت تاخذ من الشدة منهى

الرد:
يقول مطر عاد شري من جميع القرابات
إلا بغوا علم قاموا الطلبة وإلا شكوني
وكل ماقلت هذا اليوم تنهى الدعاوي
قالوا نرد الخبر لاعند ستة موامين
وإلا وهم بالخيانة طارحين الشرك لي
وإلا ولاخير في أصحاب ولا في بني عم
وإلا وانا في تعية بين ذولا وذولاك
الكل منهم يقول القاله ياليتها لي
أبغى اتلوث ولاشي للتلواث أماني
ديرة حسد قبل موتك يامطر شد منها

البدع:
مشيت في التهم وأثر اهله كرامٌ نشاما
يافقر لو كان عنهم تنتقل وسط رغدان
وتحط لك عايلة في وسط دار الرمادة
الأجنبي عندهم ماله معزة ومقدار
لوكان يقعد سنه فالدار مارحبو به

الرد:
يالله في ناويٌ من بعد رعده نشا ما
الزرع بعده يظلي يترغدن ترغدان
.................................
سبحان ربٌ بقدرته القمر والفلك دار
من بعد الياس كم زرع تمرح حبوبه

البدع:
يا أهل الترف قام كلٌ مالعرب يتهمكم
كلٌ تعبى فراش زين وسرير حالي
والفخر للي عرف قانون جاره وضيفه
يفوز مثل الذي خيله في الخد مغيره

الرد:
يقل مطر كم سرينا في ليالي التهم كم
كم ليلة حدني فراج واسري لحالي
ويقول من لاعرف قانون هذي الوظيفة
يقدم المعذرة ويجي في الخدمة غيره

القصيدة التي قالها للقايد فهيد عندما استدعاه:
...
يالله ياللي كل حيٌ في رجاه
والسماء لاراد في كفه طواه
واعتلى عالناس في عالي سماه
ياوكيل الأمر ماغيرك وكيل
...
من يعلمني بمرسول سديد
عند ابو عبدالله القايد فهيد
قل مطر ينصاك بالعلم الوكيد
حالته يعلم بها الفر الجليل
...
واحترم قبله يزين الاحترام
وانوله خطي ورد له السلام
وانفرق خطوة وممنوع الكلام
واستعد وخل لي قلبك ثقيل
...
قله العسكر تراهم يشتكون
يالطيف محملين من الديون
في رواتبهم لزوم تراجعون
ماش معهم لاكثير ولاقليل
...
عند من سمي فهيد من الفهود
حبه المولى وحبه بن سعود
في نهار الحب قدام الجنود
ما انقصر عنهم كما الآش الذليل
...
لأصبح الرشاش للشر مبرزات
والمدافع للحرايب مزهبات
والسواري تلتمع فوق المشات
من يطونه ياحليله بالحليل
...
يلطويل العمر حنا صابرين
وانحن في الخدمة عسكر واحدين
كم درجنا عالشمال وعاليمين
نعرف التصويب والطعن الطويل
...
والعدو لاجا طراده في مكان
انصب البيرق ودق البيرزان
مالك إلا نغدي ارض الخوف امان
والعدو ننزيه في الهول المهيل
...
واعلم انا طال عمرك مسلمين
شبنا التعليم وانحن عالمين
ناس راتبهم ثلاثة واربعين
هذي الاعلام ينكرها الخبير
...
وانت شيخ وتفتهم معنى الجواب
شوف ذالمعنى خطأوإلا صواب
واعلم ان الصدق له مفتوح باب
من ركب عالصدق والله مايميل
...
حدنا المولى وجيناها نقوس
قلت بكتب عسكري وآخذ فلوس
واثر ما فالعسكرية إلا النحوس
العفو كم كسرت من قرن اصيل
...
واثر من فيها كتب ماهو رشيد
لاهيا فيها يخسر مايفيد
كل يوم لابدى وجه جديد
يستحي لايتبع الآش البخيل
...
وانت قايدنا ومرجعنا إليك
كل مظلومٌ من العسكر يجيك
في كلام الحق حنا نرتجيك
هات درب الحق والباطل يحيل

البدع:
يقل مطر عامل المعروف في صفة البين
صحيح ماقال الأول بالردى يتهمونه
يوم قدر الله وجاء عندي رفيق موالي
معه على حقه الشرعي وقمنا بالإخلاص
واليوم كلٌ يقول انت الهدف وانت الاسباب
ياناس كب العيا ماني عن الغيب داري
واعود الوم روحي وامسك الراس حيران
بعود اعاف الرضاع وبكرة ماترامي

الرد:
وريت وانا وصفت حجار ووصفت البين
ومقاولي وصف البنيان مايتهمونه
واصبحت مالي قصور ولافي ايدي موالي
.....................................
إلا اتسمع من الناس الطلايب والاسباب
وأنا اتدرق ولا بدري عن الغيب داري
يارامي الناس لو تذبح بكار وحيران
ترمي وليتك قعدت بمنزلك ماترامي

البدع:
رح يانديبي فوق حر خفيف مثل نسم الهبوب
صاوب بها مرزوق تلقى تراحيب الغلا والثمان
في منزل الرحمان مابين وادي الريعة والقسمه

الرد:
ثم انشده وش منزل شرفه رب الملا وله بوب
البوب تاجي اربع وعشرين وبداياه قرت ثمان
عليه مصراعين من ساع ماتفتح وتلقى سمه

البدع:
ياقصر بيت السديري فيك ضيعت الافكار
ويزيد فكري اليا منا رقينا سطوحه
وآشوف تالي بيوت الناس منا وحدرى
سبحان رب رفع ناسٌ وبأمره وضع ناس
وانا من الي وضعهم والله المستعاني

الرد:
يا أرباب الإسلام لوشي بينكم يتلي أفكار
ماكان قال العدو فالهاتف اتوا سطوحه
....................................
حتين في تل ابيب الكفر انهدوا اجناس
سمع كلام العرب واخبارهم واستعاني

يالله تفزع لنا ياحاكم الحكام ………..…. يارافع العرش بالقدره الإلاهيه
ياخالق الخلق في هذي الحياه أقسام …..…. اللي غني والذي منهم شقاويه
هيض على خاطري يومٌ من الايام ……تحت الهواء والمطر للقصر دوريه
في ديرة جوها وقت الربيع ظلام ………….ضباب وأمطارها تنصب ليليه
ندرج على الساق ونوقف على الاقدام ….…….هذا لنا من معزبنا إكراميه
يافيصل العبدلي هذا عليك حرام …………..سريتنا في ليالي البرد جبريه
أن الخوي راس ماله بندقٌ وحزام ……..والبشت والثوب والغترة وطاقيه
وإذا غرق بشت احدنا وانعطل ماقام .……قلتم عليه اكتبوا يومين خصميه
حياتنا عذبتنا وارغمتنا إرغام …………نخضع لامورٌ غلط ماهي برسميه
إن كان لابد فاعطونا بدل وخيام ………..وفرود نمشي بها ضد الحراميه
وإن كان ذا الامر صدر مالمقام العام .. سمعٌ وطاعه وامور الدولة مرضيه
نحمي وطنا ودونه لو نروح إعدام ………..مايقصر إلا الذي مافيه غاريه
والله ينصر ملكنا فيصل الضرغام ……….هو قايد النصر للدوية السعوديه
فتح لنا درب من باب اليمن للشام ….…وروس الاعداء تحت الاقدام ماطيه
وأنشا المدارس وصرنا كلنا علام ….....وأنشا المعاهد لنا وأحكام شرعيه
ومواصلات الطرق وصلت قرايا يام …….وفي كل قرية وضع بعثات طبيه
النصر لله ولك ياقايد الاسلام ……………….نذيع باخباركم سر وعلانيه

تم الحذف

تم الحذف

تم الحذف