الاخوه الكرام السلام وبعد هذه اول مشاركه لي في هذا المنتدى اتمنى ان تنال بعض استحسانكم ورضاكم

الاهداء الى اصدقاء العزبه مسفر وحسن اينما كانو



هوانا طلق ..هـــاللـــيله فـــديـــتـــك=طغت ريحة جسدك وقمت اشمه

ترى!! وين انت عن جدران بيتك=والارض اطهر ثراها دون ذمه


وش اخبارك يقولون ان لقيتك=ماراح اعرفك ماهي من مذمه


وضحكك قيل..كثر اللي بكيتك=وحولك ربع واحباب ويمه


عموما لاطروك ولاحكيتك=انا مااصدق الا الريح نمه


تذكرني الرفاق اليا طريتك=وهم لاطرف حبق واديك لمه


دريت!! ان مادريت اش صار..ليتك!=حسن غشه دم(ن) ماهوب دمّه

وقد بعته ثمن يوم..اشتريتك=ومسفر مات ابوه وطاحت امه


ودريت!! ان مادريت اش صار ليتك=وش آخر فتح جرح بجرح الامه


دخل بغداد كلب آخر فديتك=وطاحت روس فجار وائمه


وحنا من ذكرتك في نسيتك=غدت هذي القضيه مو مهمّه


فلو يممّت وجهي ماعنيتك=ولكن لان وجه الله ثمّه


ضميرك لو تميته..مايميتك=دخيله ..لايهمك لايهمه


انا ذاك الشقي..لو قال:جيتك= رحل مثل الكلام بلا تتمه


ولاجنب(ن) يريّحني ..فديتك=لو الخيط الجمل يدخل بسمّه