جيت لك يوم إن هالدنيا وقفت لي في طريقي = جيت لك من بد كل الناس جيت أحمل قضيه
جيت لك من وسط زحمة كل يأس وكل ضيقِ = جيت لك مدري وش اللي ساقني يمك هنيه
يمكن انك آخر ابواب الأمل وآخر صديقِ = وما ألومك لو تقف في صف هالدنيا عليه
متعود لايهمك كم لمع لي من بريقِ = كنت احسبه برق تمطر تحته مزونٍ هميه
ويوم جيته ماوجدت الا الظما مابل ريقي = ولا حصدت الا تعب ممشاي واشواك وأذيه
ثم عودت اضحك وثنيت بكفوفي صفيقِ = قال تضحك قلت يابن الناس من شر البليه
القضية ياصديقي شعورنا ماهو حقيقي = نظهر الطيبة ويموج الصدر باحقادٍ خفية
الصراحة ماتزعل ناوي اشعلها حريقِ = وماعلي ان سبني واحد ...................
الوضوح أفضل وسيلة لاتضيق ولا أضيقِ = نختلف في كل شي ونتفق في هالقضية