ولعت لي من شدة الهم دخان
اثره حرق صدري وزاد اللهايب

واسري له السريات لاصرت خرمان
عند البقا لات هايم و خايب

وادفع له المعلوم من غير حسبان
كني شريت الكون والقلب طايب

واشفط منه شفطات والناس نيمان
شفطه ورا شفطه وكلي هبايب

واصير مثل ابليس مانمت سهران
واقف على كيري حارس ونايب

واشفط من الدخان شفطات عطشان
كني شباب وماني اليوم شايب

ويهزني شوقي واصير فرحان
هز البعير اللي في البر سايب

ويزيدني نشوه وتمثيل شيطان
واصير له عبد(ن)وكلي عطايب

ويزيدني نقص(ن) في كل ميزان
ويجيب لي مالناس سب وسبايب

وارجع لبيتي تالي الليل ندمان
واحلف برب البيت واقول تايب

توبه من الدخان ومن كل نكران
ماعاد لي به شف ولا منه جايب

واطلب رضا ربي عفو(ن) وغفران
يمدني بالخير وقت الطلايب



..................................