هذي القصيدة سمعتها من احد الزملاء وهي لعمه وحسب روايته لي بأنها بطلب من الأمير خالد الفيصل ووضع لها جائزة طبعآ فيما بين اخوياه من الشعراء وكان طلبة أن تكون القصيدة نهايت البيت يبدأء بها البيت التالي وهكذا ..
وحقيقة انها قافية جميلة والقصيدة اعجبتني وارجو انها تحوز على رضاكم ..

الشاعر / مطلق أبن عبدالكريم السهلي

لـعـل قـلـب مـا شـكى فـقـد الأحباب --- يـبـلـى مـثـل بـلـواي عـقـب الـمغـيـبه
مـغــيـبـة اللي صـوب القـلب بحراب --- أحـراب مـن عـيـنـه سـهـوم عـطـيـبه
عـطـيـبـة مـنـهـا تـعـالج ولا طــاب --- مــا طـــاب قـلـبـي يـوم سـافـر حبـيبه
حـبـيـبـه اللي في شفاه العسل ذاب --- ذاب الـعـسـل بـيـن الـشـفـاه الـعـجـيبه
عـجـيـبـة مـن كـل تـلعات الارقــاب --- ارقـــاب للعاشـق هــواهـا مـصـيـبـــه
مـصيـبه عـلى مثلي اليا غلق الباب --- الـبــاب لا غــلــق دروبـــه تـعــيــبــه
تـعـيبه من اللي وصله خط الأنشاب --- انـشــاب نـشـبـنـيـبـهـا الله حـسيـبــه
الله حسـيـبـه هـو سبب كـل الأسباب --- اسـبـاب جـور الحب مـا هي غــريبه
مـا هي غـريبه ياسعـد كل من صاب --- مـن صـاب لا صوب شكى من حبيبه
حـبـيـبـه اللي فـاز مـن بين الأطـباب --- اطـبـاب قـلـبي مـا قـرو ســر غـيـبه

مع تحياتي وتحيات زميلي /محمد أبن رديني السهلي ..