Unconfigured Ad Widget

**الاعصار** · 08-04-2004, 08:07 PM

نواصل ...القصه..
...................

وفي لحظة غضب الواد جساس طلع الرمح حقو..ورماه على عمناكليب وغرزو في ظهرو
..(قام يتالم ويتبكبك الحونشي كليب وقعد يصرخ بصوت عالي كانو بعبع)وحش

الواد جساس قال: ياواد ما يبغالها الا افر واشرد لايجي احد دحين والايجي الزير ويسو يلنا قلق محنا فاضيلو دحينا

وهاتك يافكيك دق سلف ..بالحصان حقو ونمر لها

اماعمناكليب حالتو صارت حاله, قام يزحف على بطنو شويه لمن وقف علي رجولو ويمشي والرمح معلق بظهرو , لمن التقى

بواحد بدوي حق غنمات .. لمن شافو البدوي انفجع

..وقلو: موانتا عمنا كليب , اشبك كدا ؟..ايش صار فيك ياعمنا

رد عمنا كليب على البدوي وقلو: روقنا ياخي , مو وقتو , ماتشوفني مغرق بالدم وانتا لسه تسال؟

.. ياخي جيب لي شويه مويه ابغي اشرب ياواد.

.البدوي صاحبنا جبلو مويه وشــربو

...كليب اسمع ياواد انا غدربي الواد جساس واكلني الرمح حقو بظهري

...والي خلق امك لو انو كان من قدامي كان عرفت اتصرف معاه

..لكن هورمه وجبان وخيخه وجايني من ورى لكن مو مشكله انا اعرف اجيب حقي

.حتي وانا ميت ورايا رجاجيل ماتترك حقي يابويا

وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي

...(لانو ماكان معاه قلم ولا ورقه ولا حاجة يمكن نسيها في البيت )

...ولازم اخوي سالم الداشـر يقراها
... وبعدين الله يخليك تسوي معايا معروف انك تقتلني بعد ما اغلق من القصيدة

قبل مايعفن ظهري وتصيبني الغر غرينه( سلام وقول من رب رحيم)

قال البدوي طيب

..وبدا ابو الشباب يكتب الوصيــة

.وهي كا لاتي.....

..... اول بيت يقول :.......

..........

تحياتي نلتقي انشا الله

الاعصار

**الاعصار** · 08-04-2004, 08:14 PM

نواصل ...القصه..
...................

وفي لحظة غضب الواد جساس طلع الرمح حقو..ورماه على عمناكليب وغرزو في ظهرو
..(قام يتالم ويتبكبك الحونشي كليب وقعد يصرخ بصوت عالي كانو بعبع)وحش

الواد جساس قال: ياواد ما يبغالها الا افر واشرد لايجي احد دحين والايجي الزير ويسو يلنا قلق محنا فاضيلو دحينا

وهاتك يافكيك دق سلف ..بالحصان حقو ونمر لها

اماعمناكليب حالتو صارت حاله, قام يزحف على بطنو شويه لمن وقف علي رجولو ويمشي والرمح معلق بظهرو , لمن التقى

بواحد بدوي حق غنمات .. لمن شافو البدوي انفجع

..وقلو: موانتا عمنا كليب , اشبك كدا ؟..ايش صار فيك ياعمنا

رد عمنا كليب على البدوي وقلو: روقنا ياخي , مو وقتو , ماتشوفني مغرق بالدم وانتا لسه تسال؟

.. ياخي جيب لي شويه مويه ابغي اشرب ياواد.

.البدوي صاحبنا جبلو مويه وشــربو

...كليب اسمع ياواد انا غدربي الواد جساس واكلني الرمح حقو بظهري

...والي خلق امك لو انو كان من قدامي كان عرفت اتصرف معاه

..لكن هورمه وجبان وخيخه وجايني من ورى لكن مو مشكله انا اعرف اجيب حقي

.حتي وانا ميت ورايا رجاجيل ماتترك حقي يابويا

وقال كليب للبدوي: حكتب لك وصية تخليها حلقه بودنك وحكتبها علي الجدار دا بدمي

...(لانو ماكان معاه قلم ولا ورقه ولا حاجة يمكن نسيها في البيت )

...ولازم اخوي سالم الداشـر يقراها
... وبعدين الله يخليك تسوي معايا معروف انك تقتلني بعد ما اغلق من القصيدة

قبل مايعفن ظهري وتصيبني الغر غرينه( سلام وقول من رب رحيم)

قال البدوي طيب

..وبدا ابو الشباب يكتب الوصيــة

.وهي كا لاتي.....

..... اول بيت يقول :.......

..........

تحياتي نلتقي انشا الله

الاعصار

**عبدالله عبدربه الزهراني** · 11-04-2004, 01:43 AM

يعني ما أتكينا من الزير سالم في المسلسل
يطلع لنا الزير سالم باللهجمه الجداويه

عز الله رحنا ملح ^_^

**الاعصار** · 12-04-2004, 12:45 PM

الاخ عبدالله

اشكرك على مرورك على الموضوع
وعلى التعليق الحلو
وانشا الله تعجبك بقية القصــه

اكرر شكري وتقديري لك

الاعصار

**ابو ليلى** · 13-04-2004, 10:31 AM

ههههههههههههههههه

جميل جدا لو كان فيه باللهجة الديراوية يكون أفضل

**الاعصار** · 14-04-2004, 05:18 PM

اخـي ابو ليلى

خالص التقدير والشكر لك
على المتابعه واتمني منك
متابعة القصه حتى النهايه
اكرر لك شكرى

الاعصـــار

**الاعصار** · 15-04-2004, 05:10 PM

نواصل قصة الزيرسا لم ....................................

وبدا ابو الشباب يكتب الوصيه

:: وهــي كا لا تي

...اول بيت يقول: استغفر الله اله العرش لا يعبد سواه ...

...وتاني بيت يقول: الملك لله رفع السماء وبسط الارض ...

...وتالت بيت يقول: لاتنسى اليتاما وتخون العهد يادب

...ورابع بيت يقول الله اكبر علي الظالم المفتري الغدار اصحك تسيبو او تسامحو

...وخامس بيت يقول: جساس خمني وغدربي وطالع على الجرح بظهري وتعرف

...وسادس بيت يقول: الزير اخويا اعرفو قوي وشديد يمرمط العدوين ويشلفطهم شلفطه

...وسابع بيت يقول: يا سلومي يا ابو السلالم خليك راجل وبطلك حركات البزورة

والبيت الثامين يقول فيه: شوف ياسالم لا تخلي ولا احد منهم لاراجل ولا شيخ ولا عجوزة ولا حريم

واقتلهم كل واحد ومرتو حتى البزورة لاتسيبهم المهم فقّع ابوهم كلهم.

وتاسع بيت يقول فيه: لا تصالح اي واحد منهم وربي لو تصالح احد حأشتكيك لربي

وعاشر بيت يقول فيه: لو ما سمعت كلامي دا ولا سويت الي وصيتك عليه نتقابل عند قاضي القضاة رب السموات والارض.

المهم بعد الهرجة هذي صاحبنا البدوي راعي الغنمات كمل علي عمنا كليب حسب طلبو

المهم الهرجة دحين وصلت لحارة كليب واهلوا عرفوا بالهرجة كلها وطبعا

...اخوانوا سووا فيها كيف وما كيف ومن الكلام دا...

ونحن نفعل ونحن نسوي وحقنا مايروح لو على شواربنا ومن الخراط هادا

:::: المهـــم

.. راحو عند بيت عيال عمهــم .....

تحياتي
نلتقي انشا الله

الاعصار

**الاعصار** · 04-05-2004, 12:35 PM

نواصل القصـــه

المهم راحوا عند بيت عيال عمهم وتقابلوا مع ابوهم يعني قلك يسون مفاوضات...

وهادا بدال هادا وما ادري ايش المهم مااتفقوا وقالوا خلينا نشوف الدب الداشر سالم ايش يقول؟.

وبعدين صاحبنا سالم كان سكران مع ولد عمو همام (ابو رحم) يعني رحيمو ...

تعرفون كانو داشرين حقين شراب وبنات وكباين وشاليهات ومخلينها خل وطرشي

المهم ارسلو واحد يقول لهم الهرجة وجا الراجل الي بيقولهم الهرجة ، وكان الدب الداشر(الزير)

سكران مقربع مزبوط ومأجر السقف العلوي بالملحق كمان ...

وطل همام وعرف الهرجة,

وفجأه طلع لهم الدب الداشر وقال:ايشبكم ياهووه ايش الهرجة قاعدين تتوشوشو علي ايش؟

...احس انو في شي بس ما تبغو تتكلمو .

...بنت يا ضباع ايش الهرجة؟

المهم العالم خافت وقامت تنفض من الخوف... سحبو همام وقالو ادخل جو ونتفاهم

...مسكو من صدرو قلّو ياهو ايش الهرجة قلبت راسي وفكفكتها معايه وانت عارف انو مرووقين وشاربين

قلّّو همام شوف: لو قتلوا اخوك كليب... ايش تسوي؟

قام ضحك الدب الداشر(الزير (الا شوي كشر بوجهو وقلب قارورة العرق وخلها تقطر شويه شويه...قلّو شايف هدا العرق كيف يقطر؟

طالع همام مستغرب .

قلّو لا تستغرب ياواد.

... لو قتلوا اخويه انا اخلي دم اخوي وكل قطره من دمو براس رجال من قبيلتهم

وانتا شوف اخوي قد ايش عندو دم( بكاش الواد هادا الزير) المهم.

همام قال:ياهوووووه ما بدها خليني اديلو الهرجة والي يصير يصير:

وقلّو الهرجة .... والدب الداشر(الزير) سوا مناحة ديك الليلة

تحياتي نلتقي

الاعصــــار

**الاعصار** · 06-05-2004, 06:52 PM

الحلقــــه الاخيره من القصـــه ...

وقلّو الهرجة .... والدب الداشر(الزير) سوا مناحة ديك الليلة
وهاتك يابكى وصراخ زي البزوره ..تعرف مع السكار والخبر الي مزفت ..
نكب الدنيا ...المهم قاعد يقول اشعار وتهديد وتخاريف ومدري ايش من الكلام دا حق السكرانين
..لمن طلع الصبح وصاحبنا نايم علي الدكة وحالتو حاله ...
ولد اختو من جد نذل قال لابوه:هيا نقتلو وهو سكران وفكنا من شرو
ابوه طرطع قلّو ايشبك انتا مجنون ؟ ياواد عيب دا خالك
... وسدحو بكلمتين وروق الواد.
المهم صبح الصبح وكل واحد يبغى يسري عند اهلو عشان يشوفون ايش الهرجة
وكيف راح يدور البوكس بينهم( يعني المعركة ) وقبل مايمشون
...سوا فلم هندي الدب الداشر وقرينو همام ...
قلك ماراح اقتلك وما ادري ايش وما ابغاك تكون خصمي يا همام ...
وقلك همام يقول لا ياهووووه كيف دولا أهلي وبرضو مااعتقد اني بسكت
... ومن الخرابيط هادي.
المهم كل واحد سرى عند اهلو
...وقالوا بيننا البرحة ونشوف مين يغلب.

وباقي القصة يااولادي راح احكيكم هيه لما تنجحوا وتجيبوا الشهادة واقلكم ايش سوا ابو ليلى فيهم

تحياتي لكم

اخوكم الاعصــــــار

Unconfigured Ad Widget

دعواتكم لهم بالرحمة

واحد حجــازي يحكي قصة الزير سالم

واحد حجــازي يحكي قصة الزير سالم

تعليق

تعليق

تعليق

تعليق

تعليق

تعليق

تعليق

تعليق

تعليق