* محاورة 1 ( عازب الوهيسي ، حسن الدوسي ) 27/10/1421هـ جدة :



بدع / عازب الوهيسي :
شوّقتني للطّرب والزّياره
يا صاحب القول والعِلم ودّه
آسير وامشي بدرب المخاطر
عندي عزوماُ ولي وقدريّه
رد / حسن الدوسي :
يا كم لي ارقُب لهذي الزّيارة
الله يديم الرِّضا والمودّه
واليوم لجل الوهيسي نرحّب
اهلين يا كُلّ زاير وخاطر
في منزِل الجود والمقدريّه
بدع / عازب الوهيسي :
للنمر اماره ولليث اماره
مُدّ الخبر في ذي الليل مُدّه
ما نكرهك يالوفي وانت صاحب
انا فهيمٌ بعِلمك وشاطِر
في سِكّة الظُّلم مالي نحيّه
رد / حسن الدوسي :
ما ينفع الزّارع إلاّ ثِماره
يوم إنّ كُلاّبحبّه ومُدّه
يعمِّر اسواقنا منتصى حبّ
بأصاحب اهل الماكسِب واشاطِر
ما دامت الخير مالي نحيّه
بدع / عازب الوهيسي :
بعض المعاني تظللي دياره
الوقت مليان يُسراً وشِدّه
والحُبّ فالقلب يا شيخ عازِب
وجهٌ مظلِّم ووجهٌ مسافِر
والعِدّ يظهر من الجولجيّه
رد / حسن الدوسي :
ما حد تمنّا يغادِر دياره
تمضي الليالي نزولاً وشدّه
الله يساعدك يالشيخ عازب
يقولون إلى مصر وِدّك تسافر
وبعد يجي لك ورى الجوله جيّه
بدع / عازب الوهيسي :
يا ليت بغداد باقي حضاره
صدّام ضيّع سواليف جدّه
من فِعله الراس لا ونّ شايب
صدّام باقي بقلبٌ مُغادِر
وكُلّ يومٌ وله مصرحيّه
رد / حسن الدوسي :
يقولون في مصر كُلّ الحضارة
ولا يشابه لها غير جِدّة
ودربها سالمٌ مالنّشايب
وداعة الله ياللي مسافر
الجوّ ممتاز واي مصر حيّه
بدع / عازب الوهيسي :
وصّيت من كان راعي صقاره
هات الخبر دوم مالشُبّك ابده
ما دِمت متجنّبٌ عالمصايب
وامشي بدربٌ سهولٌ وياسر
من هرجة المظلمه وش عليّه
رد / حسن الدوسي :
ما حصّل الفود راعي الصّقارة
يضيّع المال ويشُبّ كبده
ما فالصّقاير ولا عِلم صايب
راعي الصِّقارة معذّب ويأسر
صِقارته في يده واشعليّه
--

* محاورة 2 ( حسن الدوسي ، عازب الوهيسي ) 27/10/1421هـ جدة :



بدع / حسن الدوسي :
لا تِحسِب إنّي شريد الذِّهن ومنوّمان
انا ادري إنّ الخبر ما قِد وكُل للبِلاد
يا مسرعه دار هذا العُمُر والوقت دار
والفِتنه شُبّت وقوّتها وراياتها
رد / عازب الوهيسي :
بِلادنا عايشه في خير وامنٌ وامان
الحمد لله عمّ الأمن كُلّ البلاد
جيوشنا ردّت اصحاب الخطأ بإقتدار
والنصر يُعقد بقوّتها وراياتها
بدع / حسن الدوسي :
ذالعام حتى رفيق العُمر والجنب خان
مِن فِعلته قلّت الأنظار واقتل جِهاد
ولا بقي للمحبّه مورِد ولا نهار
جفّت مواريدها وتصدّر امياتها
رد / عازب الوهيسي :
عازب بقول انتقلت المرت والجُنبخان
ابدي بها للعُدا فالحرب وقت الجِهاد
لا صار ما عاد ينفع صيح وإلاّ نهار
ترمي صفوف العُدا وتصُدّ رمياتها
بدع / حسن الدوسي :
يقول ابو احمد بخير وحالنا منعمان
ولا شكيت التّعب من قُلّ مايٌ وزاد
والله ما نسكُن إلاّ في طِوال العمار
وابصارنا ما حصل مالضّيع عوقاتها
رد / عازب الوهيسي :
ارشادنا من بلدنا ما تجي من عُمان
الخير عمّ الجزيره كُلّ يومٌ وزاد
دِمتُم لهذي الجزيره يا طِوال العمار
حُكّامها ما مشوا في ضيّع اوقاتها
بدع / حسن الدوسي :
قُوّاتنا ما يجيها الذُّل والهازمان
وسياسية الحرب صِنعتنا وحبوّك اياد
وخصمنا لا بدى بالشّر والعِلم جار
ارواح خُصّامنا تلقى وفيّاتها
رد / عازب الوهيسي :
الصُّحبه ما بيننا في دعم ولها زمان
لكِنّ ما يستوي فالقلب حُب وكياد
وبعض الأصحاب ما قِد قال ميدي مُجار
ناسٌ بتوفي لنا تلقى وفيّاتنا
بدع / حسن الدوسي :
اشوف نور الكهارِب يارجاء للأزهران
في مجلسٌ صاحِبه ماهو عن الوقت صاد
واهل المصارِف يميزون الذّهب بإختبار
في معملٌ يعرِف السِلعه وجوداتها
رد / عازب الوهيسي :
لا تتركون الجمايل يا رِجال ازهران
ما همّنا من قعد في عُزلةٌ وإقتصاد
قبيلةٌ ما تقول الحظّ والبخت بار
الناس تدري بفزعتها وجوداتها
بدع / حسن الدوسي :
إنحن زهارين ما نحسُب لعشر او ثمان
وامداحنا ما تجي من ظنّ وإلاّ إعتقاد
يا راعي المنصحه لا تبتعِد عالمسار
ولا تخفّي المدايح وقت روياتها
رد / عازب الوهيسي :
ما وِدّنا نبتدي في هِرجةٌ وآثمان
نمشي على شِرعة الإسلام خير إعتقاد
كِتاب ربّي بيجعل كُلّ قلبٌ يسار
اقرى السّور يا زميلي واقتر آياتها
--


* محاورة 3 ( عازب الوهيسي ، حسن الدوسي ) 27/10/1421هـ جدة :



بدع / عازب الوهيسي :
من هموم الليالي ماتن الضّم
وانا مِثلك معي حِسٌّ وشاعِر
كُلّ عِلمٌ وله معنا وقصايد
انا قلبي كما العالم ولِع به
رد / حسن الدوسي :
ليت بعض القصايد ما تنظّم
وانا قادِر على الحِكمه وشاعِر
اعرِف اسوّي انواع القصايد
واعرِف للزّير طاروقه ولِعبه
بدع / عازب الوهيسي :
بعض الأعلام تشبه ماي زمزم
من سٍمعها بيشرح كُلّ خاطر
مثل تمرٌ تمايل عالعوايد
وإلاّ زرعٌ بدى ينلام حبّه
رد / حسن الدوسي :
قال ابو احمد فوادي ما يزمزِم
يوم تاجي المشاكِل والمخاطِر
وإنحن قوم الفوايد والعوايد
ما يزيد الصّدور إلاّ محبّه
بدع / عازب الوهيسي :
ارضنا عايشه في خير وإنعم
والخطأ بيننا ماهو بصاير
والشّبي صاطيٌ ذا عِلم من جِد
لا هوى عالمُخالِف بتّ صُلبه
رد / حسن الدوسي :
الوهيسي ولد عمّي وونعم
في نهارٌ منه تعمى البصاير
له مواقِف على الفزعه ومُنجِد
وإن تغيّب بأزوره واتّصِل به
--


* محاورة 4 ( عازب الوهيسي ، حسن الدوسي ) 27/10/1421هـ جدة :


بدع / عازب الوهيسي :
برمي العُدا رميت الأمثال
واشُبّ قلب العُدا شباب
وشجرةٌ مثمِره تتغنّا
ماني مدوّر لنشرها
رد / حسن الدوسي :
حسن يقول بأنظُم الأمثال
وارضي بها الشّيب والشّباب
مثايلٌ طيّبه تتغنّا
ودّي آتقدّم بنشرها
بدع / عازب الوهيسي :
ما تُهت فالسّير والمقال
واهُلّ مالتّمر عالجواب
ومن الشّهد والعسل صدّقنا
ولا تقول ما تعصرها
رد / حسن الدوسي :
ما ودّي آكرِّر المُقال
يوم اظهِر العِلم والجواب
لبعض الأعلام ما صدّقنا
سوالفٌ مات عصرها
--

بدع / حسن الدوسي : 27/10/1421هـ جدة
استغفِر الله من ذبٌ حصل مابه ادري
واستغفِر الله من كُلّ الذّنوب العظيمه
يأصحابنا ما لنا عالنّار حيلٌ وقوّات
إن ما حصل لي من الخلاّق عفوٌ وسُمحان
ادعوا لابو احمد بظهر الغيب وتراحموا له
--
رد / عازب الوهيسي :
سمحان بدّل حنينٌ فات الأول بهدرا
ولو نشُدّه بحِمله ما تسوقه عظيمه
ما دام ظهر الجمل يخزِن شرابٌ وقوّات
ودّي نشُدّ الجمل بالحمل وترى حموله
--

* محاورة ( 1 ) بين الشاعرين ( حسن الدوسي ( أبو أحمد ) ، عبدالخالق السالمي ( ابو عبدالاله ) 20/11/1425هـ منتدى بني شهر :



بدع / حسن الدوسي :
الأوله يا طلبة الله واصلّي على محمد
والثانيه سلام مادامت ارض الله زهارين
سلام يبني شهر يأصحابنا غايب وحاضر
إلى محِلاّت الكرم والجمايل ودّ يا جيب
واصِل معا راعي الجمايل ، ومِن روسل قبيله
رد / عبدالخالق السالمي :
يا مرحبا يا شاعراً علمه سديد ومحمد
والنعم يا لدوسي.ونعمين يا دعوى الزهارين
دعيتني وأقول يا صاحب الأمثال حاضر
واليا دعاني مثلكم يا زميلي ودي أجيب
مادام ما في العلم ما يخفض لروس القبيلة
بدع / حسن الدوسي :
الصّاحِب اللي عاف درب الصّداقه وانتقى الصّد
لا عاد يِترجّى نهب له مِن اتمر وبلاحين
ما دام وِدّه نِقتسِم فالمدينه وإنتشاطر
صحيح يا عُربان ما يستوي نِمرٌ معا ذيب
يا ليت صاحِبنا يسير الدّروب على مهيله
رد / عبدالخالق السالمي :
يا صاحب الألحان ورد علومك وأنت قصد
قدام يجي في زمن العوافي للبلا حين
ما اضن تخسر في بناي المثائل وأنت شاطر
نضماء ولا يروى ضمانا سوء نهل المعاذيب
ولا ترجينا مياه العدود اللي مهيلة
بدع / حسن الدوسي :
بنيت قصرٌ مِن صِلاب الحصا ومتان عُوّد
والحمد لله ما بعد حلّ في صدري وناوين
ليتك تشوف القصر ماهو كِذِب واحلام ناظِر
قصرٌ وثيق السّاس ما هدّمه برقٌ ولاغيب
في قامته يا روس غِضّي النّظر ودّينجي له
رد / عبدالخالق السالمي :
مدري متى نرجع لديرة هلي ومتى نعود
طال المدى ولإ فحن بالسفر لابد ناوين
ديرة بها تاريخ وأكرم بشر وأحلا مناظر
لو هي تجي بالكيف ماصفت ع الديرة ولا غيب
واللي يبي ياجي على سبتي ودي نجيله
بدع / حسن الدوسي :
متى تحوِّل عن ظهور الهِجن يا ماتِن الشّد
الحِمل ما يقوى عليه الهزالا والدّواوين
والسّيف الأملح ما بيقطع وهو في يدّ فاتِر
اضحك على مِن عرّض المسنده في روس اناشيب
ما ساعده حظّه بدرب النّشب ومتان حيله
رد / عبدالخالق السالمي :
باجاوبك يا اللي عن البينة ياما تنشد
وحُجّتي وثّقتها باليقين وبالدواوين
واللي بلا حجة يوثق علومه في دفاتر
يمكن تعجب ياحسن لو ترى في روسنا شيب
مدري متى نقوى نصد الخطاء ومتى نحيلة
بدع / حسن الدوسي :
يا لشّيخ عبد الخالق البرق لاح وفيّح السّد
والسّيل حوّل مِن سفوح الجبل ويغُمّ ضِلعين
آشوف مِطلاع الحيا فالأراضي والماء ظاهِر
والصّيد جاء له درجةٌ في بلاد الله والاعيِب
على شفا عيسان وعلى شدا وشفا غليله
رد / عبدالخالق السالمي :
وش عاد نخفى حين بعض الخواطر فيح السد
على حسين الكيف لا مد كف وغمض العين
مضمون ما هو ينجرف للضحوك وللمظاهر
سجله ابيض لا خطية ولا زلة ولا عيب
لكن عذب في قلوب البشر وأشفا غليله
بدع / حسن الدوسي :
تشوقني يا جيب ( تايوتا ) وقت الجِدّ مُنجِد
منتوج هذا العام ماهو قديمٌ مِن مظلّلين
مِن قوّته يمضي على المنشبه وعلى مخاطِر
اهل الدّراهِم يِشتِرونه ولا جاء حظّ ونصيب
وا شيب عيني ، وا عناء خاطري ، وا فاقتي له
رد / عبدالخالق السالمي :
حِنّا ورثنا الفايده والمدايح جدّ مِن جدّ
ولا اكتسبنا المعرِفه والنصّيحه مِن مظلِّين
نعطي علوم وينبلج حالنا مِن عِلم خاطر
مِن يتّهمني حين ما ارمي وانا مقدي وانا انصيب
عُذره كما قاتل في المقبره وافى قتيله
--


* محاورة ( 2 ) بين الشاعرين : ( عبدالخالق السالمي ( أبو عبدالإله ) ، حسن الدوسي ( أبو أحمد )) 25/11/1425هـ منتدى بني شهر :


موال :
تعيش ياللي لبدع القاف رتّب ودار
لولاك ماصار للحِكمة هويّه ودار
والوقت دوّار يالدّوسي وبالخير دار
وراية الدّين مرفوعه على كل حال
بدع / عبدالخالق السالمي :
في قديم الوقت ماكِنّا على وِدّ وسلام
واكثر العالم يقدِّس مملكة وِدّ وسواع
واشرقت شمس الشّريعة والعِباد ابدوا سجود
واصبح التّعذيب في عصر التُّقى والدّوس منهي
وبِلاد الهِند جاها الخوف مِن هندوسها
موال :
سلام يا شاعرٌ ورّد لنا عِلم سار
عاقِل ودايم يقدّي خِطوته عالمسار
ليت السّراير بتبقا بيننا ع المسار
وراية الدّين مرفوعه على كل حال
رد / حسن الدوسي :
جيت اقدِّم تهنيه لبني شِهِر من دوس لام
وانا خادِم للقبيله حاضرٌ ولدس واع
في قبيلة دوس تلقى المعرِفه ،وبدوس جود
عِزوتي زهران لا تنشُد تقوللي دوس منهي ؟
انشُد التّاريخ ويعلِّمك من هُم دوسها
موال :
يامرحبا عِدّ نبت الورد والنّيفلان
ترحيب وافي ولو يزعل فلان اوفلان
يامعدناً فيك قوة مانقل كيف لان
وراية الدّين مرفوعه على كُلّ حال
بدع / عبدالخالق السالمي :
والنّعِم زهران مافيهم جهول ولا ظلام
مِن بينكر موقفاً يدري عنه طِفلاً وعود
الشّيم والمعرفه بين العرب والحيّ مِن حي
ماتغّيرها الليالي القاسية ونحوسها
موال :
لك البقا يا مرحِّب ما نقُل كان كان
حاضِر بحاضِر ولا قُلنا لكم كان كان
انا اعرِف اهل الفصاحه وآهل الكانكان
وراية الدّين مرفوعه على كُلّ حال
رد / حسن الدوسي :
احمد الله ما على دربي قتوم ولا ظلام
آتكلّم بالحقيقه وإنّ وعدت اوفي الوعود
منطقي معروف ما بين العرب والحيّ امن حيّ
والمعادِن ما خلطنا تِبرها ونحوسها
موال :
حِنّا مشينا بخِطّه سابقه وإنتظام
ولا بنمنعك مِن مائ الحرم وأنت ظام
مِن كِلمة الحقّ لا بِنظام ولا تُظام
وراية الدّين مرفوعه على كُلّ حال
البدع/عبد الخالق السالمي :
ما بنِنكِر بعضنا والطّير يُعرفف وقت حام
والوفاء طبعك وسيفي ما يكِلّ به الحدود
يا حسن مادام لأهل الطِّب دكتوراً وبنجي
ليتهُم يدرون بالحُسّاد وِش فيروسها
موال :
انا آتبعّد عن الفِتنه وابت الحرام
مِن يوم ريت الذي مُحرِم وبيتل حِرام
في نِيّته يوصل الكعبه وبيت الحرام
وراية الدّين مرفوعه على كُلّ حال
رد / حسن الدوسي :
يا عبدالخالِق لنا فالدّرب خطوه وإقتِحام
قصدنا درب القدا ، ماهو تجاوز للحدود
إن دعيتونا بنسمع دعوة الصّاحب وبنجي
اقدِر آداوي كبود الغِلّ واشفي روسها
موال :
مِن يوم صِرنا نكلِّم من بطايق زجول
قلّد غُراب الشّقا مشي الحمام الزّجول
واخذ بِلاد التِّهِم والبدو والحزّ جول
وراية الدّين مرفوعه على كُلّ حال
البدع.. عبد الخالق السالمي
الفتن ما هي سوى والبعض أشدّ مِن السِّهام
والدّروب نعيبها لا جا بها معنى نقود
كُلّ مؤمن يا حسن ما يقبل السّيّات مِن سي
واليدين المُفلِسه وش ريت مِن فيلوسها
موال :
ماعاد ينفع تقُل يا شيب عينك وحول
العِلم قِد له شهورٍ ماضياتٍ وحول
واصبح يغنّي به الأبكم ، والأصقه ، وحول
وراية الدّين مرفوعه على كُلّ حال
رد / حسن الدوسي :
كِنّا بإنساهِم في ( ابطائق سوا ) مِثل السِّهام
اثر ما في روسنا خِبره ولا معنا نقود
لكِن الغينا التِّجارة ، واصبح الموضوع منسي
يوم شِفنا النّاس تشكي الغُلب مِن فيلوسها
موال :
انا أعتقِد مايصِحّ إلاّ الكلام الصّحيح
ومِن البلاء مايعيش إلاّ الفؤاد الصّحيح
الحّق باقي معه قلباً وطرفاً صحيح
وراية الدّين مرفوعه على كُلّ حال
بدع / عبدالخالق السالمي :
التِّجاره بعضها جائز ومُعظمها حرام
والّذي غالي بنتعب له وبِنعِدّ العدود
والُّتقى فالقلب يجعل مِن صِحاح الرّاس منعي
والفِتن نقضي على شيطانها ونجوسها
--
موال :
عجِزِت احصِّل دوا المكسور ودواء جريح
وانا اتلفّت كما البُرّاق ودواج ريح
يا ليتني مِن تي اللفته والأدواج اريح
وراية الدّين مرفوعه على كُلّ حال
رد / حسن الدوسي :
سُبحانك ياذا جعل زمزم في البيت الحرام
ما كما زمزم في ارض الله ولا عِدّه عدود
طعمه احلى مِن جلوسٌ وازيه في راس منعي
واغزر مِن ماي البحور الهايله مِن جوسها
--

* محاورة 3 ( حسن الدوسي ، عبدالخالق السالمي ) 20/12/1425هـ منتدى بني شهر :


بدع / حسن الدوسي :
حيّ سيلٌ ينقُل السِّدر ويقِلّ اترٌباء
يقلِب الحيد الذي لو ميه ما قالبوه
بعد جاد الله بناوي عليه الماء دحين
في ديار الخير حثّ الرّعد وابرق وجاء هلّ
واصبح المحصول يربأ معا جنّيّته
رد / عبدالخالق السالمي :
عاش من يوفي ولا قيل ع القلة ربى
يا خذ الونعم من الفائدة ما قال أبوه
ويتنومس حين يثني عليه المادحين
والذي باقي عن المعرفة غافل وجاهل
يعجن النِّية وياكل معاجِن نيته
بدع / حسن الدوسي :
انشُد الهُدهُد ترى جاب عِلمٌ مِن سبأ
لا تحاقر به وهو فالمسايل شيّخوه
وابيجي لك بالخبر لا تقُل يلمح لفين ؟
يوم يقبِل تِبصِر السّعد بإشراف القبايل
وإن شِهِد صدّق على القول واشهيديّته
رد / عبدالخالق السالمي :
الله يقطع ياحسن كف وايدي من سبى
مِن حقوق النّاس ولا كنوز وشيّ اخوه
والقاضي يحكُم على دِينكُم يالمحلفين
لا تقول ابغى شهودي من اشراف القبايل
وانت ما تجهل بالإنسان وشهي ديّته
بدع / حسن الدوسي :
جهِّز السّوّاق واعجل ترى الموتر عبا
دربنا مُمتاز والضِّلع الاعسر فلوجوه
والحذر لا تِنحِرِف لا يسار ولا يمين
قبلك المِسيال في دقلته ورىّ سمايل
والجبل مِن تحت جنبه تدارق فيّته
رد / عبدالخالق السالمي :
يا أبو أحمد قالوا الخوف والموت أرعبا
وسِمات النّاس تبدي وتظهر ف الوجوه
ما تجمّعنا وجينا شروه ولايمين
لو تقابل منعمي مايرى والرّاس مايل
علِّمُه بإن الجبل ماتدار قفيته
بدع / حسن الدوسي :
هذا وافقنا في اعلامنا واي ذاك ابى
وولي العهد شاف القبايل توّ جوه
قال حاضِر وابشروا بالسّعد يالمعوزين
ما تسمّع في نصيحة جويهل والف عايل
بعد شخّصنا المرض والعِلاج نبيّته
رد / عبدالخالق السالمي :
أحسِبك يالطيب ولداً لنا وايذاك أبي
قالها اللي من مدوح النشاما توجوه
دام سيفاً في اللقاء والسّعد يلمع وزين
ياحسن لايغبُنك غير ذربين الفعائل
والرّدي عطبت يمينه على جنيّته
بدع / حسن الدوسي :
خاب ظنّ ابليس ، ملعون وعليه الهبأ
غشّ ابونا آدم نهار استمع ما قال لوه
قال هذي شجرة الخُلد خُذ لك حبّتين
كِلها آبونا آدم ، فلا آجاب عن سيلٌ وسايل
( وأُمّنا حوّاء ) غدى عِلمها ونسيّتُه
رد / عبدالخالق السالمي :
خاب ظن اللي تراجاك وعليه الهبا
يالصّديق اللي مضى له زمن ماقال الوه
ماحمد ربّه وقبّل كفوفه حبتين
يِحسِب إنّ الخلق في غيبته سيلٌ وسايل
مادرى إنّ الناس لهيت عنه ونسيته
--


* محاورة 4 ( عبدالخالق السالمي ، حسن الدوسي ) 1/1/1426هـ منتدى بني شهر :


بدع / عبدالخالق السالمي :
يأهل جدة مُشكِلتكم مُشكِله مالبحر والطّوفان
بعد ( زلزال آسيا ) جِدّه على حدّ الخطر وأحياها
واللي قُوته مالبحر كم ساعةٌ يُحرم مِن الميقات
بعضكم بيته على الشّاطي بِلا صكّ وبليّا حِجّه
والجزيره مِن سكن شِطّانها وش شاف عيبها
--
رد / حسن الدوسي :
ما بيوصل للحرم ويكمِّل المسعا مع الطّوفان
إلاّ مؤمن يعرِف السُّنّه ، وطبّق نهجها ، واحياها
التزم بالسُّنّه يوم إنّه نوى ، وارحم مِن الميقات
والذي قِد راحت ايّامه بِلا عُمره ، وبليّا حِجّة
لا يقول إنّ المذاهِب واسِعه ، والشّافعي بها
---
بدع / عبدالخالق السالمي :
يقولون الهِجن تشعُر يا حسن عن رأفة الهجّان
ما تحُبّ اللي على درب المتاِلف حدّها واعيها
فِنّها كانت تسطِّر مجد حافِل مِن وراء السّادات
والحكيم يقوم باللازم إذا جاء له حضور أو لأجّه
حِكمته كُلّ العقول اللي بها فِكراً تعي بها
--
رد / حسن الدوسي :
ما خرق صفّ اليهود بحِكمه إلاّ ( رأفت الهجّان )
يوم حرب اكتوبر اتعلّم لخِطّه داهيه واعياها
انطلق مِن مصر ، والتّوجيه يصدُر ( مأنور السّدات )
الحقايق ثابته ما عاد نبغي صجّه اولا لجّه
صورة ( الهجّان ) صوره واضِحه يامن تعيبها
--

بدع / عبدالله غرم الله 1/4/1424هـ :
ياسلامي علي من صحبته ما تغيرها السنين
من رجال الوفاء والشيمه والعز واشراف المذاهب
وقبيله لها مجد" مسجّل وتاريخ" طويل
عرجل" عندهم للضيف تكريم واللي خصم شرّا
اسمهم مثل نجم" بادي" مايغادر من سماه
اهل ذيك السيوف الحده الشابي اللي تنتق الدّم
وبلاجيك في ايديهم عزيزه على نقّالها
رد / حسن الدوسي :
مرحبا يالزميل اللي يشابه كما الحدّ السنين
دمشقيٌّ تميّز عالسّيوف البريعات المذاهب
يوم يندِر على العدوان وقت الملاقا حطّ ويل
مرحبا يا لبيبٌ ما يقول اختلف علومي وش الرّأ
يفتل الشّور واصل الشّور ما ياجي إلاّ من سِماه
ربّي اعطاه عِلم وفِهم في كُلّ ميدانٌ تقدّم
والعلوم الذي تشفي فواد العرب نقّى لها
--
بدع/ عبدالله غرم الله :
أهل اسبيع دايم في الجمال العوادي موسمين
وانحن من قبلهم بأ عوام في اجمال ديرتنا وسمنا
وصوف الحياه مارقابها ماتغير وسمنا
دونها البندق اللي له رصاصٌ ينوز وينتقدم
ورجالٌ على المذهب ودون المواقف في وجود
جارها الله مالنمر الذي لاعدا زهران كفّه
ولها نشر ما ينصك فأرض الحضر والباديه
رد / حسن الدوسي :
موسمٌ في بلد زهران عندي يعادل موسمين
وإنحن ياما نزلنا للبنادر وعارضنا وسِمنا
كُلّ شي ينعرِض للبيعه إلاّ شرفنا وإسمنا
إنحن زهران نرقى في دروب المعالي وانتقدّم
نلتقي الضّيف في ساعة وروده بكرماتٌ وجود
راية البيِض تُنشر واتعمّم على زهران كفّه
واعلنوها في الأخبار لأهل الحضر والبادية
--


* قصائد على لون ( اللعب ) المجالسي لمنطقة الباحة :


بدع / عبدالله غرم الله :
اليوم ماعاد لي في السوق تمر" ولاحباب
من بعد كنت اشتري وافيد والقى البضائع
وتاجر" له مقام وفوق راسه منح تاج
واذا تقدم مع اهل المال صوته مداوي
وله معدات كم خلت جبال" منيده
رد / حسن الدوسي :
يالشيخ عبدالله اشكي الضّيم من فُرقى الأحباب
من بعدهم تاهت الأفكار والقلب ضايع
ماعد معي غيركم يا ولد عمّي لو احتاج
تكفى تروّح إلى عِند الطّبيب المداوي
آربّ تاجي لنا بعِلاج وافي من ايده
--
بدع/ عبدالله غرم الله :
بسيفي اللي شبي مدري واشفني واشفتك
يوم التقينا بجيش الخصم في اقصى فوادي
وقالو لابد تتقدم بنا اكنت قدام
والفارس اللي شديد الباس زينت الأهداب
يبلاه بالسُّم ومن نيبانه أشوفك انا
رد/حسن الدوسي :
الله يسقي زمان" به صدفتك وشفتك
ياصاحب اللي سكن حبه في اقصى فوادي
أسالك باالله ياذاالزين وين كنت قدام
نقشت كفك من الحناوزينت الأهداب
متى على الله يزين الوقت وأشوفك انا
--
بدع/ عبدالله غرم الله :
يامرحبا عد سيل" جامن احلا مناشي
يوم مر من طارفة ناوان قلب رزانه
وانحن بدينا نخيل له ورينا وصوله
واللي فني من دقوله لاتقلي وشفناه
حتين يظهرلنا في كل وادي علومه
رد/حسن الدوسي :
الوقت صدر ولاحقق من احلامناشي
حتى النمر هوّن الهدّه وقلّ ابرزانه
من بعد ماكان له في الخبت جوله وصوله
اليوم في ساحة الميدان بين وشفناه
مكتفينه ولكن ماعرفنا علومه
--


* محاورة 1( عبدالله غرم الله ، حسن الدوسي 10/4/1424ه - منتدى الديرة ) :


بدع / عبدالله غرم الله :
شريت لي عود واشقاني بكثر الحنين
واقفى معا وبلةٌ فالخبت ماهي بلي
في ديرةٌ موقته من قيظها مات عود
وابيوتها خاليه وانهارت اركانها
رد / حسن الدوسي :
يرُدّني عِندكُم زود الغلا والحنين
ماني بناقص عقُل مجنون ومهيبلي
يا صاحبي قُل عسى ذيك الفِتن ما تعود
افرح بموت الفِتن ونهار تركانها
بدع / عبدالله غرم الله :
تعبت مابين دور البدو والحاضرين
ارقب خيولاً تسابق سايق الرايلي
وارضي فواداً تعرض للعناء والوجود
وعيون ماتلمح الا قدر صبيانها
رد / حسن الدوسي :
لا بأس يا صاحبي وابشر بنا حاضرين
ما دام عندي خبر والعِلم والرّاي لي
نبدي معك حزّت الزّحمه بفعلاً وجود
ونقدّر المنطقه في قدر صُبيانها

بدع / عبدالله غرم الله :
يقول عبدالله في ايدي سيف حده سنين
ساعه صدوري في الميدان وقبائلي
وبعد معي بندقه برنو لباس" جدود
ماتختلف نظرتي من فوق نيشانها
رد / حسن الدوسي :
عاداتنا ما بتتغيّر بحدّ السنين
نعرف قبايلك يا عبدالله وقبايلي
وبيننا عهد سابق من زمان الجدود
والصُّحبه اللي تجمّلنا بني شانها
بدع / عبدالله غرم الله :
الكفو له منزله عليا و منصب رزين
ولابيمضي بدرب" صعب ومنولي
وكلمته وافيه ماينتقدها النقود
والهجره يدري بعدلتها وميلانها
رد / حسن الدوسي :
يالشيخ عبدالله لا تعجل ترى الصّبر زين
كم لي وانا اصحك هذا الحين ومن اوّلي
لا تخدعك هذي الدُّنيا بكُثر النّقود
دُنيا دنيّه مصارِفها وميلانها



بدع / عبدالله غرم الله : 5/6/1424هـ
يقول عبدالله في درب الوفا مأتوقفا
ولي حظورٌ مع اهل المجد والموتمرّات ( المؤتمرات )
والقصر معمور للضيفان ويطول عمري
واللي بياخذ ثمر غيره عليه الزمن دار
صدر من المحكمة حُكماً قضى بأعدموته ( الإعدام )
رد / حسن الدوسي :
اشكي على الله يالخِلّ الذي مات واقفى
ماعاد له في منازِلنا ورى الموت مرّات
ياكم لي اذكُر وصوفه للعرب طول عُمري
حتّى ولو كان ما عد له ورودٌ ومنِدار
ماهو بحّق إنّي انسى صورته بعد موته


* قصائد على لون ( الزمل ) المسيرات :


بدع / عبدالله غرم الله : 1/6/1424هـ :
انتم يا بو احمد رجال السيف والميدان والبارود
قلتكم ظلّت منه ذيك المحاجي البانيه نتواصل
ماربى فيكم ذليل ولا مدوّر مخطيه واخوان
وانت شاعر ياحسن تقدر تهُزّ اكبر جبل وتديره
ثُمّ لك قُدره بجمع المُنتثِر وتفرِّق الليّام
وانحن مانرضى عليكم يارفيقي فِتنةٌ وإلاّ ابشر
واللي مثلك لابناعِلمه في المبدا يجي بِنا
رد / حسن الدوسي :
عِندكُم يأهل المكارِم والعلوم الوافيه بأرود
وان تطول الغُربه والغيبه لزوماً لا هيا نتواصل
يا عبدالله يإبن غُرم الله ترانا رُفقةٌ واخوان
إنحن ابني عمّ واخوان اوشراكه فالبلد والدّيره
ما تفرِّقنا الليالي يا ولد عمّي ولا الايام
أنت لا مِنّك دعيتاني فلا عِندي يكون إلاّ ابشِر
وإن دينا مِثلكُم في ساعة الشِّده يجيبنا
--
بدع / عبدالله غرم الله الزهراني : 27/6/1424هـ
القصُر ما انعمر سقفه ولاينبني بمتات عود
كم شاهدنا وراقبنا قصورٌ فنيت وانتظرنا
كلها زايله لو يقصر العمر ويطول العمر
واعتبرنا وخذنا الرشد ماللي هدم جدره ودارك
ورسمنا وخططنا لنبني لنا مزرع وبيت
وعرفنا ان عمر السامه له فايده ومعه سلامه
ولا بينجح ويتوفق مع الناس من تبع اندنى
رد / حسن الدوسي :
انتظرنا نشوفك يا وليف الغلا ومتى تعود
الله يا كم ترقّبنا لشوفت عيونك وانتظرنا
ما ندري هل بعد بيطوّل الصّبر ويطول العُمُر ؟
لا سقى الله ذاك اليوم يُوم رِحت من حيّك ودارك
قُلنا لك لا تسافر غير عيّيت مالعُلمه وابيت
ندعي الله لك بالخير في سفرتك ومع السّلامه
ما لنا إلاّ الصّبر ما دِمت غايب ومنت ابعِندنا
--

* محاروة 2 ( عبدالله غرم الله ، حسن الدوسي ) 3/6/1424ه منتدى الديرة :


بدع / عبدالله غرم الله :
انا في كُلّ ميقافٌ عيوني شهود
واحمد الله في نعمه ولي مُلك لام
ماتعرّضت فالدُّنيا لميل أو قلوب
احتزِم بالجنابا الاّمعات الحِدادي
واصنع المُستحيل وخاطري عالمُنى
رد / حسن الدوسي :
يا ابن غُرم الله نشهد والخلايق شهود
انت شاعِر وعِندك من حسين الكلام
لك محبّه تقرّر في صميم فالقلوب
مِثل صقرٌ تميّز عن طيور الحدادي
بالله اسمع كلام الصِّدق في عِلمنا
بدع / عبدالله غرم الله :
كم تعذّب فؤادي مالعنأ والوجود
من صديقٌ تعدّا مايرُدّ السلام
وانا كُنت احسِبه دِرعٌ يوقّي الجنوب
اثر ماله في الأقوال صِدق أو جدودي
وعيونه ترى فِتنه وتاري خنأ
رد / حسن الدوسي :
إنحن زهران معروفين قاله وجود
ما ادّرقنا عن الميقاف حرب أو سلام
وإنحن إسمٌ معظّم في ديار الجنوب
استلمنا البيارق من يدين الجدودي
وابنسجّل مدايحنا وتاريخنا
بدع / عبدالله بن غرم الله :
ولدنا كِلمته ماينتقِدها النقود
هبى في طريق اهل الوفاء سِت رِدام
ثُمّ له قصر مبني للكرم واله بوب
العرب لا محلّه في صدور اوّ ورودي
وبعد يبدي لداعينا ومنزارنا
رد / حسن الدوسي :
عِندنا المال ما نحسُب لصرف النّقود
نحمد الله دام الخير والسِّتر دام
واينحِن جودنا اسرع مالرّياح الهبوب
نفرِش الأرض بأنواع الزّهر والورودي
والتّراحيب نعلِنها لمن زارنا
بدع / عبدالله غرم الله :
خذنا من صفحة الايام مكسب وفود
ولنا نظرٌ شاهد وفالكُلّ عام
واللي يدعي بنا في الزحمه يلقى جيوب
انا وانته لنا مجدٌ ورأي إتِّحادي
والبحر مابينقُص من جماهيرنا
رد / حسن الدوسي :
الجماهير جايت للملاعب وفود
دوري الكوره يتجدّد لنا كُلّ عام
( والهدف نصرِف المال الذي فالجيوب )
كم شغبنا وشجّعنا مع الإتحادي
لكن ليته تجمّل من جماهيرنا
بدع / عبدالله غرم الله :
انت سيفٌ بريعٌ بالشّبا والحدود
لاهوى في نهار الحرب بتّ العِظام
وبعد في رقِاب القوم ماانكلّ صوب
دام علمك وكيد ودام قلبك سعودي
مايجي بيننا تعبه وياجي شنا
رد / حسن الدوسي :
احتمينا بلدنا من جميع الحدود
ما يصون الحدود إلاّ الرِّجال العِظام
والرّادارات تتحرّك ومِن كُلّ صوب
كُلّ ابونا نهار الحرب جيشٌ سعودي
وانت معروف فالميدان يا جيشنا
--



* محاروة 3 ( حسن الدوسي ، عبدالله غرم الله ) 3/7/1424هـ منتدى الديرة :


بدع / حسن الدوسي :
يا اقلامنا مُرّي على اللوح واشتبي
ما دام جاء لِك لزمةٌ في منابِع ايِد
انا اتجنّب عن دروب الخطر وادرى همّ
وارقُب لوديانٌ منصّب حقولها
رد / عبدالله غرم الله :
تحت الطلب ياصاحبي قول وشتبي
انت ادعني وانا قريب" ماانا بعيد
أبشر بي اوفيك وافزع معك بدراهم
وكلمتي يثبت من الصبح قولها
بدع / حسن الدوسي :
نعمين بك يا ولد عمّي وصاحبي
ياكم لي اكرّر في امداحكُم واعيد
تشبه لسيفٌ من وجوه العُدا نتق الدّم
واهل العقول البُله تهزى ام خيولها
رد / عبدالله غرم الله :
مثلك يلبى لادعاني وصاح بي
وشوفتك ياصاحبي فرحةٌ وعيد
وانا وياك اخوه وفي الملتقى نتقدم
نفرق الاعداء ونهزم خيولها
بدع / حسن الدوسي :
يا كم لي ارقى للعُلا ما ذب احتبي
ما همّني هولاً بينهال بالتّهديد
امضي وساقي لا نويت المتاع بنا دم
ما ضاق مالنّشبات وادراج هولها
رد / عبدالله غرم الله :
ياموت في لحظه سريعه ذبحت ابي
من غير لاعلم" ومن غير لاتهديد
وانا ادري ان القدره مكتوبة" عابن أدم
وهجرتي ياكم لي ادراى جهولها
بدع / حسن الدوسي :
الموت يقضا من شيابه ومن صبي
ولا سِلِم منه إبن شداد وآبو زيد
عُزران ما بيجامل المُنحكِم والحاكِم
يرسِل سهوماً ما تخاطي وصولها
رد / عبدالله غرم الله :
ياصاحبي سيفك بريع" ومنصبي
حده شبي وقيمته في غلا وزيد
وانتم رجال" تحتمون صفكم والحاكم
تبدون لجولات المعارك وصولها
--



* محاورة 4 ( عبدالله غرم الله ، حسن الدوسي ) 10/7/1424هـ منتدى الديرة :


بدع / عبدالله غرم الله :
يقول ابو غرم الله جينا من الدرب السّهيل
وانحن رجال الطيب واهل القلوب اللي سماه
ما همّنا اصحاب الدجل والكهانه والنجوم
والهِجره نعرف خيرها يا حسن واشرارها
رد / حسن الدوسي :
الله يا ما اجملك وابعد مكانك يا سهيل
بعيد بُعد الفايته وارضي ربّي عن سماه
ما ريت مِثلك يا سُهيل اليماني فالنّجوم
بالرغم من كثرة نجوم السّماء وشرارها
بدع / عبدالله غرم الله :
جبل شدا فأرض التهم شامخ وراسي طويل
الله قرّر له مكانه عظيمه في رضاه
دونه رجال المدح واهل البيارق والعلوم
صبيان ديره ماقطع عِدّها وانهارها
رد / حسن الدوسي :
حسن يقول اهرِج واسولِف وانا راسي طويل
يالصاحب اللي دايم الدّوم نمشي في رضاه
إنكان في راسك علوماً ففي راسي علوم
وايّامنا ما يختلِط ليلها ونهارها
بدع / عبدالله غرم الله :
من عاش عالتّعبه وله جسمٌ امن الشّر قصيل
بالله قُللي يالطبيب المعالج وش تراه
انكان جُرحه مايفيده ضماد ولا لزوم
يبقى على وضعه وحالته في مضمارها
رد / حسن الدوسي :
يقول ابو احمد خُذت لي خيل ومن الشّرق اصيل
حرام يا راعي الخطل ما تمدّح واشتراه
خيلٌ مدرّب والرّسن صار في كفّي لزوم
شديد يتغلّب على الخيل في مضمارها
بدع / عبدالله غرم الله :
انت الذي تبدي في الحرب وتخيل بخيل
وفارس" تقدم وقبلك دروب اميسّراه
ويوم يصبح في نهار اللقاء طيحاً وقوم
في ايديك رسمة خِطّة المعركة وديارها
رد / حسن الدوسي :
حِنّا دول زهران ما بيننا خِطلٌ بخيل
وإنحن حمينا دورنا من تهامه للسّراه
نِقدر نرُدّ الخاصمي لا عدى قومٌ بقوم
حتى القبايل نِعرِف ارجالها وديرها
بدع / عبدالله غرم الله :
سمحات لو تمضي الطريق الطويل بلا دليل
تخاف مالنّمر الذي في المحرّز وإشبلاه
يسري على قِعدانها في الليالي اللي ظلوم
ويعتدي ويثنّي ارقابها وظهارها
رد / حسن الدوسي :
بعض العرب يحسب بلاد النّهار بِلاد ليل
ضيّع حِساباته ولا عاد ندري وش بلاه
حِنّا رِجال الدّين ما نقبل القلب الظّلوم
وكِلمة الحق نرجي إعلانها وإظهارها
بدع / عبدالله غرم الله :
ما جاء علومٌ عن هل الوِدّ وإلاّ جاء رسيل
ما هِلاّ نتقصّى ونسمع من الناس الرُّواه
اصحابنا نرجي ونرقب لهم يوم ليوم
وعندهم ذيك المعاريف نلقى اثمارها
رد / حسن الدوسي :
يا ناويٌ من بعد ما ناض برقه جار سيل
سقّى ديار التِّهم ما وادي إلاّ قِد رواه
ياكم عقوماً في طريقه يلايمها ليوم
واشجار من بعده بدى طلعها وثمارها
بدع / عبدالله غرم الله :
ماني على ذرية أدم محامي ولا وكيل
لكن لي قلبٌ نظيفٌ ويغلي من غلاه
أصفا من العِدّ الزُّلالي ومن هبّ النّسوم
وابلغ من شمسٌ واضحٌ نورها واسفارها
رد / حسن الدوسي :
شريت موتر وارد المان من عند الوكيل
مرسدس غالي السّعر ما حد يسومه من غلاه
ما همّني صرف الدّراهم وللغالي نسوم
ودّي يساعدني على تالحياه واسفارها
--

* محاورة 5 ( حسن الدوسي ، عبدالله غرم الله ) 20/7/1424هـ :


بدع / حسن الدوسي :
انصحك جنّب عالخطوره وعالسّافي
وكُلّ جاهِل مالخلايق عسى يفهم
واللي مصمّم عالجهاله عسى يفنا
ما ينقِذٌه مالموت دِرعه معا سيفه
رد / عبدالله غرم الله :
قبل الذي عادو رمايه وعسافي
نعسف بهم حتين يلقو عسايفهم
واللي عرفنا يحتذر من عسايفنا
ويدري انا ماحسبنا معاسيفه
بدع / حسن الدوسي :
مالي عن المعنى مِصِدّه ومصيافي
يوم البعض مالنّاس بانت مصايفهم
لا حد يقول إنّا ابتعدنا وصيّفنا
وإنّ القدم راحت عن الدّرب ومصيفه
رد / عبدالله غرم الله :
صيفت انا في المملكه عز مصيافي
مارحت لأوربا ولاابغي مصايفهم
ماابها الى الباحه درجنا وصيفنا
والكل يتفاخر بديرته ومصيفه
بدع / حسن الدوسي :
جِبنا لضيفان البلد مالبُنّ الصّافي
ضيفاني افديهُم بعُمري واناصِفهُم
واللي يواسينا بعُمره ونصّفنا
نقدِّرُه من قيس فِعله وتنصيفه
رد / عبدالله غرم الله :
لو كنت قاضي لأقسم المال بأنصافي
وارضي الخلايق من بعضهم واناصفهم
ويكون قسّمنا الفوايد ونصّفنا
وكل واحد خِذ نصيبه وتنصيفه
بدع / حسن الدوسي :
تاريخنا صفحاته اجداد ونظافي
وابصِر شباب المملكة في وظايفهُم
ضيٌّ تزوّد بالكهارب وضيّ افنا
وانوار تِكشِف ظُلمة الليل ونظيفه
رد / عبدالله غرم الله :
بااضيف في دار الاجاويد وانضافي
وافرح بضيفاني ببيتي واضايفهم
ومن سمان الجلب نذبح وضيفنا
ونعطي الماجوب للضيف وانضيفه
بدع / حسن الدوسي :
يا حيّ لي عقد الشّراكه والأحلافي
حِلف الوفاء والسّعد ماهو حلايف همّ
إنحن حمينا مالخطوره حلايفنا
يوم البعض ما يحفظ الجار وحليفه
رد / عبدالله غرم الله :
الشرع يحكم باالشهاده والاحلافي
واهل السوابق مايثق في حلايفهم
وانحن صدقنا ياحسن في حلايفنا
وولدنا ماخان مبداه و حليفه
بدع / حسن الدوسي :
يا ربّ تكفينا الخوافي وسوّ لافي
اهل السّلف والدّين تقضا سوالفهم
يا صاحبي ودّي تسدّد سوالفنا
ما تدري إن الكفو يقضي سواليفه
رد / عبدالله غرم الله :
اسمع لمن يصغي لقولي وسولافي
واحباب قلبي شوقتني سوالفهم
اذا اجتمعنا عالموده وسولفنا
من ياتهرج مابنقطع سواليفه


* قصائد على لون ( الزمل ) المسيرات :


بدع / عبدالله غرم الله : 3/8/1424هـ
حيّرني صاحبي في ذا الزمن بين كذبه والصديق
ان دعيتوه في زحمه حصل في وعوده لي اختلافي
يقول انه شقيّ ومنجرح خاطره وانا بعيد
وهو يدري إنّ في درب الوفاء لي مسار ولي خطيّه
يوم يصبح ويمسي للعلوم الوفيّه فيرضاه
عاش قلبه عليل وله همومٌ وبه حزنٌ تكبّر
وانا ماضاق صدري من فراقه ولاني بنادمي
رد / حسن الدوسي :
آبو احمد يقول القلب تعبان من ظُلم الصّديق
الصّديق الذي في تالي والوقت عوّد بإختلافي
وانا كُنت احسِبُه مضمون في قبضتي وانابع ايد
اليومه قام يتهمني بتُهمه وانا مالي خطيّه
كملي اجاوبه بالصّوت لبيّه وامشي في رِضاه
واليومه صار يتكبّر ولا ادري على ويش التّكبُّر ؟
الكِبِر ماهو بثوبك ولا هو بلك يا ابن آدمي
--
بدع / عبدالله غرم الله :
ياسلامي عليكم عد ناوي وبرق" ليمعان
اكبر من نيس واثقل من جبال الحجاز ومن جبل حد
قلتها قدر قيف" ماتربا ولدهم في دنى
كلهم يكسبون المدح والفايده شايب وشابي
واللي ياجي يعاندهم يذوق العذاب ومن دمه
يوم يصبح نهار الجمع حجه وشدات" تقدم
الشيم والشجاعه والمواجيب دوس ارقابها
رد / حسن الدوسي :
اهلا يا مرحبا يالصّاحب اللي برُشده لي معان
مثل شامان يجلي الضّيم وقت الملاقا منجِ بالحدّ
سيف ما جاء منه تقصير ما دام ثابت في ايدنا
ما تغيّر مع الأيام دايم وهو حدٌّ وشابي
يصرع اللي يدوّر للخطيّه ويروى من دمه
وإن هوى عالمخالف كُلّ جرحٌ يضللي ينتق الدّم
الله يا كم جيوشاً فالملاقا يدوس رقابها
--




* قصائد على لون ( اللعب ) المجالسي :


بدع / عبدالله غرم الله :
يا وادي الوقت ما يروي الضما وشح صلّك
كم منك ضاقت قلوب وكم مرض من كبادي
متى بتصفى في المنهال يا ماء ويا ماء
ومواردك ما يجي فيها شحاحه وناشوف
لجل إنّ كُلاًّ يقول عايش على ماء مضوّل
من غير وصفه من المُختصّ والدّكتراني
رد / حسن الدوسي :
يا صاحب الوِدّ في هذا الزّمن وش حصل لك ؟
والله لعذّبتني وابصِر بدى منك بادي
ما بقدر اعدِّد الأغلاط ياما وياما
وشلون تبغى تضيّعني طريقي وانا اشوف
لكنّ ابنصحك لا تنسى زمانٌ مضى اوّل
إنكان ودّك تشاهدني وودّك تراني
--
بدع/ عبدالله غرم الله :
تعيش يا سيفنا البتار بالماس محلي
يا حدّنا الشابي اللي فالمواقف نِصِلّك
مجار ما تنثِلِم وإلاّ يكون ابتعدنا
ولا تغيّرت في مضمون شكلك وصدّيت
ولا يكون ضربتك فالملتقا ما تبينا
رد / حسن الدوسي :
لا بارك الله فالوقت الذي ما سمح لي
وازاورك يالحبيّب في مكانك واصل لك
والله لراحت بنا ايّام الشّقا وابتعدنا
واليوم اشوفك تبعّد عن طريقي وصدّيت
مدري تسوّي دلع وإلاّ يكُن ما تبينا
--

* المحاورة 8 ( عبدالله غرم الله الطفيلي ، حسن الدوسي ) 19-12-1425هـ منتدى نخبة المثقفين :


بدع/ عبدالله غرم الله :
يامرحبا عد قصف الطائرات الرجافات
اللي في المعركه كم ذوقت من عدا مر
صناعة الروس مافيها علامات خله
تقدر تقصر جبال القهر وتزيد حزنا
رد / حسن الدوسي :
لك البقا يا مرحِّب لا تقول الرّجاء فات
حسب الطلب جيت وانا عارفٌ مِن عد آمُر
مانا بمِثل الذي فأرض العُلا مات خِلّه
سِنينه القُشر تِتولاّه وتزيد حُزنا
البدع/ عبدالله غرم الله :
ياما في المحكمه مِن مُشكِله وإدّعايات
وحُكمها مأصدروه اهل القضا والنّواظِر
كم قلب مظلوم يتصللى على جمر كُلّه
يقلون ماهمّنا ضيقه وما كلّفنّا
رد / حسن الدوسي :
والله ما ظيّعونا اهل الحكي والدّعايات
دام الحقايق تِشاهِدها العيون النّواظِر
يا ليت صُنع الغشش ما صدّروا جمركٌ له
مِن بعد ورّد في اسواق الغلا كُلّ فنّا
بدع/ عبدالله غرم الله :
معيني اصدِّق اصحاب العلوم الوخيمات
والبعض منهم مِن اسواق الرّخاصات صابر
واللي بخيلٌ وما رحّب بظيفه وهلّه
إذا نوينا نصله الديره وين انتعنا
رد / حسن الدوسي :
يا صاحبي ما انتظرنا مِنك هِدمه وخيمات
السّيل روّح وانا آراقِب دقوله وصابِر
سرى على دورنا مِن ناوي ابرق وهلّه
بِتنا نِصارع هجومه ، وانت وين انت عنّا ؟
البدع/ عبدالله غرم الله :
من عندكم يا اهل صنعا قد قطعنا على قات
مايتهرب ونور الحق والعدل سافر
من دونكم حد دوله راسخٌ مايتله
وقوةٌ تردع اللي خان والا يجينا
رد / حسن الدوسي :
إنحن حفظنا العهود ولا قطعنا العلاقات
حتّى لو آغيب عن دار الحُبيّب واسافر
الصّاحب اللي فوادي بالهوى مايتٌ له
امّا نجي ديرته ذالعام وإلاّ يجينا
بدع/ عبدالله غرم الله :
عيون راعي البخُل في نظرت الدّم شقيّات
ماهو بجيّد لنكتُب سيرته في دفاتر
في منزِله من نوى ياجيه وإلاّ يصِل له
مأظُنّ يلقى تراحيبٌ طوالٌ تثنّا
رد / حسن الدوسي :
ما يِفصِل الموقِف إلاّ ضربة الدّمشقيّات
سيوف ما يستعِزّ نِصابها فيد فاتِر
وسيف ابو عشره وإن ريته حديد ويصِلّه
يا مسرعه ياتثلّم مالثّرى ويتثنّى
البدع/ عبدالله غرم الله :
الكاهِن اللي على راسه تجمّع عصابات
ويقول تمر الحساء زانت عذوقه وتامر
والكُلّ يدري انّ له وقتٌ تعدى وزلّه
في كِلمته ماظهر حِكمه وما صار معنى
رد / حسن الدوسي :
يا ربّ فرِّق صفوف المُعتدين العِصابات
انت الإله المعظّم وانت تنهي وتآمر
نطلُبك هُدّ الذي ينوي بفِتنه وزلّه
واكتُب لنا النّصر والقوّه لمن سار معنا
بدع/ عبدالله غرم الله :
ياوِجد روحي على اللي ناظره كلّ شيفات
وماحدٌ قدّره يوم طال عُمره وكابر
مِن بعد ماكان يِتنقّل سيوفٌ تسلّه
اليوم عانى عذاب القلب والروح عنّى
رد / حسن الدوسي :
لا عاد تبكي وتتوجّد ترى كُلّ شي فات
يامن تغلّى على اصحاب المودّه وكابر
بحُرقة الغبن ، وبنار المفارق تسلّه
دوِّر على غيرنا ، ومِن البلد روح عنّا
بدع/ عبدالله غرم الله :
في مصرف الراجحي اموالنا فالحرازات
من يوم نحتاجها ناجي وهي فالحواضر
يا مِن تمنّى ترابِح به ويا طامحٌ له
افتح حسابات به مادام قبله شرعنا
رد / حسن الدوسي :
هذي السّنه هِبت لي بيتٌ ب ( حيّ الحرازات )
متميّزٌ بالعمل بين البدو والحواضر
اللاش تنقصّ ساقه قبل ياطئ محلّه
والكفو نِكرِمه ، والمجلِس مِن اجلُه شرعنا
بدع/ عبدالله غرم الله :
ياالله تلطُف بنا لحظات ياجي منيّات
يوم تنزع الرّوح والأعظام تغدي جزائر
والجِسم تحت اللحد يتقرّر اصله وفصله
عطاك ياخالقي مافيه عنّا ومنّا
رد / حسن الدوسي :
نعمين يا شاعرٌ ما قُلت ميده من ايّات ؟
ولا نسبناه لأرض الهِند وإلاّ الجزائر
هذا ابن غُرم الله ونعم ، نعرِف اصله وفصله
مِن بالطُّفيل الإسم ، والأصل والفصل مِنّا
البدع/ عبدالله غرم الله
لي فالقصائد دروس وفالحِكم منهجِيّات
مثيل نسف البروق ومِثل ضرب المعابِر
احِلّ الالغاز والاشوار والرّاي احِلّه
ماعاش قلبي عليل وخاطري مات ونّا
رد / حسن الدوسي :
يقول ابو احمد طريق الخير لي مِنه جيّات
اسير والسّاق ما يغوى الدّروب المعابِر
والصّاحب إلى دعا وقت الطّلب رايحٌ لّه
اواصِل السّير لجله والقدم ما تونّا
--

بدع / حسن الدوسي : 24/1/1426هـ
يا عبدالله لو ندرِّج في بِلاد الله وابنعمّ
حرّم الله ما بنلقى لك شبه ، ولا بنلقى امثالك
انت مِثل الجُرج سِعره زاد في كُلّ البنادري
وانت مِثل البدر في وسط السّماء زهران
وانا ما بأقولها يا صاحبي مِتنصِّحٌ وفضولي
قُل : عسى الله توقد النّيران بثياب الفضوليه
رد / عبدالله غرم الله :
مرحبا بك يا حسن وانا وياك اخوان وابني عم
نهجنا واحد وبيت المعرفه في امثالنا ومثالك
من شمال المملكه لجنوبها كلٌ بنا دري
والعوايد والمذاهب طبعنا يا داعية زهران
والذي من وقتهم معطوك لحظه لا تقول افضوا لي
انا كم حاولت قبلك من سنين ولا فضوا ليه
--
بدع / حسن الدوسي :
دام خيل السّبق موجود وقت الطّلب ومسرّجى
والمهنّد شبيّ الحدّ في قبضتي يومن وليله
بأتقدّم على الخصّام واغدي عِظامه فاتفات
يا بحر ما تخوّفني ولو بك هبوب ، وبك رِياجي
قبلك الفارِس الهمّام للمُعضِلات اولاي امر
اقدِر آخوض مايك ، وإن صدفني مصاعِب مأتوقفا
ليش اوقِّف وانا جهّزت خيل النّجاء واراسِنه ؟ !
والخيول الأصيله يِتِّضِح خيرها في غيرها
الرد/ عبدالله غرم الله
الصديق الذي ماعاد في شوفتي يلمس رجا
كم تعنيت لجله ماتونيت في يومٌ وليله
واليوم انشد عن اخباره وكلٌ يقول لي فات فات
وانا عايش على اعصابي واقول يمكن انه بكره ياجي
ولا يرسل لنا مكتوب فيه الخبر ولا يمر
في بعض الوقت اقول كنه رحل ماالوجود ومات وقفا
مادام ماعد يواصلني يكون من سنه ورا سنه
صحبته لو نسيتوها عسى خيرها في غيرها
--


بدع / حسن الدوسي :
مِن يقول التِّهِم مضمون مالعِلّه ولا فيه داب
ليته ايشاهِد الملقوص ذا فأرض التِّهِم ونّ صايح
يوم ربّي كتب له والقدم وطّاه مأطا عنأ
التقاه الحنش وبِلدغةٌ متوحِّده بتّ صُله
ليت ذاك الفتى مأندر إلى ارض التِّهم بأعماد ليل
لو تريّح وسلّم قادمه مِن ذالنّشب يابه واحمد
كان مأمون في بيته مبين الغرس والحقّله
الرد/ عبدالله غرم الله
الرفيق الذي مغرور متكبر ولا فيه ادب
كم نصحناه يتعلم ولكن مايفيد النصايح
ووجهناه لدروب اليسر لكن ما طاعنا
الذي مايقدر لا يكلمني ولا باتصل به
مادام انه يدور للفتن والشر واعما دليل
وان كان انه صدق في كل ماقد صار له ياابو احمد
خلنا ننتظر حتى يبين ويظهر الحق له
--


بدع / حسن الدوسي :
هب لنا يالشّيخ عبدالله ( جُرابه ) مِن نّواتِج نيس
مِن حُبوب البُرّ وإلاّ مِن هبور الرّازقي واشكاره
عِدنكم في ( نيس ) جاد المزرع الطّيّب ورى عِيمال
الغروس المُثمِره ما جاء لها مالإنس والجُن سيّه
والمُزارِع يِبذِل المجهود ما بيقص بطاقته
وانا بأهدي لك هديّه ماتصوّرها ولا تتوقّع
لو بيُهجُد راعي الصّجّه ، ولو راق المزوّره
الر/ عبدالله غرم الله :
لازم ندرس أمر من قدم طلب ولا نوى التجنيس
ان كان انه رجل مخلص للوطن واجب علينا اشكاره
حتى لو ماهو بصاحب منصبٌ عالي وراعي مال
والعماله بعضهم جهّز ملفه يبغي الجنسيه
واللي يتقّدم ويلغي ( فيزته ) بيقص بطاقته
وانحن يلزمنا ندقِّق قبل ماتصدر وما تتوقّع
ونحذِّر من خيانتهم والأوراق المزوره
--

بدع / حسن الدوسي : 1416هـ
قال ابو بسمه نويت اشري من الأسواق بُن وهيل
ادري إنّه ما ورد في مُحكم الآيات عالبُنّ آيه
غير ودّي نطعِم البُنّ الذي صافي بنابنا
بالله يا عبدالله انصحني وش آخُذ لي من ايّ البُنّا
خلّ بعض الناس ما ذِب تطعِم القهوه بنابها
رد / عبدالله مرزوق :
قُلت اببني لي قصر لكنّ ودّي ابنيه بنو هيل
واعتمدت على المُهندِس قُلت يشرف لي على البنّايه
لجل ما كُلاًّ خبير ولجل ما كُلاًّ بنا بنا
واختلفت انا ويا ذاك المهندس بعد ضاق البنّا
ثُمّ عوّد هدّ ذيكاي الحُجرا اللي بنى بها
--
بدع / حسن الدوسي :
يالله يا ربٌّ جعلت السّيل يتحدّر بماء نقول
لأنحدر ذالسّيل مايه يوقِف اللي عاجلٌ والفاضي
والرّعايا ما يجيها مِنه خِلّه لا وقوا لها
سال ذاك السّيل فارض الله واسقى كُلّ منطِقه
رد / عبدالله مرزوق :
انا وِدّي النّاس يالأصحاب تتحدّث بما نقول
لجل ذلك لازم آرتِّب كلامي وانتقي الألفاضي
والقصايد لازم آحكِّم معانيها وقولها
لنّ كُلاًّ ينعرِف قدره على مِقدار منطِقه
--



- محاورة 1 ( حسن الدوسي ، عبدالله مرزوق ) 8/4/1424هـ جدة :



بدع / حسن الدوسي
سلام والمعرِفه تصلُح مع البدع والرّد
سلام يا مِكرِم الضّيفان حضرٌ وبِدوان
الشيّخ عبدالله بن مرزوق معروف ونعِم
حكيم لا ضاعت الأشوار يأمر قبيله
رد / عبدالله مرزوق
يا مرحبا والقصايد ليلها دوب ورّد
يا شاعرٌ له مواقيفٌ بحضرٌ وبدوان
ما بأشتكي الفقر وآنا اعيش في خير ونِعم
ومال راعي البُخُل ما قُلت يامرقبي له
بدع / حسن الدوسي
الليله بأهرِج وبأقصِّد معك وانت قصِّد
نبغي علوماً تجمِّل بين حجزٌ وتُهمان
وبعد نودّي الخبر والعِلم إلى حجز واتهِم
يا شاعرٌ يحفظ التّعليم والدّين جِيله
رد / عبدالله مرزوق
ما ودّي أنشُد عن اللي مُبتعِد وانتقى الصّد
كُلٌ على نيّته ما فيه ظنّه وتُهمان
واصحابنا اللي الظّروف القاسيه حجزوتهُم
ما وافقونا على اللي قُلت ودّي نجيله
بدع / حسن الدوسي
انا عن اصحابنا الوافين ياما آتنشّد
غيّبت لكنّ ما حصّلت عُذرٌ وسُمحان
ضمّتني الهِجره وانا اشكي المتاعِب مع الضّم
مدري متى ينتهي ذالشّر ومتى نحيله
رد / عبدالله مرزوق
ليت الجمل يحمِل الأثقال إلى ماتن الشّد
وليتها ما تضيع الوهمه فالعود سمحان
في ظنّي إنّ الجمل في كُلّ موقِف معظّم
يساعدُه قلبه العزّام وامتان حيله
بدع / حسن الدوسي
اهل الفِتن وبسيوف المُشكِله داروا الحدّ
من بعد سوّوا لها سلّه وقُلّه وحُدّان
يالشيخ عبدالله إذا تِعرِف وعِندك دوى الهمّ
عجِّل ترى سار في قلبي هموماً مهيله
رد / عبدالله مرزوق
قُل للذي يحتمون حدودنا داروا الحدّ
ما دام للحُكم تشريعٌ وللدوله حُدّان
واهل الكُفُر نشتكي زود الغبُن مِن دُولهُم
وراعي الطّمعه يتمنّى ديارٌ مهي له
بدع / حسن الدوسي
اعلامنا واضحه من غير كاتِب وشاهِد
والمخُطيه مالنا فيها مسيراً وعُمدان
حُبّك سكن فالفواد وسار في مُنتهى الدّم
يالصّاحِب اللي في الأعلام ورّد مثيله
رد / عبدالله مرزوق
عن ما حصل فالجزائر كم لي اسمه واشاهِد
مِن الزّلازِل تهدّم كُلّ جدرٌ وعُمدان
وماتوا الأبرياء في كُلّ بيتٌ تهدّم
وكُلّ ما ينتهي زِلزال ورّد مثيله
بدع / حسن الدوسي
إنحن حفظنا ورود أعلامنا والعوايد
يُوم جاء لنا في مجال الشِّعِر جوله وسيحان
نعمين يالصّاحب اللي مِنك اثير العزايم
كلامك احلى مِن الصِّفري ودار العُسيله
رد / عبدالله مرزوق
زهران زهران ربعي أهل الكرم والعوايد
وعِزوتي حزّة الزّحمه رجاجيل سيحان
ولا نخاف الفقُر من بعد كُثر الزايم
تشهد لنا الدّار والسُّنّه وادر العُسيلة
--


- محاورة 2 ( حسن الدوسي ، عبدالله مرزوق ) 9/4/1424هـ جدة :



بدع / حسن الدوسي
عِندنا للضيف هيلٌ وبِن سعود
وبعد يلقى ضيافه ومكرمات
عِلمنا يمضي كما الشّابي آبو فيصل
ناتقدّم للمعالي بِلا دنئ
رد / عبدالله مرزوق :
في ولاية ربّنا ثُمّ إبن سعو د
ليت من ينوي المشاكِل ومكر مات
وآهل الإرهاب لو ضايقوا بو فيصل
دمّهُم يُهدر وتُعمر بِلادنا
بدع / حسن الدوسي
والنِّعم يا سيف شابي وله حدود
الذي يخطي علينا يرى علقات
كيف تدعينا نهار اللقاء ما نِقبِل !
إلاّ نِقبِل بالمرازِق وهيلنا
رد / عبدالله مرزوق :
قُلّ لِمن يحمي المنافِذ على الحدود
يردعون اهل المشاكِل وراعي القات
وقُلّ لِمن يرسُم حدودارضنا ما نِقبل
لا يغيّر حدّ ديره وهي لنا
بدع / حسن الدوسي
جاء لنا في ذالزّمن مكسبٌ وفود
ما لنا في سِكِّة الشّر ولجيّات
الدّروب الغانِمه تُنشرا وتُفضّل
واينِحِن نحمي شرفنا وجاهنا
رد / عبدالله مرزوق :
عِند شيخٌ يكرِم الضّيف والوفود
يا ربّي تِسعِده فأيّامه الجيّات
حِن يجيه الضّيف قال ارحبوا وتفضّل
ضيفنا نِكرِمه ما دام جاء هِنا
بدع / حسن الدوسي
في ديار اهل الكرم والوفاء بأرود
ما بأحسّب للمخاطِر وجور اميات
ما اندوش فِكري ولا قُلت لك ويش اعمل ؟
كم تقدّمنا بعِلمٌ وقُلت انا
رد / عبدالله مرزوق :
ندّرِق عالشّمس في فيّة البارود
روسنا تقوى رُصاصٌ وجور رميات
وإن رمينا الخصم بمنيمسي إيشعمل
شبّت ارض الله مِن جور قلتنا
بدع / حسن الدوسي
كم بدينا مِن جُبالٌ وكُمح سود
والزّهر ما ضاق مالقطف والشّمّات
الطريق اللي ملوّى بعد يتعدّل
ما شكينا مِن خطورة وبئ عناء
رد / عبدالله مرزوق :
صادِق النِّيات ما ضدّه الحسود
ما تضايق من هل اللوم والشّمّات
وانا حظّي لو تمايل بعد يتعدّل
ما نبيع اللي تركنا وباعنا
بدع / حسن الدوسي
الله العالِم عن الغايه القصود
سُبحانه يدري عن القُرب والفيّات
وإنت يا عبدالله صاحِب وفي وانت اوّل
صاحبٌ وقت الخطوره يجيبنا
رد / عبدالله مرزوق :
بأشتري بالنقد ماهو على المقصود
مُرسِدِس ماهو ونيتٌ ولا فيات
ما تضايق مِن كثير الحِمِل وإن توّل
لا تقُل فوق الخطور يجي بِناء
--

بدع / حسن الدوسي
آبو احمد يقول الوقت دوّار والدُّنيا تلُفّ
مسرع الوقت دار وغيّر الوضع مِن حالٌ لحاله
الزّمان اختلف واللي مِن اوّل بعيدٌ جاء هِنا
والذي كان له فيما تقدّم طلوعٌ وإنتداري
ضيّع العُمر والمال الذي كان في ولفا يِده
ليت وإنّه خِذ الدُّنيا بحسب الظّروف وعالمهايل
ما يكُن ضاع عُمره بالخساره وماله ضيّعه
--
رد/ عبدالله مرزوق :
كيف تبغيني اتندّم على شيّ فالدُّنيا تلف
ما دريت إنّ كُلٌّ لا هيا فالقبُر يمسي لحاله
نِرخِص المال للصُّدقان والشّيمه تحمى جاهنا
والحسد ما بنا للي حسودي عماير وإنت داري
والذي صادِق النّيّه يفيد المُدُح والفايده
كيف تجبُرني آذيع السّراير وعِلمك عِلم هايل
مِثل مِن يشغِل العُربان ما دام ما له ضيّعة
--



- محاورة 3 ( حسن الدوسي وعبدالله بن مرزوق ) 22/5/1424هـ جدة :



بدع / حسن الدوسي ( أبو أحمد ) :
يالله لا عرّضتنا للمشاكل وافتنا
مالنا في سِكّة الشّر خطره واشنقول
آني اشكُر خالقي طول وقتي يابه واحمد
وطريق الخير بنوضّحُه ونعلِّمُه
رد / عبدالله بن مرزوق ( أبو سامر ) :
بالله يا قاضي الشّريعه تجمّل وافتنا
لا تحكّم فأمرنا مِثل سامر وش نقول
تكفى تحكُم بيننا واظهِر الحق يا بو احمد
والذي غلطان مِنّا دخيلك علِّمُه
بدع / حسن الدوسي :
نِعرِف اللي في طريق الخطأ مأوّل دنا
وانا ما سيّرت في مِتلفه وادراج هول
انا ماني جاهِل اعرِف وش امّر وش آهُد
ما ندوّر للهدد وإنتقاض المحكمه
رد / عبدالله بن مرزوق :
انا ما ودّي العقوبه تجي من ولدنا
واني ادرى هرجة اهل الحسد وادرى جهول
يا ولدنا هات للحُجّه بُرهانٌ وشاهِد
وانت خصم ومُدّعي وانت قاضي المحكمة
بدع / حسن الدوسي :
آبو احمد قال نبني المثل مِن جِدّنا
خُذت لي بُشتٌ حساوي مكلّف وامغزول
والله إنّا نِعرِف اهل التّقدُّم والعوايد
والذي يخطي علينا شِرِبنا مِن دمه
رد / عبدالله بن مرزوق :
كيف تبغينا نضيّع عوايد جدّنا
ما اعترِض عالشّرع لكنّ ماني بأمغزول
وانت تدري العرضه اصل التُّراث ومالعوايد
مندم اللي يبتِعِد عن تُراثه مندمه
--


بدع / حسن الدوسي : 4/12/1424هـ جدة – الحرازات
يا عبدالله يإبن مرزوق افتنا يالشّاعِر النّجيب
انت شاعِر لك مكانه بين سُكّان السّرا وتهامه
والحذر لا تِعتِذر ما نقبل المِعذار والتأخير
افتنا عن حاكِمٌ عشّ الرّعيّه في وِلايتُه
بعدما دسّ الدّراهِم والمكاسِب عن هذاك وذُلاّ
القضيّه واضِحه وانته وانا نِقدِر نِحِلّها
--
رد / عبدالله بن مرزوق :
مرحبا واهلا وسهلا والذي يسأل نِحِن نجيب
غير تكفى يا طويل العُمر مبغي ظِنّةٌ وتهامه
كُلّ ما جدّت علومٌ قُلت يالله اغننا بخير
بالله اسمع عِلم شاعِر ما فقد عقله ولا يتُه
الحاكِم دسّ الدّراهِم للزّمان وعالفقُر والذُّلاّ
والمذاهِب لو يضيّعها الخِطِل قُلنا نِحِن لها
--


- محاورة ( حسن الدوسي ، عبدالله مرزوق ) 4/12/1424هـ جدة – الحرازات :



بدع / حسن الدوسي :
قال ابو احمد ما نويت آبدّل الاقصى بالأدنى
وانا ما قُلت انتهى وقت الزِّياره والمساء فات
يا إبن عمّي ما يجي مِنّا تجنُّب والهويّه
ادعنا وابشِر بنا لا صار نشبه والزماني
رد / عبدالله بن مرزوق :
مسلمين موحّدين القُدس والأقصى بلدنا
ما بننسى القُدس والأقصى معا بُعد المسافات
الهويّه إسلامنا يا من تنشّد عالهويّة
نِفتخِر بإسلامنا ذالوقت وإلاّ اوّل زماني
بدع / حسن الدوسي :
نرقُب ايّام الفرح والسّعد دايم وانتمنّا
ما درينا بالخوافي غير نِتمنّا مُنيّات
وانا ما بأصاحب الخاين ولا روح اهوجيّه
اصحب اللي يكرِم الخاطر وزاده مودماني
رد / عبدالله بن مرزوق :
انا مِنكُم يا حسن يا ولد عمّي وانت مِنّا
الحذر لا تِنكِر الصُّحبه وتنشُدني مِن ايّات
عذّبتني الهِجره والايّام في روحه وجيّه
وانت ما تدري وشنهي نيّتي يا مودماني
بدع / حسن الدوسي :
انت يا عبدالله وِنعِم وانت تِعرِف كُلّ فنّا
غير وِش حصّلت وِش مكسبك مِِن صُحبة بني هات ؟ !
البُضاع الطّيّبه ما صدّروها الجمركيّه
والورق مأمون عِند المُدّعى والحِبر اماني
رد / عبدالله بن مرزوق :
عذّبوني اهل الحِسِد والحُبّ واهله كلّفنّا
يالله إنّي اظهِر هُروجي واتلي الزّفره بنيهات
اثر قلبي جاه مِن نار الهوى والجمر كيّه
حسبي الله عالذي بين البشر بالحُب رماني
بدع / حسن الدوسي :
محسنك يا بو كفوف منقّشه لايمت حِنّا
ليتك ما تفضح خبرنا للبشر وتستِّر اشمات
لا تقافا هِرجتي تكفى ترُدّ الجاه إليّه
مدري اتدوِّر على الصُّحبات وإلاّ عِلم ثاني
رد / عبدالله بن مرزوق :
ليت مِن ينوي المشاكِل بالفِتن لا يمتحِنّا
قبل ما ياجيه مِنّا فالمُلاقا سِتّ رشمات
إنحِن في عصر التّقدُّم ما نِحِن فالجاهليّه
شُغل باتريوت ماهو بالمحزّم عالمثاني
--



بدع / حسن الدوسي : 14/2/1426هـ حفل ضباط الجوازات :
يالله يا قاسِم الأرزاق بين البداوه والحضور
يا معلّي السماء ومثبِّت الأرض بجبالٌ مناصِب
اكفنا مِن شرور الوقت يا ربّنا وإلاهنا
الدُّنيا طبعها غدّار يا كم شجيعٌ عزّرت به
والفِتن والمصايب كُلّ يوماً وهي تنجُم نجُوم
وانت يا كُلّ مؤمن راقِب الله واسجُد له وصلّه
لا تضيّع حياتك بالعمل والزِّراعه والمدير
إنحن يا كم لنا نُدرُج في الأرض بين الناس ونعُمّ
ما لقينا لمِن فارق حياته وميّت ترقيه
ملك الموت لا حوّل لروحٍ محِمّ ادنى لها
--
رد / عبدالله مرزوق :
يا سلامي على اصحاب العزيمه ، واسلِّم ع الحضور
يا سلامي لكُم يأصحاب الأخلاق ، وأصحاب المناصِب
إنحن لو كان ماهو قدركُم ما وصلنا إلى هِنا
واترُك اللاش ما ينفعك لو رُتبته مِن عزّ رُتبه
ميزة الرّجل بالأخلاق ماهي بِتيجان ونجوم
والبطل مأختلف مذهبه في كُلّ منصب لا وصل لّه
حتّى لو كان عُيّن للوزاره ، ولو عُيّن مُدير
والله إنّي افتخِر واعتزّ وافرح بمِن جيّد وونعِم
كُلّما قيل زهراني تعلاّ ، وجاء له ترقيه
والرِّتب ، والوجاهه ، والمناصِب محمد نالها
--

* محاورة ( حسن الدوسي ، علي البيضاني 10/9/1422هـ - منتدى الديرة ) :



بدع / حسن الدوسي :
يقول أبو أحمد قرّت أسواقنا واقترّ بيع
وكُلّ تاجر يحكُم السّوق لا جاء راس مال
انا ابتعد عالظُّلم وابعِد بروحي لأتّهِم
وكُلّ عِلمٌ قِد نزل في فوادي لأحسبه
رد / علي البيضاني :
كرهت حتا بيتنا يوم جاء وقت الربيع
من قوت الاعصار مال البدن والراس مال
باشد من بيضان واشرد بروحي للتهم
اما بوادي ريم و الى فوادي لحسبه
بدع / حسن الدوسي :
يا لشـيخ أبو فيصل نهار الشِّتاء مرّا سريع
وانا بغيت اهـرِج واقصِّد معك من هلج بال
والله يجنّبنا الدّروب المظالِم والعتم
طريقنا واضـح وبين العرب وش عيّبه
رد / علي البيضاني :
علي يقل لا ضاق صدري بدى من راس ريـع
فلا يكحل عيني إلاّ الطبيعة والجبال
شوّقتني يا ضِلع بيضاني بأشجار العُتُم
ضِلعٌ يشوّقنا بزين الشّجر وشعيّبه
بدع / حسن الدوسي :
في ديرة الشِّدوان وبلادها يا بُن منيع
ممنوع مالخِلّه ومحفوظ له مالنّاس وال
يا جاهلٌ بالبُنّ الأخضـر تعلّم وافتهِم
قُدّام تتسوّاه في دلّةٌ وتشـوربه
رد / علي البيضاني :
اللي بغى فتوى في البيع ينشد بن منيع
تخصُّصه فالبيـع للي معه مِنّا سؤال
واللي لهُم حيله في البيـع ياشـيخ افتهم
فالناس تسمع شور فتواك يوم اتشوربه
بدع / حسن الدوسي :
إنحن لنا في سِكّة المجد قِسمٌ واقتطيع
ولا شــكينا قُصرة الساق وإبطال الرِّجال
إلى تكلّمنا نورّد في الدوله حِكــم
راياتنا في كُلّ عِلمٌ يشـرّف منصبه
رد / علي البيضاني :
طاعت ولي الامر ما هي بعيبآ وقت اطيـع
وصّى بها رب السّماوات لأبطال الـرجال
والفهد هـو روح الجزيرة وفي الدوله حكم
حكم بشـرع الله وحكـمه يشـرف منـصبه
بدع / حسن الدوسي :
يقول أبو أحمد مافي إبلادنا ضامي وجيع
أمنٌ وامان ونهضة العِلم وعمـــــــــارٌ تعال
وانا اشكُر الخلاّق ربٌ كريم وذا قسـم
يوم الحسـودي ما بيقنع ولا شي يعجبه
رد / علي البيضاني :
صرت اتمنا الموت يوم صار بعظامي وجيع
يا موت ياللي تقـصف ارواح واعمارٌ تعال
وارحم علي من ذا المرض كِنّ عظمه ذاق سم
حتى طـبيـبً بالاشاعات ما شيّع جبه
بدع / حسن الدوسي :
لاباس يا وجعان من يوم وإلاّ من سُــبيع
وأهل المثل يقُلون ما لليمين إلاّ الشُّــــمال
أسمع جواب الحِكمه في ذالخبر يا بالحِكم
وإنحن سِمعنا عالي الصوت يامن صاح به
رد / علي البيضاني :
لا تحسبني من بدو عمر والى من سبيع
انا جنوبي وافتخر وش عليّ امن الشمال
ولا بيفصل بيننا غير قرية بالحكم
والصاحب اللي يحفظ العهد يأمن صاحبه
--

* مجموعة قصائد على لون ( الزمل ) المسيّرات - البدع من علي القرني ، والرد من حسن الدوسي :


بدع / علي القرني ( أبو حاتم ) : 18/3/1426هـ
لن تغيّر هقوتي في راعي الواجِب ولن تخاب
لو تميل الأرض والحُدّان وتظللي لها ماليّه
والمذاهِب والقيم عِند العرب ظلاّ لها صيوان
وسديد الرّاي مُترشِّد وكُلاًّ يطِّبِع مِن شوره
يوم ناسٌ تصدُق الكِلمه وتوفيها وناس اخوان
والهروج البايره مالي عليها مقصدٌ ودعاوي
والعلوم الطّيّبه عِندي لها نظمٌ ومهرجان
والحذر يا كُلّ عاقِل لا تهب كفّك على مِنشارك
وتعرِّض للهوايل والرّعود اللي لها تصويت
وانا ما بأصُدّ نهر النّيل واعانِد سواد عيونه
يالله لا كلّفت قلبي فالحياه إلاّ بطاقته
--
رد / حسن الدوسي :
ضِحكِتي مِن جاهِلٌ ضيّع فلوسه لجل الإنتخاب
كِنّه يِغرِف مِن بحر ماعاد يُحسُب صرفة الماليّه
ولّف الطُّليان للضِّيفان ، والميدان ، والصّيوان
كُلّما مرّيت مِن شارِع تِشاهِد صورته منشوره
وإن لقي ناخِب تقُل إنهُم رفاقه قُربةٌ واخوان
يا تلبّش بالخلايق في عزايم كاذِبه ودعاوي
والحقايق ما يغطِّيها الكُذاب وزيف مهرجان
وانا لو بأضيق فالضّيقات واللومه على مِن شارك
الذي سجّل بِطاقة ناخب وبيّن في التّصويت
لا يجامِل واحدٌ غشّاش في حِشمة سواد عيونه
يا يرشِّح كفو فيه الخير ، يا يلغي بطاقته
--
بدع / علي القرني ( أبو حاتم ) : 18/3/1426هـ
يا لذيذ العسل ليتك على سمننا البرّي تذيب
والله كم نِعمةٌ مِن فضل ربّي لنا يعقوب مِنها
يوم نُحصُد مزارِعنا ونِصبِر مثيل الصّابرين
لكِن الدُّنيا ما قرّت وجينا ع الأبواب القوافِل
راحت مِنّا غنايِمنا وياليت ما قِد راح سدّ
والله إنّ القضيّه كُلّها موسِفه والحال يوسِف
حسبنا الله على مِن كان شيطان في ثوب آدمي
--
رد / حسن الدوسي :
يالله يا مِظهِر الخافي ومالمِكرِبه برّيت ذيب
يوم جت فِتنه إمن اخوان يوسف عمي يعقوب مِنها
وآصبر ع البلاء حتّين سمّوه سيد الصّابرين
انزوا يوسف بوسط البير ولا اظهره غير القوافِل
بعدما طاوعوا الشّيطان واتنكّبوا درب الحسد
قالوا : الذّيب كِل يوسف ، وربّي درى عن حال يوسف
جوا لأبوهُم عِشاء يبكون حطّوا على ثوبه دمي
--
بدع / علي القرني ( ابو حاتم ) : 25/3/1426هـ
حسبك الله كيف تورِّد الماء قناوات الفضا ؟ !
تجمع الماء وهو صعبٌ على طالِبه ويكِلّ جمعه
وتورِّد على ماي المُحيطات كنها ماي عين
ما قضيت الحياه إلاّ في البرّ وديار الخلاوي
آثرك مِن شيوخ الجِنّ والنّاس تاراك آدمي
--
رد / حسن الدوسي :
الله وِش ذالمصايب جت لنا مِن قناوات الفضاء
لجل تحرُب عقيدتنا تبُثّ الفِتن في كُلّ جُمعه
الخلاعه ، وتسويق البُضاعه برقص ( المايعين )
وانت طيّحت سُمعة مملكتنا الحبيبه يا ( خلاوي )
ليتك مأبديت وجهك في برامِج ( ستار آكادمي )
--
بدع / علي القرني ( ابو حاتم ) : 25/3/1426هـ
يا سلامي سلامٍ يِبصِر اهل العمى واسمع بُكُم
وإنحِم اهل الصّداقه لو ظهر شيبنا في مُفترقنا
والمحبّه مِن الأعماق ماهي تزلُّف وإتِّجاه
والله يحييك يا وجهٌ عليه التُّقئ والدّين راكِم
جمّلته العوايد والحيا ما بعد قفّز مِنُه
--
رد / حسن الدوسي :
اهلا يا شاعرٌ معروف بين العرب نسمع بكُم
إنحن وانتم يابو حاتم على عِلم واحِد مأفترقنا
ما غدى كُلّ واحد له طريقٌ مُخالِف وإتِّجاه
وانتم إنكان تبغون المقابل ترى ودّي نراكُم
باقي الوقت معنا لا تقُل ع اللقاء قفّى ازمِنه
--
بدع / علي القرني : 1/4/1426هـ
يالله يا ربّ تلطُف بي وانا عبدك العبد اللطيف
يوم تُرقُص لي الدُّنيا وهو ثوبها المشغول بالي
وانا رجّال راعي حقّ وادرى على دُنيا ودِين
إن غديت اتبع الهقوات جتني رمايا ما تقصّد
وإن غديت اصدُف التّعبات ذِقت الونأ حتّى ونيت
مابي إلاّ يكون ما صابني حُكم ذنب وكُبر سيّه
يوم تجمح بي الدُّنيا ويكثُر قصاها والجميح
لو رضينا القناعه ما طلبنا القصى والفيت يؤتى
لكِن قِمنا نوالي طمعة الرّوح ونراتِب لها
--
رد / حسن الدوسي :
لا تسوّي دِعايه ( للونيتات ) يالعبداللطيف
انا مانا على ( تايوتا ) واشكالها مشغول بالي
مانويت اشتريها وآتكلّف بها نقدٌ ودين
ليت بعض المواتِر مالوكالات تخفى ما تقصّد
يالله لأعميتني وانشبتني فالجهل واشري ونيت
وانا ريت الجميح مورِّدٌ للبلاد ( الكُبرسيّه )
ما بعد ورّد التّجّار مِثلك وزيك يالجميح
عندي ( الكابرُس ) تسوى مية ( مازدا ) والفي ( تويوتا )
تِستحِقّ آتديّن واصرِف القصد والرّاتِب لها
--
بدع / علي القرني : 20/3/1426هـ
ما بكت عين البعيد إلاّ وهي فيها الدوامِع لوم
ويش فاده ما يجِرّ من البُكى والدّمع وِش فيعل لّه ؟ !
مِثل صيد الليل ذا يرجي الشّفاعه في يد واكِله
قال جدّي ذا توفّى قبل عيني تمتلي مِن وصفه
لا توِدّ إلاّ صديق ولا تعادي إلاّ معدويه
--
رد / حسن الدوسي :
لا عرفنا عِلّة والوجعان تُسهُل والدّواء معلوم
بإذن الله اشفي المريض اللي شكى الأمراض واشفي عِلّه
لو بيتسمّع نصايحنا الثّمينه ، والدّواء كِله
والأطِبّاء حيّروا المرضى ، وياكم يصرفوا مِن وصفه
يحسبون إنّ المريض ابينتهي شرّه مع ادويه
--


* مجموعة قصائد على لون ( اللعب ) المجالسي المشهور في منطقة الباحة :



بدع / علي القرني ( ابو حاتم ) : 25/3/1426هـ
اهل البطاره لهُم جلبٌ ، وتمرٌ ، ولُبنان
وحبّهُم صافيٌ ما غيّرته السِّياسات
وراعي الفقر ما يومٌ تغانى وشبعى
والفقر والدّين يغدي مِثل قبرٌ ولحّود
عِند الذي لايم اتعابه ، ولايم دحونه
--
رد / حسن الدوسي :
الله يعينك على بلواك يا شعب لُبنان
صحيح ما دهور اوضاعك يكون السّياسات
سياسةٌ فاشِله راحت بصبرا وشبعا
يا شعب لبنان وِش ترجي مِن ( اميل لحّود )
ريّس ولكِنّ لا يسعِد ، ولا يمدحونه
--
بدع / علي القرني ( ابو حاتم ) :
مِن سدّ صدري عذابٌ بعد يظهر ويابان
ولي فوادٌ غدى مبلي ومقسوم نُصّين
ولا زفر قلبي إلاّ مِن بعد صنع الألمان
وانا الذي ورّد الحِكمه على وارِد الرّوس
واللي شرى الحاليه ما عاد سوّى مكينه
--
رد / حسن الدوسي :
العام جتنا مواتِر صُنع كوري ويابان
وزاد جاء موترٌ يقلون مِن وارِد الصّين
غطّى على صنعة امريكا العظيمه والألمان
وموتر الصّين يتغلّب على وارِد الرّوس
مِن بعد صُمِّم له البودي ، وسوّى مكينه
--
بدع / علي القرني : 27/3/1426هـ
يا ساري الليل يصدُفك التّعب والوناوين
مسيرتك طايله والدّرب ضيّق ومقصود
احذر مِن الليل يا راعي العِظام الونيّات
مِن يحتطِب للعشاء ما يدري إش لمّ حوله !
--
رد / حسن الدوسي :
يا صاحبي وين راحت بك ظنونك وانا وين ؟
زِعِلت مِن هِرجةٌ جايت على غير مقصود
اهل الحِسِد كُلّ واحِد له نحيّه ونيّات
ياليتك تدري بما يرمون ويلمّحوا له
--



بدع / علي القرني : 29/3/1426هـ
امتطيت الخيل وانا راعي القلب الجسور
ما تهاونت الطّريق ولا غدى مِنّي القصور
يا سيفي لا بارت ايدي عن عزومي وسِّم انت
والحذر لا تِعتزي فالجار الأقرب والحديد
والله إن سيفي بريعٌ ما تعرّض للفلل
غير صادفني سِباعٌ هولها ما يِنحجر
مأبصِر إلاّ الذّيب ذا مدّ المخالِب وانتباني
والنِّماره نيّبت ظهر الحُصان ابنيبها
--
رد / حسن الدوسي :
استوى جدر الصّداقه بعد وثّقنا الجسور
وإن شاء الله باقي يطول العُمر ونبنّي قصور
المحبّه دمكها ، والمقدريّات السِّمِنت
اقوى مِن صبّ الرّصاص ومِن مصبّات الحديد
يا مدوِّر للعماير ، يا مدوِّر للفِلل
ادرُس المشروع قبل إنّك تفكِّر فالحجر
وانت يا بوحاتم امعلِّم خبيرٌ وانت باني
حُطّ يدّك في يديّه والحصى نبني بها
--



بدع / علي القرني : 20/3/1426هـ
إش معا صدّام عوّد يوِنّ ويعتبِر !
مِن بعد ما هانه الله ولا عد له قدر
وبدل ما شارِبه فالثّرى يضحك مترّب
كان صان ارض العِراقي وربّى اكرادها
--
رد / حسن الدوسي :
هذي عِبره يا بو حاتم لمِن لا يعتبِر
والحذر يا صاحبي ما بينجي مالقدر
ما معا صدّام حيله بتمضي حِكمة الرّب
إنّها حِكمه عظيمه وربّك رادها
--

* قصيدة ( رثاء ) في مقتل الشهيد الشيخ / أحمد ياسين قائد حركة ( حماس ) 3/2/1425هـ :


بدع / حسن الدوسي :
يالله إّنك ترحم الشيخ المجاهِد (( أحمد الياسين ))
واسكِنُه في جنّة الفردوس بين المًصطفى واصحابه
وارحم اللي مات مع (( قايد حماس )) من إخوةٌ واعوان
واجهوا الصّاروخ والقصف اليهودي في مدينة غزّه
فجر الإثنين الموافِق اوّل الأيّام مِن ( صفر )
الف واربع ميّه وخمسه وعشرين الحِساب الهِجري
إثنين وعشرين ( مارس ) بالميلاد الفين واربعه
سجِّل يا تاريخ واعلِن للبريّه كُلّها وتكلّم
إنّ الإرهاب الحقيقي صِنعةٌ مِن صِنعة اليهود
وإلاّ وشلون الصّواريخ أُطلِقت مِن طايرات آباتشي
بإتجاه الشّايب المشلول واخوانه رِجال الدّين
ناس ما في يدّهُم مدفع ولا بُندق ولا عصاه
انت يا شارون مُجرِم حرب والواجِب تموت وتُقتل
لكِن العالم مغمِّض مِن بيتكلم ومِن يرى
والله لا عد خير في هذا مِن العالم ولا ذيه
والله لا عد خير في هذا مِن العالم ولا ذيه
--
رد / محمد إسماعيل الزهراني :
سبحانك يالله يامنزل لنا العُمران والياسين
إنّ من يقرى كتاب الله يتعلّم به اويصحى به
وكلام الله كُلّه خير فيه الفايده واعوان
لكن اللي يتبع الشيطان في ما زيّنه ويغُزّه
ابيجِد يوم القيامه نار ترمي مِن لهب صُفُر
ليش يالأخوان ما نقرى كِتاب الله دايم هجري
وإن توجّهنا لغيره نقفِز الحاجِز ونربعه
والسّيوف اللي تسنّ بغير حقٌّ تنثني وتكلّم
كم نصحنا مِن عقولٌ غير ابت تسمع وابات شي
لكِن موعِدها حِساب الله في يوم الحشُر والدّين
نارٌ يخاصم بها الشّيطان والفُجّار والعُصاه
وابتقِلّ على الظّهور ذنوب مِثل جبال ماهي تقتلّ
يالله إنّك ثبِّت الأقدام يوم الأرض ميّرى
وإنّك تجزينا بعفوك واغفِر الزّلّه والآذيه
--


قصيدة بمناسبة قدوم المولود / ماجد بن محمد بن إسماعيل - حفظه الله تعالى :


بدع / محمد إسماعيل : 14/2/1425هـ
يا حسن متميّزٌ رُشدك ومتميّز بأشارتك
وانت شاعر تحكُم القيفان لبيوت القصايد ماجد
ثابتٌ مبداك فالديرة وفي جِدّة وفالخُبر
يا بو احمد ما مدحتُك منصحه وإلاّ هروج ابطال
إلاّ مِن وِدٌّ بقلبي ذايبٌ وسط الحشا سيحاني
نجبا لأهل الخير خير وللمعانِد منجبا لدوس
مِن يخالِقنا بعِلم الطّيب بالطّيّب نخالِقُه
--
رد / حسن الدوسي :
يا محمد يا بن إسماعيل جايتنا بشارتك
يوم بشّرتُم عن المولود وإنّ الله يحفظ ماجد
انبسط قلبي وانا اتسمّع في الأعلام والخبر
وانشالله يصبح مثيل آبوه واعمامه رِجال ابطال
الرِّجال اللي لهُم تاريخ ثابت في جبل سيحاني
وإنشالله ماجد يضللي مثل ضِلعٌ مِن جبال دوس
ينصُر الدّين الحنيف ويرضي ابوانه وخالِقُه
--


* قصيدة مواساة للأخوة المسلمين في العراق :


بدع / محمد اسماعيل : 21/2/1425هـ
يا رجاجيل فالفلوجه اخوان كيف انجادها
يشتكون القهر والويل والظُّلم لكن مِن نجدهُم
والإدانه والإستنكار والشّجب نجديّاتنا
( وامعتصماه ) هزّت قايدٌ وانتهض جيش ونجدها
ليتك يالمعتصِم موجود وتشوف كم مِن منُتجِد
يا شرهتنا مِن الله ثُمّ تاريخنا واجيالنا
--
رد / حسن الدوسي :
اشغلتنا التّماشي في عوالي الدّير وانجادها
حتّى دور الشّمال إنحن وصلنا وسِرنا مِن نجدها
مأكتفينا بديرتنا العريضه ونجديّاتنا
يمكن لو ضاعت إبره مِن يدينا ندوّرها ونجِدها
ماهي دوله تقول دوّر على آثارها كمّن تجِد
لكن مدري متى ننهي زياراتنا واجيالنا ( الجولات )
--

* محاورة 1 ( حسن الدوسي ، محمد الشهري ( أبو تركي ) 1424هـ / منتدى الديرة ) :

بدع / حسن الدوسي :
والنّعم يامن حمى الدّار والمنشر
داعي ابني شِهر للمدح والجوده
آتقدّم في رضاهم واجي عاني
حتى لو ماجاء رساله وبرقيّه
رد / محمد الشهري :
مرحبا والبدع والرد ولم انشر
ياحسن ياشاعر الجزل والجوده
من وصل زهران مابات جيعاني
غمركم ترقا المواجيب برقيه
بدع / حسن الدوسي :
وش لنا مالشّجره اللي بنت عالذّر
العُتُم فالمنطقه يا متن عوده
ما انت مثل العُتُمه يا خيزراني
دامت انّك في ضعافه ولينيّه
رد / محمد الشهري :
لودعونا اصحابنا مابنتعذر
كم صديقٍ ينتظرنا متى نعوده
أنامازرا آخي ولكن آخي ازراني
شفت له ياناس نيه ولي نيه
بدع / حسن الدوسي :
انتبِه يالفارس اللي بدى وشمّر
اللقاء دوبه تعاظم شُف آسوده
لا تقول اباانتزي وإنّي افلاني
ثُمّ تخسر فرحتك والسّعوديّه
رد / محمد الشهري :
مالحسا إلين حايل بدو شمر
ومن شفا الطايف وحتى شفا السوده
قد حباها الله جمال ونيفلاني
انصح المصطاف ياجي السعوديه
بدع / حسن الدوسي :
مملكتنا ما يشبّه بها منظر
والمكان الزين بأخطُر وبأروده
لو عرفتم لوعة القلب واشجاني
ما قفلتم سِكّتي يالجمركيّه
رد / محمد الشهري :
كم سهامٍ جات في قلبي المنضر
من نظرة صاحب ومن قو باروده
وصحيبي مانشد بعد وش جاني
بعد قلبي حط به مالجمر كيه
بدع / حسن الدوسي :
والنّعم يا شاعرٌ من حلي بدّر
ما يتيّه في كلامه ومردوده
قِد وصل مدحه لغامد وزهراني
يا تقدّم للرِضا والسّماحيّه
رد / محمد الشهري :
الجمايل تشبه الا حليّب در
وإنها بين الاجاويد مردوده
ياحسن شفتك كما سهيل زهراني
من شعاعه كل ليل السماء حيه
--


* محاورة 2 ( حسن الدوسي ، محمد الشهري ) منتديات سيحان 15/3/1426هـ :

بدع / حسن الدوسي :
مرحبا واهلا وسهلا مياتٌ والوف
يالّذي له وسط قلبي قدُر وإحترام
آبو تُركي شاعِر القيف مبني شهر
شاعِرٌ متميّزٌ فالمواقِف يباني
كُلّما ندعيه يسمع وياجيبنا
رد: محمد المحبي الشهر
البقاء وأنا للأجواد قلبي ولوف
رام قلبي منتداكم ولو رحت رام
والدوسي ونعم وفيمابيبني شهر
المطلق مادم عند المواقف يباني
وصلني عند المطاليق ياجيبنا
بدع / حسن الدوسي :
يا محمد بيننا صُحبةٌ وامعروف
صُحبةٌ مُتجدِّده عام مِن بعد عام
كِنّها القصر المميّز بطول العمر
إن تجي نهدي لك البِرك والنّيفلانِي
مِن فرحنا لا تقُل وِش بنا وِش بنا ! !
رد/محمد المحبي الشهري
البقاء يا قيف له هيبت(ن) ومعروف
د وس من زهران مخبور منبع دعا م
لا ذ كرت أ سمك دعينا بطول العمر
عزوتي لا قا ل من يعتز ا ني فلا ني
وأنت باني ما نقل وأ ش بنا وأ ش بنا
بدع / حسن الدوسي :
يقولون إنّ النُّقط فضلها ع الحروف
ميّزت حرف الهِجاء في كثير الكلام
وانا اقول الفضل يأهل الفضُل للحِبِر
حلِّل د مّ الحِبر فا لخطّ يا ترجما ني
تلتقي الموضوع مفهوم وبلى د نئ
رد/ محمد المحبي الشهري
سيف أ بوطا لب علي سطوته في الحروف؟
في رقا ب أهل الغوا يه كثير ا لكلا م
أ ذ عن ا لكها ن له وا لقسس وا لحبر
وأ صبح أهل الشرك من هيبته ترج أ ما ني
وأشتهر في كل الأ قطا ر وبلا د نا
بدع / حسن الدوسي
أصحت الدنيا من الغيث والماء نشوف
من سبب ذ يك النشافه تردا السلام
والمزارع ما أ نتجت نخل والا تمر
وأصبح الزراع بعد الغنى فيلسا ني
يوم غلق ما فيده وجاع ا ند نى
رد/محمد المحبي الشهري
خيرة الله يا حسن خيرمما نشوف
خير من بعض البشر ما ترد ا لسلا م
الذي تحتا ر تا جيه والا تمر؟
العتب كله عشم ينعقد في لسا ني
ليت من جيناه با لمثل جاء عند نا
بدع / حسن الدوسي
الزياره ما تجي إلاّ بحسب الظّروف
ما نقصِّر فالزِّياره بقُلّ إهتمام
اثرك يالشِّهري لشوفاتنا مُنتظِر
ابشِر إنجاوب لصوتك ولو مِن عُماني
نقطع المِشوار والسّير مِن جِدّ نا
رد / محمد المحبي الشهري
ا لمرشح فا ز من قبل حسب الظروف!
وا نحن صوتنا لغيره نقله تما م
والضرر له عا قبة شؤم يا من تضر
فا ز من قلط مفا طيح والمنعما ني
وا نحن با قي نخبر ا لنا س من جد نا
بدع / حسن الدوسي :
المرشّح حطّ ما لما ل عِدّات الوف
في قضيه مالها ربطٌ اولا نِظام
مِن جُهله عرّض بِرِجله لجرف ا لخطر
اصبح وإلاّ هو يغنّي على ليل دا ني
وانطفى نورٌ مولّع وياضي فنأ
رد/محمد المحبي الشهري
من حفظه الله بحفظه تعدا ا لتلوف
لا توكلنا على ربنا ما نظا م
ما تجي ا لد نيا على ما تكن ا لخطر
نبتهج من طلة الضيف والليل دا ني
لو نبيع ا لبيت نكرمك يا ضيفنا
--

محاورة 1 ( حسن الدوسي ، محمد بن ثاير العمري ) 20/10/1424هـ منتدى الديرة :

بدع / محمد بن ثاير العمري :
ياحسن لك نرد الجاه ونقول لك بشر 00حزين
الحزين الذي يدرج ويقلون له وش0 رايح له
لكنه صامد(ن) في وجه من عا نده لوى ألسنه
با لله دارو على الموروث واحساسنا وادرو سمعنا
والجهات اربعٍ (ن) واخيرك واعطني منها جهات
يامتى ياحسن تاجي الي عندنا ومتى نج 0أحنا
لوتجينا نقول يامرحبا عد نون 0عل0ماه
رد / حسن الدوسي :
يا معلم دروس الشِّعر بان الهدف والشّرح زين
الهدف واضحٌ ما عد يبي ترجمه وشرايحٌ له
والمناهج عرفناها من آخر سنه لأوّل سنه
حِنّا شُعّار معنا من فنون الحِكم ودروس معنا
ما عد بنقول هات الدّرس يا شيخ والمِنهاج هات
واللي ينشُد متى خِضنا مجال الشِّعر ومتى نجحنا ؟
يا ابن ثاير بعد نعطيه من عِلمنا ونعلِّمه
بدع/ محمد بن ثاير العمري :
يا بو احمد نشبنا بين بلسم يسار وداء يمين
واللي ياهب قليل مالعسل فوق رؤبٍ مال كُلّه
يا حسن لا تثمّن ما يجيبه ولاانا اثمّنه
مبخل اللي يقُل اعطيت مالتّمر ذجانين صحنا
ويقُل هذا لوجه الله ما هي منافق غيرمات
قُلّه ما زادني حُزناً عدمها ولا مِنها فِرِحنا
عاد كلاًّ معه في كفّ يُمناه و اشر خاتمه
رد / حسن الدوسي :
آتعجّب لناسٌ في شرور المعاصي دايمين
ما دروا بإنّ عُمر ابن آدمي فيد ربٌّ مالكٌ له
امّا حِن ما نجي درب المعاصي ولا نأثم منه
الله ياما تكلّمنا وقُلنا من ارشاد ونصحنا
يا بشر عاش من قِد كان عاصي وقاسي غير مات
لا تقولون : شاهدنا دروبً تشوّقنا ف رُحنا
المعاصي يجي من بعدها الموت وآشر خاتمة
بدع / محمد ثاير العمري :
يالله الحمد لك ياذا انزل الغيث جاله ما 0دحين
كل وادي نزل بملاه وان مر عقم وجاه 0زله
والذي طارشٍ شافه ومن عنده ابل يسل عنه
والله انا برحمة ربنا نبتهج وبها متعنا
محسن البرق والراعد وهل المزون على ميات
سايله يابو احمد جا الي ارضٍ وساع وجاء لمحنا
يا الله انك تزيد الخير فالمملكه وتّمتمه
رد / حسن الدوسي :
انا مبغي الخطأ يا شيخ لو مدّحوه المادحين
واللي وِدّه يباشرني بكوب الخطايا جاهِزٌ له
قِد شِرِبت المحبّه بين الأصحاب وابليس العنُه
والصّداقه بيثمِر زرعها في بساتينه متى اعنا
نجمع واحد معا واحد ونجمع ولوف على ميات
الله ياما نظرنا في وجوه الرِّجال وما لِمِحنا
نِظهِر اقوالنا بالصِّدق ماهو بهمس وتمتمه


بدع / محمد بن ثاير العمري :
ياحليل الذي يبني المحاجي على متقات 0 لين
يا بواحمد من اول فتلنا القاف لين 0اتلاء قتل 0له
ابني القاف واعز البنا في متاينه 0اظمنه
من يعز البنا ويوثقه عالرواسي 0مارغ 0ابنا
لاتقل من يسيس للبناء فالعروق (الناش) فات
ينظمون البشر لكن يبين لنظامي نسقنا
يعرف الرجل من يختار في مجلسه ومنادمه
رد / حسن الدوسي :
يا ابن ثاير لقيت اثنين في ذالبلد متقاتلين
الكبير اعتدى واشتال خصمه على الأتلاف تلّه
تلّةٌ طاحته في وسط هولٌ متى ينهض مِنُه ؟
وإحنا ضِقنا وفي ذالفِعل الأقشر والأمحق ما رِغِبنا
رغبتنا في عزيز الماء يبِلّ العروق الناشِفات
الله ياما وردنا للمناهِل وللضّامين سُقنا
كم مضينا وعدّينا من الصُّلّبه ومن آدمه
بدع / محمد بن ثاير :
من يمدد حبال الشر فتان والناسج معين
قبح الله وجه اللي يحب الرداء والشرعمل0له
ماتجيك الوشايه والفتن والمنون الا0منه
ويتمدح وهو كذاب ويقول كم للناس جدنا
والحقيقه فلا يمسك بمعروفٍ ولاله صلات
لو يرى فتنتن طفيت يدور متى ياشي خصمنا
رغبته لو يفرق في قلوبٍ سوى متعا 0صمه
رد / حسن الدوسي :
أبو احمد يقول بأعلِّم الجِنّ والنّاس اجمعين
ما ورى الدّين الإسلامي ونهج الهٌدى والشّرع مِلّة
منهجٌ ما توزّى فيه راعِ المخاف إلاّ آمنه
وإنحن الحمد لله اهتدينا وللوالي سجدنا
والله يقبل دُعانا والصّيام المحُقّق والصّلات
الله كم يوم في شِدّت لهوب اللضا يا شيخ صُمنا
وإنت إذا كُنت تبغى العُمر تتذّوق المُتعا صُمُه
--


* محاورة 2 ( حسن الدوسي ، محمد بن ثاير العمري ) منتدى الديرة 1/11/1424هـ :


بدع / حسن الدوسي :
يا حسودي ما ندوّر يجي من بوك مال
نحمد الله عِندنا خير والدُّنيا بخير
نعطي المُحتاج ونزوّد أرقام الرّصيد
والذي عاقِل فلا يخلِط القاصي بالأدنى
يعرِف رأس المال من مكسبه والفايده
رد / محمد بن ثاير :
رايتك بيضا وخذ ردها من 0بوكمال
انت راعي لوله وترك الدنيا 0بخيّر
انا مثل الصقر من يوم يرقى مر0صيد
تحت هيبتنا قريب الدير واقصى بلدنا
كل رعي شيمةٍ عالشرف والفا 0يده
بدع / حسن الدوسي :
ما تتيه انظارنا بين حُرمٍ وإحتلال
الجمل سمحان شال الشّقا واحمال جير
ما برك وإلاّ انثنى للعواقِل والف قيد
والذي يِعدِن صواف الذّهب والماس عدنا
ما نوينا نِشغِلُه عالعمل وناكايدُه
رد / محمد بن ثاير :
كلمة التحرير من بوش خدع واحتلال
واشعل الفتنه بمستاجرٍ واحمى لجير
لاتقول الذيب بعد العوى قل الفقيد
والبدو يقلون من حين شفنا الما سعدنا
مكثر النكبات في ذا الزمن ونكايده
بدع / حسن الدوسي :
بوكمال اظُنّ شيّب وفيه الشّيب طال
ارسُم الطُّرقه ولكن يغيّرها بغير
ما كِنّه يعرِف لمبنى المثايل والقصيد
تكفى يابن العمّ لا عد تقصِّر يا سندنا
ما خبرتُك تنتِظر فزعةٌ ومسانده
رد / محمد بن ثاير :
والله ان الزور لو سار ساس الشي بطل
من يغير ياحسن ساعة الفيحا 0بغير
يضحكون الناس والله يعلم بالقصيد
ينزلون الغير وحنا الي العلياء سندنا
وانت مثلك عارفٍ مجلسه ومسانده
بدع / حسن الدوسي :
كم لابن ثاير يغنّي معا بدو الشّمال
اشغلته الدّحّه عالعرضه او نِقّاع زير
ابتعد عن ديرة ابني عمِر وابعد نشيد
ما نحن مِثله خرجنا من الدّيره وعُدنا
والقدم قِد سار له خطوةٌ ومعايده
رد / محمد بن ثاير :
دق ناقوس الخطر للمعابد وش مال
ياحسن من صاده الحق مانقى عزير
ما ابتعدنا الا من اجل البناء وبعد نشيد
وعدنا مانخلفه 0حق ونديره وعدنا
ما حن مثل اللي منه خطوةٍ ومعايده
بدع / حسن الدوسي :
راعي المليون ما ضاق من نُصّ الرّيال
وانا لو واجهت لي منصحة عِبرى لأثير
والفضايل خير لي من ورق في منبع ايد
الله اكبر كم نصحنا وقُلنا وانتقدنا
ما يجي في عِلمنا تفرِقه ومحايده
رد / محمد بن ثاير العمري :
البديوي نص خيمة بعد نص الريال
لا جل البث المباشر يجي عبرالاثير
قال مبغى البث الارضي 0ورق في من بعيد
والنمر ينتق بعيد العوادي ونتق ادنا
الله كم ثلبٍ محى نايبه وامحا يده
--