الاخوة الافاضل هذه القصيدة بيت مني وبيت من اللشاعر والمشرف على منتدى الشعر النبطي صدى الجنوب البيت الاول مني ثم استمرت القصيدة 0 اتمنى ان تحضى ولو باليسير من اعجابكم 0



باعت جسدها مرخصة كل غالي = مدري ضروف الوقت وإلا هواية

وفوق الجسد باعت شموخ التعالي = واودت بعزة نفسها للنهاية

بيعة نثمنها بـ 100 ريالي= والمشكلة صبغة شعرها دعاية

من وصفها يحتار حتى خيالي = وفي وصفها تقدر تؤلف رواية

يلعن ابو فقر(ن) يهين الجمالي = ويلعن هواية تعتمد عالعصاية

بين السعادة والشقاء فرق عالي= وفي فرق بين المعصية والهداية

منها ضعيف العقل صابه خبالي =من شافها ما يدري ايش الحكاية

كنه خيال(ن) كان واقف ومالي= وقع على وجهه من اعلى بناية

تتصنع المشية على كعب عالي = والوجه ما المكياج عود مراية

في شكلها عذرى حسين الدلالي = لكن في مضمونها عقل تايه

هي جوهرة في حسنها ما تبالي = ما حصلت في سوق اهلها عناية

الحمد لله مجتمعنا مثالي = رسم لكل(ن) خطوته مالبداية

لو كان لي سلطة عليها لحالي = لفيت هذا الجسم داخل عباية