من دون مقدمات .. إليكم المحاورة التالية :

ـ والدتي :
خذ فواتير التلفون شوف إيش فيها ؟

ـ أبو عبد المحسن :
هذي 15 صفحة

ـ والدتي :
إيش أسوي .. كل واحد منكم في مدينة ..
إلا كم فترة الفواتير ؟

ـ أبو عبد المحسن :
فترتها شهرين .. كانت 3 شهور والحين سووها شهرين وبــ ....

ـ والدتي :
( مقاطعة حديثي ) .. إيش مكتوب بالصفحات ؟

ـ أبو عبد المحسن :
فيها الله يسلمك التاريخ ـ الوقت ـ مدة المكالمة ـ رقم هاتف الطرف الآخر ـ تكلفة المكالمة .

ـ والدتي :
يعني ما هو مكتوب اللي قلناه ؟

ـ أبو عبد المحسن :
تتكلمين جد ؟ طبعاً لا يمكن .. وش عرفهم عن كلامنا اللي نقولـــ ....

ـ والدتي :
( تقاطعني مرة أخرى ) .. يعني اللي مكتوب في الـ 15 صفحة بس أرقام وعن شهرين فقط ؟

ـ أبو عبد المحسن :
نعم أرقام وعن شهرين وبس .

ـ والدتي :
طيب ، لو كان كلامنا ينكتب .. كم صفحة حتكون الفواتير اللي بين إيديك ؟ ولا تنسى تفرد صفحة كاملة لأي مكالمة تخصك .

ـ أبو عبد المحسن :
تقريباً توصل للـ 200 صفحة .

ـ والدتي :
200 صفحة لاتصالنا حنا كل شهرين .. يعني ما حسبنا المكالمات اللي تجينا.
طيب ولو أضفنا عليهم كلامنا اللي من دون تلفون كم صفحة حتكون ؟

ـ أبو عبد المحسن :
هاه !!!! والله مدري ..

ـ والدتي :
إيش تقول في صحفنا يوم القيامة اللي ما تترك صغيرة ولا كبيرة إلا أحصتها (ما يلفظ من قول إلا لديه رقيب عتيد ) .. ؟

ـ أبو عبد المحسن :
هاه !!!! والله مدري ..

ـ والدتي :
إني أدعو الله ـ لكم وخصوصاً أنت ـ أن يجعل ما بصحفكم شاهداً لكم لا عليكم .

" انتهت المحاورة "

إلى والدتي ..
بعد هذا .. لا أملك إلا الدعاء لمن يستحق الدعاء ..
لن أفيكِ حقكِ مهما ذكرت فشكراً لكِ وبارك الله فيكِ


ولنتذكر دوماً :
" سبحانك اللهم وبحمدك أستغفرك وأتوب إليك "

للجميع تحياتي ،،،