احد الاخوان اورد قصيده لبدوي حب بنت عمه صيته
وقال فيها قصيده وبسبب هذه القصيده قام والده بخطبتها له



يابوي عذبني جفى رمش صيته=صارت حياتي بين هم وغربال
البعد يا صيته ترى ما نويته=لا تسمعي للهرج والقيل والقال
انتي دفا القلب المعنى وبيته=وانتي علاج الروح يا بنت بتال
منك ابتديت الحب وفيك انتهيته = يا اجمل بنات الخلق في كل الاحوال
والله لو ترضى بها الحب صيته = لاجعل مهرها من غزيرات الاموال


وبعد سفره الى الرياض لكي يكون نفسه ويتزوج صيته
عمل بالخطوط السعوديه وتعرف على مضيفه اسمها تغريد
وارسل هذه القصيده الى والده



يا بوي انا غيرت رايي بصيته = ما عاد ابيها لو تقولون بريال
القلب شاف الي على الشط بيته = فيها الجمال وصافي الحسن يختال
يا بو عيون اوساع قلبي كويته = ما بين قلبينا تقاطيع وارسال
وضبت قلبي لك وغيرت زيته = منشان تقبلني على عثرة الفال
يا حبني ل لبنان لو ما لفيته = لا صار خلي وسط بيروت جوال
ان ما نواني بالمواصيل جيته = اسوق له من صافي الحب فنجال


ونظرا لتعاطفي مع صيته كتبت هذه الابيات باسمها موجهه الى ابن عمها




شعرك سمعته يابن عمي وقريته =والي ذكرته نقص ما كان عالبال
طعنت عرضك يالغضي ما حميته = وسرت بين الناس مضرب للامثال
بدلت حبك في دقائق وبعته = فعل قبيح ولا يسويه رجال
رح في طريقك دام قلبي جفيته = بلقى بدالك ما العرب الف خيال
وكل ما سويت انا ما هقيته = سبحانه الي بدل الحال الى حال