ـــــــــ
على مهلك شوي شوي ياخي لاتدف اعرف ان الموضوع شدك شد الحبل بس على هونك يمديك تقرا وتتعرف على الى انته تبيها بس ارركد
انتبه الي جايك من ورى لا يصدمك الله يستر من ذا الموضوع هذي قصه
صارت لي اليوم مع واحد من الشباب الي يمونون على قولتهم...........
اتصل من صباح الله خير....... يسلم يسلم من غبشه خلاص زمنا هذا محد يسلم عليك الفجر يقولون هذا مجنون يكلم ذا الوقت المهم ماعلينا نكمل ..................
و قال لي ...ابو حميد ابغاك تعلمني الانترنت يالله على رضاك .. انته صاحي .. انت تعرف كمبيوتر اصلا عشان تتعلم انترنت ..؟؟
قال ايه .. ابي شئ واحد بس اتعلمه .
قلت له وشهو تصفح تبي بريد اكتروني ..؟
قال لا ...........
قال ابي اتعلم المحادثه ..
قلت له اجل ناوي تخربها من الاول .. تدمن صور و كل يوم وانته تحت رحمت المقاهي و تدور صور .. و النهايه تمسكك الهيئه و الا الدوريه و معاك فلوبي صور و يلعنون جد جدك وسط الشارع وتنصقع حبس سته شهور تاكلها في الحجز ..

قال لا مابغى صور .. ما تنفع ..
بصراحة استغربت انا .. قلت وش تبغى اجل ..؟؟
قال .. ابغى اتعرف على بنت!!!
ضحكت عليه و قلت بنت مره وحده ..؟؟

و انت وش شايف بنات الناس ..؟؟ محذفين في الشوارع و على على قفا من يشيل .. في فرنسا احنا و الا وين ..؟؟
قال .. لا انا سمعت ان بنات النت كثار (نعمه).. و اكثرهن هبيلات على الريحه ماتصدق تلقى الوحده منهم ولد ولا شاب يعطيها وجه على طول. .. يعني تشبك لك وحده بكم كلمة و كم قصيدة شعر .. و اليوم الثاني تحذف لك رقم (وانا في بالي تحذف لك اخوها برشاش) انت كل ما عليك .. انك تتفنن بالسوالف معاها وتلف مخها لف تخليه زي المروحه بكيفك انته تشغلها وبكيفك توقفها..

قلت له .. يابوي ياطيب يابو الشباب انا على الانترنت اكثر من ثلاث سنوات .. و لا عمري فكرت ان بنت بتجي تطق بابي و الا بشبكها بسهوله النت ماهو لذا الغرض الى انته تبيه ( بس للاسف هذا حال الشباب عندنا في السعوديه مع ان الاحصائيه تقول 5% من سكان المملكه يستخدمون النت بس معقول كلهم زي رفيقي هذا)
فكرت شوي اممممممممممممممم وقلت له طيب وش رايك عنـــــــدي
فكره .. تقدر تعرفني على اختك ( فلانـــــــــه) و الا (فلانـــــــــه).. ودي اسولف معهــــا شوي .. انت تعرف اليوم الاربعاء وجدولي فاضي......... و ابغي وحده ابربر عليها شوي ..

قال ويييييين واصل انت ..؟؟ مهبول ..
( اشتغلت عنده الغيره يوم قلت له اختك )
قلت له ايه مهبول .. اجل تبي تتعرف على بنات الناس و لا تبي تعرفهم على اختك ..؟؟ من زينها عاد الحين ..؟؟ اجعل كل من على النت في مكانك سكت ماعاد نطق...............

المهم : ما اطول عليكم شباب ..
هاه هذا نموذج من الشباب الذين لا يعرفون الانترنت .. وش رايكم فيه ..؟؟
يعني ترضون ان مجتمعنا يبقى جاهل كذا ..؟؟

يا ناس .. بكون صريح شوي .. انا اشوف لك ناس ما يدخل التشات و لا المنتديات و لا يكتب مواضيع استهبال و تضحك .. الا عشان يلتمون حوله البنات .. و الا عشان يلفت نظر بنت بكلمه معينه ..
( .. مع احترامي للإخوان بالمنتدى )
انا ما اخص احد بعينه ................... و لا اتهم احد .................... انا اتكلم بوجه العموم لا الاتهام

يا اخوان اترك لكم حرية الرد و الإدلاء بالرأي الحر ..

تحياتي : موت ميلاد

.
ــــــ