بعيد المراميس
سلام الله سلامن مثل صب الكيف فالفنجال" "على اللي يعرفون الكيف والتسليم يوحونه
كلام الصدق ابا اقوله وهرج الزور ماينقال" "علامك يوم خلت البرق تقصر خطوتك دونه
الجنوبي
هلا يامرحبا نبيدى بها ويبثها الارسال@@@@ كما وبل السحاب اللى يخيل وينثر مزونه
ماقصرخطوتى مادام قدام الرجال رجال@@@@ وانا مانا هذاك اللى يعلج السم بسنونه
بعيدالمراميس
ترى بعض الحمول ثقال يارجال ماتنشال" "وبعض الناس لاشاف الحمول ارخالها متونه
ترى العاقل لياخاض الجهل عود مع الجهال" "وانا ماني كفيل الجاهل اللي كثرة لحونه
الجنوبي
يابو جسار للطرقه دليل وللحمول جمال ***** وانا اقول محشوم من الخطاء والغش والخونه
ياليت( البيض سالم) سلم السلطه بدون قتال ***** قبل ماينكشف سده وبالقوه يشيلونه
بعيدالمراميس
انا خلت الي برقٍ عقربي ٍ والمطر همال" "من جبال القهر منشاه والعالم يخيلونه
انا اخيله وغيري يوم شافه جرله موال" "تنصى ثعل ربانه بمغرافه وماعونه
الجنوبي
ترى يابعيد ماحد ينقل الماء داخل الغربال***** ونو الحشر لا زاعت بروقه هلت وكونه

انا بالسوق جاهز واعقل الهرجه مع العقال ***** ليا جات السمينه سعرها بالعرض يغلونه
بعيدالمراميس
انا اعرف مقصد الطيب وانا اعرف مقصد البطال" "ولالي في رفاقة من يدس الغش بردونه
ترا احساسك على احساسي ودلوك لاتطق الجال" "ومن يشرف على المشراف يقدح راس غليونه
الجنوبي
عسى الله يقطع البايق ويظهر حيلة المحتال000000وانا يابعيد ماض الوقت غسلته بصابونه
تشوم المرجله من سكة الهين واخو فريال000000ولا تمشى مع اللى نيته بالحقد مدفونه
بعيدالمراميس
انا خابرك ماترضى الخساره وانت راعي مال" "ودقنن ماتحفظ حقوقها بالموس محسونه
تقدم يالجنوبي مرحبآ واهلين عان الفال" "على السيفين حد السف والسيفين مقرونه
الجنوبي
انا مارضى الخساره واهدم الاصنام والتمثال000000وعصا موسى تبيد السحر هامنه وفرعونه
ترى بعض الجنايز يوم تغسل تتعب الغسال000000ولو كانت فى الدنيا العجيبه حيل مزيونه
بعيدالمراميس
والا ياهادم الاصنام قولك ماعليه جدال" "وانا ماجبت لك علم ٍ غريب ٍ ضاع مضمونه
جموع الناس تشك العوز هذا هو لسان الحال" "وكلن يسمع بسمعه وكلن شاف بعيونه
الجنوبي
ترى الشكوى لغير الله مذلّه ياعريب الخال0000000لو أن الخلق من صاف الذهب بالكيل يعطونه
الايا حظ من صام ارمضان وست من شوال0000000مشى فى طاعة الله واقتدى باللى يطيعونه