Unconfigured Ad Widget

**احمد البشيري** · 08-12-2003, 08:01 AM

عبدالله كيف حالك،،، على كذا تبغى تقول ان اللي بيتزوج أو متزوج المفروض يعتزل النت،،،، وبناءا عليه يعني المفروض كلنا نعتزل وتبقى أنت وجار القمر والبيضاني وطيب القلب اللي من زمان ما عاد شفناه,,, وبعد زواجك يسوون لك حفل توديع ويبقون هم لوحدهم يدورون من يسوي لهم حفل توديع،،،،،على كذا يا حلو خلك في عزبتك أحسن لك ولا تفكر في الزواج الا وأنت جاد ولديك كل المقومات ياولديه الله يصلحك.

بعدين،،، دبر المهر والمصروف خل عنك الشعار,, كسوتهم زادت الأيام هذي مع ارتفاع العقار ،،، وشروطهم كثروها الله يهديهم.

حياة عبدالله بعد الزواج يصبع في تعداد المتأهلين وينقص من العزوبية واحد وما عاد يحصلون لهم رابع،،، وأنصحك تطرف لك لحاف سفري حق الطردات واذا تبغى خبرة أكثر مر علي وأعطيك كورس في تجهيز اللحاف السفري ومتطلباته. :D :D

أخوكم/احمدالبشيري

**محمد الشهري** · 08-12-2003, 08:58 AM

يا عبدالله عبد ربه
مثل ما قال لك الأخ أحمد لو كل من تزوج اعتزل النت كان زمان قفلة هذه الخدمة لأن مزود الخدمة في العالم
متزوج ههههههههه والا اش رايك

وبعدين مثل ماقال أحمد لازم تدور شقه تستاجرها لها ع مخرج طواري وحاول أن يكون هناك غرفه زايدة إما في ال\سطح أو في الحوش أقل شيء يكون عندك أحد الأقارب في الحي خاصة أيام الشتاء القارص
لأن اللحاف ماينفع معك مثل ما قال الأخ أحمد اسألني أنا هههههههههههههه

الشعار ما عليك منهم شعار المنتدى بيقومون باللازم

تقبل تحياتي
أخوك محمد الشهري

**أبو ماجد** · 08-12-2003, 01:16 PM

أخي عبدالله عبدربه

إذا نويت الزواج واستطعته فتوكل على الله ولا تتردد .

أما حفل اعتزالك الإنترنت والكمبيوتر ( فكثّر منها ) لأنني أتوقع أن تعود للإنترنت قبل أن نعود من حفل التكريم:D ، ويمكن يزداد تواصلك مع أخوالك بعد الزواج

أما كيف ستكون حياة عبدالله عبد ربه بعد الزواج ، فعلمها عند الله ، ولكننا نتمنى لك كل التوفيق والسعادة .

وإن شاء الله تتوفق ببنت الحلال التي تسعدك وتسعدها .

**مهراس** · 08-12-2003, 01:23 PM

والله ياعبد الله ياما ناس من الزملاء تغيروا بعد الزواج وصارت حياتهم منتكسه الى ابعد ماتتصور
يعنى اخوينا اللى كان يمشى معنا ويسهر ويمزح معاد هو ذاك الاول تغير علينا وصارت حياته مروبطه ورى المدام

تشد الحبل وترخيه على كيفها

ان شاء الله انك تمسك الحبل من الوسط ياعبادى من البدايه ولاتعطيها فرصه

والا اقلك الللوه على رقبتها
واعطها العين الحمراء

والله مادرى عنك
من الان ابتعتزل النت اخاف ان هذ شرط من شروط ام العيال الجديده

لكن ابغاك تضرب بنا المثل وتقول وش معنا مهراس واحمد البشيرى وابو تركى متزوجين وعندهم نت

الله يعينك
ولو تسمع كلامى لو تاخر الزواج شويه ههههههههههه

لالالالالالالا
امزح معك والله اتمنى لك حياه سعيده مليئه بالحب والوئام والسعاده الدائمه ونفرح بك ونشوف احفاد احفادك
محبك
مهراس

**عبدالله عبدربه الزهراني** · 08-12-2003, 04:53 PM

احمد البشيري

لحاف سفري هاه
اكيد هذي النصايح ما جت من فراغ
إلا جت بعد تجربه

وانا أقول وش فيك غايب عنا
اللحاف السفري شايف شغله :D

أبو تركي
الظاهر إن حالك كما حال البشيري احمد
يمكن تكون حالتكم هي الحاله العامه
ما كان عندي خبر إنه تزوج >>>>>>>>>> الشرهه عليك كان علمتني

أبو ماجد
إذا نوينا تزوجنا على طووووووول

هذا إذا نوينا
أما إني أخلي النت .... ما خليته
وما الحُب إلا للحبيب الأولي

الكمبيوتر هو زوجتي الأولى

إجابتك دبلومااااااااااسيه لأبعد الحدود
أرشحك تكون سفير للمتزوجين في ديار العزوبيه
تقدر ترضيهم دائماً وأبداً

مهراس

ياخوفي تكون العين الحمراء مطبقه عليك في البيت
وتبغى تشوف عبدالله يسوي اللي إنت ما قدرت تسويه
عن طريق العين الحمراء :D

اخاف الناس اللي تقصدهم واحد منهم " مهرااااااس "

ابغى المزيد من النصائح ولا هان من قدم النصح
أبغى أشوف أراء جميع الأعضاء

**الفنار** · 16-12-2003, 12:48 AM

جاء يومك يالسمي...

والله ننتظر مذكرات الزوج التعيس الآن من جد

الفراهيدي ينتظرك؛ بس لاتطول المذكرات..يعني ( لا تحكي كل ما يقع لك مع المدام)...

**عبدالله عبدربه الزهراني** · 16-12-2003, 01:26 AM

السمي العزيز عبدالله

يا فرحتك فرحتاه
فرحتك زي فرحت بوش وبلير بالقبض على صدام >>>>>>>>>>> تكرم عنهم جميع

لكن نسيت أقول لكم حاجه مُهمه وضروريه جدا جداً ...

تراني كنت أمزح *_*
وطلع ما حد يمزح معكم
تقلبونها جد

**أبو غازي** · 16-12-2003, 08:17 AM

أهلا بالعريس عبدالله عبدربه:

الف مبروك

نصيحتي لك ياعُبد أن كان نويت فعلا الزواج

أنك ماتتعزب بعد الزواج بداعي زيارة الحرمه لأأهلها وتحوس البيت,وحاول تتعلم من الأن أنت ياعُبد كيف تخبز وتعصد وتتدغبس. :D

لانك بتشرب مرقة الهواء كثير :D

وتصدق أني حسيت أنك متزوج من رد أخونا مهراس

لكن نسيت أقول لكم حاجه مُهمه وضروريه جدا جداً ...

تراني كنت أمزح *_*
وطلع ما حد يمزح معكم
تقلبونها جد

شكلك حسيت بحركه غريبه من خلفك داخل الغرفه :D وين العين الحمراء يابطل :D

.

**عبدالله عبدربه الزهراني** · 16-12-2003, 03:59 PM

"نصيحتي لك ياعُبد أن كان نويت فعلا الزواج "

وإذا ما نوينا يا أبو غازي :D

ياخي العزوبيه تخلي الواحد يطبخ ويخوض
وأسرع طبخه " المضغوط "

"وتصدق أني حسيت أنك متزوج من رد أخونا مهراس "
- ليه العين الحمراء .. واصله عندك .

يالله حيهم :D

أبو غازي
لا تخاف عليه
ما حد معطيني وجه :D
يا مقابل الكمبيوتر يا داج في سبيل الله
ما حد يسأل عني
تقدر تسويها انت ولا الإخوان اللي ردوا قبلك

**الشدوي** · 16-12-2003, 06:04 PM

اقول يابو عابد
انت الحين تزوج وبعدين يحلها الف حلال
ترى الزواج اصرف لك من قواطي التونه
تدري
اقول لك بصدق
بيدك ان تجعل من زواجك راحة ما بعدها راحة
فقط كن رباناً لبيتك الصغير

**عبدالله رمزي** · 16-12-2003, 06:32 PM

ألأخ عبد الله

الله يحييك ...
اعتقد أن كلامك هذا من احلام اليقضة ..
ولكن ماعليك شرهه لأن هذه الأحلام غالباً تكون منسقة ومرتبة بشكل يظن صاحبها أن هذا واقع ..

اللي عندهم نية زواج ياعزيزي .. اقدموا على ذلك بكل سرية .. ولم نعلم إلا من الدعوة في النت أو عن طريق الكروت..

شكلك تتسلّى وتتخيا أنك متزوج ...

لاتنسى كلام أبو ماجد ....(( اخوالك اخوالك اخوالك )

عبد الله رمزي

**عطيه بن عقدان** · 16-12-2003, 07:13 PM

الاخ عبودي
اسعد الله كل اوقاتك
اعقلها وتوكل وصدقني لتنسى ايام التعاسه والعزوبيه
لايخوفونك الربع خلك رجال سنافي ( على فكره مدري سمعت بدعاية سنافي )
بعد الزواج :-
يتبدل الهمبرقر بدغبوس
يتببدل البيبسي بعصير فواكه كوكتيل معمول في البيت
يتبدل التميس بالقرصان مع العسل
كبسة مطاعم البخاري بالدجاج راح تصير كبسة لحم تيس طازج
التونه تغيرها بكبسة سمك ناجل او هامور
بدل ماتصير سواق لمن هب ودب هذي الايام ... تصير سواق للمدام فقط ( مدري الكهله تتراجع لها ذلك اليوم والا لا )
ياشيخ صدقني لتلقى خدمات ولا في الاحلام.... اقلّها يوم تطلع من البيت تلقى احد يودعك ويستقبلك عند الرجوع ....ماهو مثل الحين
تجي خارج تقول مع السلامه يقلون اخرج خرجت عيونك من حقها واذا رجعت قالوا اهو رجع ذروة الجن وشماغه فوق كتفه مثل فوطة الهندي.

ياشيخ لو قعدت اعدد لك مزايا الزواج من هنا الين عدن مالقيت الا مايطيب الخاطر...
الا اذا اصبحت مثل مخاطان ويمكن تعرف قصته وابو ماجد لمّح لك
على العموم اتمنى لك الهنا والسعاده

**العُمري** · 17-12-2003, 12:22 AM

ياناس

ياعالم

الرجال ترونه جالس يحلم

ماعنده سالفه

بس تدرى عبودى حتى وانت تحلم شكل الحرمه ابتركب فوق ظهرك

حليلك هههههههههههههههههههه طب دد

**عبدالله عبدربه الزهراني** · 17-12-2003, 02:28 AM

الشدوي
قواطي التونه من دون حساب
أصرف من كبسه لحم مع حساب ومحاسبه *_*

السمي " عبدالله رمزي "
كنت أبغى أتخيل ردت فعل الأعضاء
طلعتم ما تصدقون على الله
ودكم تدبسون العالم معكم
أو إنكم تبغون " وليمه الزواج "
وانا أرجح الثانيه

أبو ماجد معه هرجه بــ" أخوالك "

أبو فارس
الله يسعدني ويسعدك
لو طلعت " زوجه حلم اليقظه " كالغفر
وش راح يكون الحال

أبو باسل
ليه الطريقه هذي متبعه معك نيهاهاهاهاهاهاهاهاهاها
أطلع وبان عليك الأمان

أطلع منها إنت وهي بخير *_*

الظاهر والله أعلم كل واحد منكم رد باللي عاناه من الزواج
وما ردودكم إلا ردود فعل

Unconfigured Ad Widget

دعواتكم لهم بالرحمة

موضوع عاجل يخصني .. أبغى أشاوركم

موضوع عاجل يخصني .. أبغى أشاوركم

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق