على قافية الحرف.
إهداء لقلب شاعرنا (حمد بن مسفر الشمراني)
ولقلوبكم العامرة بالود والصفاء.


يانفس طيبي واسمعي ماينفعك كثرالعناد
......... اللي ركب راسه هوى به في مداهيل الردى

قالوا فلان أخطأ وهذا طبع في كل العباد
.......... من هو منزه ع الخطا غيرالنبيَ المصطفى

سمعت لك واحنيت راسي لك وطيحت العماد
........ وارخيت هامة كانت اعلى من مشاييخ القرى

لانلت منك اللي تمنيته ولانلت المراد
...........على أقل تقدير ياليت انني نلت الرضى

قلتي تعال افتح معي عينك وحرمت الرقاد
..........الناس تهنا نومها والنوم من عيني سرى

قطعة بيدك حركيني مثل قطعة من جماد
.............. كتلة رجاوي حركيها كلها وجد ْوجوى

صورتي الدنيا بعيني مثل قمرا في سواد
...... والناس مثل الشمس واقلوب البشرروح الهوى

ألحين بعد اللي جرى يانفس عاد الجد عاد
......... قولي وهات العذر وابدي حجتك باللي جرى

إلى متى والعين تسهر ليلها وجد وْسهاد؟
........ إلى متى والقلب تعصف به (متى، عل وعسى)

قولي وخلي ناري اللي قايده تصبح رماد
......... من قبل يصبح يوم تحتاجي ولا تلقي (صدى)[/TABLE]

[MARQ=right]((عيدكم مبارك وكل عام وانتم بخير ))[/TABLE]