فتى عليان يهنئكم بالعيد السعيد

كل عام وانتم بخير


اليوم عيد(ن) وكل(ن) عايد احبابه=وانا حبيبي فلا عايد.....ولاجاني
ما ا دري وش اللي جراله ما ارسل اكتابه=معقوله انه نسى اسمي وعنواني
اوقصده يحز في قلبي على مابه=او يمكن ارسل مع شخص(ن) ولااعطاني
لاما توقع لكن النفس مرتابه=الاحتمالات انا اوزنها بميزاني
افلان قام يتشمت بي مع اصحابه=اذا نظرني وشفته زادت احزاني
نظرات بالقلب مثل النار شبابه=نظرة شماته ونظرت حقد عدواني
احس حولي فرح مد ري وش اسبابه=هي فرحة العيد والا هو فرح ثاني
هلت دموعي فقالوا الناس وش صابه=قلت الفرح له دموع تهز وجداني
عني الفرح فات والحزن انفتح بابه=حزين يوم الفرح والكل واساني
ملعون ابو الحب ما كنت احسب احسابه=يذلني وانحني من شان خلاني
لو كان عندي خبر بالحب واتعابه=ما كان قلبي رعاه وعشت وحداني
واليوم فرقا وكل(ن) وادع احبابه=وانا حبيبي ثلاث سنين ما جاني

ومن العايدين

فتي عليان