اهدى لشاعرنا محمد بن ثاير هذه القصيده والتى هى من بوناته
بمناسبة طلته علينا فى هذاالمنتدى وقد حصلت على هذه القصيده بشق الانفس واليكم النص.................يقول محمد بن ثاير..



قطعت فى دربى بعيد الفيافى "="والصقر مهما طار يرجع لوكره
كنت احسب ان الدهر كله عوافى "="والوقت جرعنى بحلوه ومره
اللى كتب فاللوح ياجيك وافى"="تاخذ نصيبك مانقص وزن لبره
تحفا رجول الى مشا الدرب حافى"=" والوقت يكشف غامض السر بكره
لقدار ماتوقف اذا قلت كافى "="يوم(ن)سرور ويم(ن)ياشين غدره
عند المصايب من صبر لا يخافى "="فى جنت الفردوس تعويض صبره
خلك نضيف وصاحب الى نضافى "="من لازم اصحاب التقى خف وزره
واحذر تصاحب كل خايب وهافى "="ترى البشر بالعين تنقد وتشره
كم سارق(ن)مزاح مقبل وقافى"="تلقى فى اخلاصه مفاتيح مكره
وان شفت عذر الرجل فيه التفافى "="جنب عنه خله بخيره وشره
هذاك بيته مقفل الباب طافى"="لاتفترح به وانصحك لاتمره
خلك عفيف وسر دروب العفافى"="ماهو بعذروب (ن)فى الرجل فقره
واذا نصاك الى يريد المضافي "="رحب وسهل واثن للضيف قدره
باشر بكلمة مرحبا كل لافي"="يرتاح منك وتذهب هموم صدره
قابل ولك وجه(ن)بشوش(ن)وصافى"="لايحسب انك فى لقى الضيف مكره
واحذر يجى فى ماتقول اختلافى "="ترى المسير له فى الهرج نظره
خذ الاوله دايم وخلك سنافى "="غض النظر واقبل من الكفؤ عذره
لابد تلقالك مود(ن)وجافى"="دمح الخطا ماهو بنقص وحقره
هذى تواقيعى وهذا اعترافى"="خذها نصيحه من مجرب وعبره