(( اليــوم الأول من الوظيــفه ,, ))

قمت الصباح و أخذت دفتر التحضير ونزلت الميدان ولقيت قدامي درزن إبل - اللي جالس يدخن واللي جالس يحشش واللي جالس يسولف مع اثنين من اخوياه وماعنده الا البكش وفيه واحد خال ( جمل لونه أسود ) جالس يندب حظه في آخر الميدان - الظاهر ان باقي الابل لاعنين خامسينه والسبب طبعا ً هو العنصريه

المهم أخذت اللسته وقمت أنادي بأساميهم عشان نبدأ الطابور الصباحي العسكري - وبديت أقرأ اللسته :

1- كحيلان
2- شليحان
3- كسيحان
4- جريدان
5- فويزان
6- خبيتان
7-قريحان
8- زريقان
9- حُميران
10- سويدان ---> هالخال حظه مقرود ,, حتى في اللسته حاطينه آخر واحد


( و أنا أقول في نفسي ,, شكل كل هالابل أخوان ومن عائله واحده ,, والا وش قصتهم مع هالاسم كحيلان و شليحان وآآآن و آآآن و آآآآن ,, قلت ما بدهاش خلني أسأل سويدان شكله وسيع صدر وبيخرط لي السالفه كلها ,,,



أنا : ياسويدان تعال ,,
سويدان : ااااااااااااااااخ اوووووووووهع
أنا : لعنبوا ابليسك تكلم عربي ,,
سويدان :اهلين ---> امووت يا إبل 2021 م ,,
أنا : اقول وش قصتكم ,, اساميكم متشابهه في اخر حرفين ,, انتم أخوان والا قرابه ؟!
سويدان : والله ياخوك هذي قصة طويلة ---> ( يمون الخال)
أنا : طيب اخلص ,, وش قصتكم ؟
سويدان : حنا مجموعه من الابل جابونا من افريقيا ,, كل واحد من ديره ,, وجابونا هنا للسعوديه عشان نشارك في سباق الجنادريه وكلنا جينا بكفالة نفس الشخص اللي اسمه فلان بن علان --> الجمل هو اللي يغمز .. أنا مالي دخل ,,
أنا : أها أها ,, وانا جابوني عشان ارعاكم ,, لا ابوك لا ابو كفيلك قم انقلع الله ياخذك ان شاء الله ,,



المهم ,, قلت لهم خلكم عاقلين وما ابي اسمع صوت ,, أنا بآآخذ لي غفوه ,, وفي هذه الأثناء ,, اثاري ملعون الصلايب ( سويدان ) حقد علي وخطط للهروب من الميدان المهم أنه طمر من فوق الشبك بتاع الحظيرة ويمسك الهايوي على طول وعيونه على جيزان ,,

المهم انا اخذت لي غفوة وبعد ساعتين اسمع بلاغ في الجهاز - ( جملٌ ملعون ,, سويد اللون ,, صافق الطبلون ,, ومتجاوز السرعه القانونيه - وباقي مغطتين وياصل مدينة جيزان ) !!

وأنا أسمع البلاغ وماني مستوعب واطمر على ملفات الإبل اللي في ذمتي - وافتح على ملف سويدان - والاقيه فايز بسباق الجنادرية 6 مرات ,,وفهمت وقتها ليه وصل هالجني بهالسرعه ,,

(( رحلتي الى جيزان ومقابلة اللـواء ))

المهم ,, دقيت سلف وعلى جيزان ,, وبعد 6 ساعات وصلت ,, - واثاري ( سويدان ) قد دبـّس علي عند اللواء الخاص بعسكرية الإبل وأقابل اللواء الخاص بالابل الجيزانيه - طبعا ً أنا اعمل ضمن لواءه ,, وله حق يحاسبني ويحقق معي ,, المهم انه طاح فيني حش وتهزيء - ومحاكيكم مايدري وش يقول هاللواء ,, الظاهر انه يرمي كلام علي مو صاحي وانا زي الدعيع في مباراة المانيا ,, ما ادري وش القصة ؟!؟


المهم دارت المحادثه بيني وبينه :

أنا : ياطويل العمر قسمن بالله هالجمل الخال حط رجله وانا مدري عنه ؟
اللواء : ياااخي اذا ما تقدر على العسكريه اقعد بحناك يحني ( يقصد انه ليش تتحمل شيء ما تقدر عليه - كان رقدت في بيت امك ولا تشتغل شغله منت قدها )
أنا أرد عليه وما ادري وش يقصد بكلامه : الله يسلمك يا طويل العمر ,, هاذي شهادة أعتز فيها ,,
اللـواء: آآالمح ,, مخمار العدايه دُفّه وتعال قدايه ( يعني يقول انت حمار والغباء مستوطن فيك )
و أنا أرد عليه وربي ما ادري وش يقصد : ( الله يسلمك , ياخي والله انك كريم وما استاهل منك كل هالطيبه يا طيب القلب )
اللـواء : كج الماء تخرج منه زبده ( يعني يقول انك مامنك فايده وما راح تتعلم طول عمرك - وما راح افهم الا اذا طلعت الزبده من الماء وهذا مستحيل )
أنا أرد عليه و أقول في نفسي ليه يمدحني وهو معصب الظاهر انه من زود المحبه فيني : ياطويل العمر ابشر برضاك ومره ثانيه تزورنا في الخرخير وتشوف الشيء اللي يرضيك ,, --> ياشين اللي يسوي فاهم
اللـواء :اذا زرتك ياخبت البقر سمني ثور ( يعني افلقني اذا جيتكم )
أنا : اقول عساك مااا تجي وعسى الهاري يهريك وهاذي رتبتي سوها شربه واشربها مع فطورك
اللـواء : أمن ضري خري بمن طعم امحلى مد مزقمه( ابووك ياهاللواء يقول الظاهر انك استحليت الشغله وانت اصلا ما تسوى )
أنا : خلاص انا زعلان عليكم ---> ياي :D
اللـواء : ضيقة امضفدعه ( يقصد انها ضيقة ضفدعه لا راحت ولا جت)
أنا : لا ابوك لا ابو حكومة 2021م اللي وظفتني مع ناس بهايم ,, ياخي تكلم عربي ترانا عايشين في عام 2021 م- ياخي حرام عليكم والله ذبحتوني - خلاص انا باستقيل واريحكم مني وارتاح هم انا منكم ,,
اللـواء : عاد تسوي فيها امذيب راقد ( يعني تسوي فيها ذيبون مسكين ) خلاص أنت ام مفصول !!
أنا : لا ابوك لا ابو عسكريتكم وعساكركم والعساكر اللي في التجنيد والعساكر اللي في بطون امهاتهم والعساكر اللي جايين في الطريق مع القرن ال22 ,,, أصلا انا حمار قبلت اتوظف عسكري وانا عندي شهادة جامعيه ( احمد ربك لا يجيك تفله من اللواء ) ياشيخ لو اتصور جنب شهادتي ابرك لي بس ما اتوظف في امعسكرية التهاون والإذلال والواسطات ---> بدأ يهرج زي الناس :D

المهم رميت رتبتي على الطاولة ,, وشياطيني واقفين على كتوفي ,, واحد يقول : كفو والله ,, والثاني يقول : ياااهوه ويلوموني فيك :D وقلت للواء : هذي رتبتكم ,, والحمدلله اني ما طولت عندكم ابي منكم شهادة خبره عمل مو عشان استفيد منها ,, بس ابي ارسلها لقائمة جينيس العالمية عشان يرزون أسمي في قائمتهم كأسرع خدمة عمل في القطاع العسكري --> مبسوط


و أطلع من المكتب حقه ,, الا واشوف ( سويدان ) حاط رجل على رجل وبيده كوب شاي ويسوي كذا ---->

ويقول ملعون الصلايب :

( ترى أنت مو أول عسكري افصله من العسكريه ,, مسويها في 14 واحد قبلك )

و أنا اسوي كذا ---> :D ابي العب عليه واسوي نفسي ماهمني وانا امشي شوي شوي جهته بس سويدان حس فيني واطلق رجوله للريح حيث انه خابر اني باتمردغ فيه ,, وعلى خط جيزان مرتن ثانيه ,, وعلى قولتهم : مسكنا هالخط سرده مرده ,, سرده مرده :D

,
,
,
,
,
,
,
,
,
,
,
,
,
,
,
,
,
,
,
,
,
,
,



وبعد عشر سنوات من هالسرده وهالمرده,,

( سويدان ) رئيس أركان ,, و أنا في البيت زهقان

وكن ذئبا ً والا أكلتك الذئابُ

ما يستفاد من القووصه :

1- لو تجري جري الوحوش - غير رزقك ما تحوش

2- الإبل ثروة حيوانيه يجب المحافظه عليها - لذلك سعت حكومتنا الرشيده الى وضع شبوك على جانبي خط الرياض الدمام حفاظا ً على هذه الثروة وعقبال ما يشبكون باقي الطرق والخطوط



( العبارات التي تحدث بها اللـواء هي عبارة عن أمثال وحكم شعبيه من منطقة جيزان )




تحياتي للجميع


ملكي

نسيت أقول ,,


برايفت لـ بن عبدربه :

( اي عبارة موش مزبوطه لا أوصيك في المقص )




ملكي

أعقب يا سويدان

والله لضحكت على جمله


"( ترى أنت مو أول عسكري افصله من العسكريه ,, مسويها في 14 واحد قبلك ) "

وراااااااااااايق الخال ههههههههههههههه


خذ هالمثل اللي يقول (( سويدان ما منك أمان ))



الملكي
تحده الضروف والطفش من الجلسه في العشه اللي فوق السطوح
وهو يخزز في الطالبات وهُنُ ذهابا وإيابا من المدرسه

في عام 2031
يعيد طلب التوطيف في السلك العسكري
ويكون تحت يد رئيس الأركان " سويدان "


ما ودك تحكيها لنا بطريقتك وأسلوبك

وش كان ردت فعل سويدان لما صرت تحت أوامره :D



يالله تخااااااااااااارجنا *_*

أمرحباً يا ملكي


وكل عام وأنت بخير


أنت تخرجت من الجامعة وإلا مثلي بعد أعك فيها؟

لو تخرجت فأنا بأشره عليك أنك مادعيتني لحفل التخرج