الضب قدم للوزارة شكية يقول أنا مظلوم وسط الصحاري

الحيوانات تعيش عيشه هنيه وأنا مع الكبسات تحت الكباري

مسكين مالي واسطة خارجية الواسطة عند الظباء والحباري

أحتج وأقدم للأمة قضية ممنوع صيدي بالسلاح الناري

أشكي من الأزمة وظروفي قويه خصوصي أقضي الصيف عاري

محمية الغزلان دون الحوية وأنا مقطع وسط الرز البخاري

أنا لحالي عيشتي جاهلية أنصاد لو أني بنك العقاري

في سوق منفوحة يحرج عليه مكتوب أسمي بالسجل التجاري

أعيش أنا ويا الحباري سوية مافيه فرق بين يئس وهواري

اليا طلعت أبتمشى شوية اليا الدادسن كوم تضرب بواري

الصيد يتمشى جري واهنية وأنا غرقوني بمياه الخباري

ليش الورل مرتاح وأنا خوية والأ كمن الضب عنده سباري

وأنا مسلسل طاش يضحك عليه وين التقدم والأسلوب الحضاري

بالوصف هويته بالوصف زيه باللعب معي يا عظيم ساري

إن كان مالحقت على المنية أن عاش راسي تأكلونه أجباري

يا ناس رحوا لصيف أبها البهية حفر العتش مافيه عيد الضباري

خاتمتها حطوا حراسة سرية من مركز التدريب حق الطواري


__________________

م ن ق و ل


بس فيه تعديل على القصيدة في البيت قبل ألأخير

يا ناس رحوا لصيف الباحة البهية حفر العتش مافيه عيد الضباري

:D:D:D