هذه القصيدة قالها شاعر مجهول ، وهي موجهة لحامل الجنسية الكويتية ، الذي فاز بسيارة لكزس في دبي ، وعندما سئل عن شعوره رد بعبارة جاهل وقال : ( شعوري كشعور أي سعودي يحصل على جوال ) والقصيدة موجهة لشخص بعينه ، مع الإحترام والتقدير لكل كويتي محترم والله الموفق .[/TABLE]


ايه انا سعودي ولا مثلي مثيل = ياصقر يشويك من هو يجهلك
ايه انا سعودي هويت المستحيل = نظرتي للجم ياجويهل هلك
اكرم الضيفان واصون الخليل = يوم داري يالجويهل منزلك
اي نعم بافرح بجوال ودليل = ديرتي من كبرها ماتنسلك
في دروب الخير لي باع طويل = بالكرامة والشجاعة والحنك
زاهدين نعيش بالشي القليل = زادنا عزة وحنا سعد لك
بيننا فنجال يالجاهل وهيل = والأمير يقدر جهود الملك
مالنا عن جابر الصاحب بديل = مرحباً بالضيف في الليل الحلك
مايفرق بيننا قال وقيل = ومن دخل مابيننا مات وهلك
فالكويت احرار ورجال تخيل = يردعون اللي على دربك سلك
ارجي الله مايخليني أحيل = صوب تفكيرك ولاانهل منهلك
عندنا خيرات يالعقل العليل = انصنا لامن زمانك غربلك
الكرم معروف عنا يالبخيل = يوم نيران المعارك تلهبك
السعودي لاتعزوى مايميل = يدهم حصون العدا حيل ويدك
دون جاره كلمته قدح الفتيل = طق خشم معادي الدار وفرك
شامخ شموخ المآذن والنخيل = يوم غيره طاح بالوحل وبرك
مانرد الهرج لاجا من هبيل = الزمن دوار ويدور الفلك
ناخذ المبروك والمدح الجميل = وانت يالمسكين تاخذ هارد لك
ناكل الدسمة وقرن الزنجبيل = ونترك العظمة لمضاغ العلك
نشرب الصافي زلال السلسبيل = وانت تشرب من عصارة حنظلك
وين جوالك ودمعاتك تسيل = يوم سهلنا لدارك مدخلك
يثمر المعروف فينا والجميل = السعودي تاج راس وفخر لك
نقنص الشاهين والطير الأصيل = وانت مثلك مانصبنا له شبك
لولقيتك منرمي تعول عويل = والله اني يالهويمل مانقلك
والله انا مانكن الك ونكيل = لاجل مانته كفو حتى نسألك
مازعلنا منك لاجل انك دخيل = العتب يرجع لمن هو هملك