احبك ياثقيـل الـدم = احبك ياعديم الـذوق
احبك وانت ماتعلـم = واهيم بلحيك المشدوق
احبك موت ياظالم = يابو راس كما الصندوق
اموت بخدك المظلم = وحتى خشمك المخروق
وريق كنه العـلقم = وبرطم منتفـخ مشقوق
حناثي حين تتبسم = بمهدل مثل بعض النـوق
حبيبي يشبه النمنم = عيـونه طايرات لفـوق
وصاله ياخلايق هم = ابو أذن مثيل الطـوق
حلاته يوم يتنسم = مثل ريحة كفر محـروق
اذا شفته انا اتلعـثم = واسير بطلته مزنـوق
فؤادي راح يامجرم = وعقلي خابره مسروق
لو المحبوب يتكلم = كأني من يـده مخنـوق
حبيبي آآآه لو تنطم = فلا شكل ولا منطـوق
انا لاشك باتسمم = لو اتعشى معك مرقـوق
واغص بلقمتي واندم= لو اشاركك في مسلوق
انا لو فيك باتنعم = يلاقـوني هلي مشنـوق
عساك اليوم ماتسلم = من العنقز وحمى الشوق