Unconfigured Ad Widget

**أبو ماجد** · 05-08-2003, 02:00 AM

أخي الحبيب أبو غازي

حلوووووووووة يتطحلس والمنبرش ...بس جابت نتيجة الحمد لله

انتم تتطحلسون تنبرشون ...ما فيه فايدة

خذ التمريرة يابو سهيل وارفعها للعمري أو البيضاني أو مهراس والا يمكن الشدوي

**أبو غازي** · 05-08-2003, 02:10 AM

أبو ماجد : المباراة وديه

وجايكم بعد شويه ومعي الباورهوز:D

**أبو ماجد** · 05-08-2003, 02:24 AM

أبو غازي

الله يهديك ما شفت نتائج الباور هورس والبايسون ؟؟ اسأل أبو عبالمحسن !!!!!:D

**ابن مرضي** · 05-08-2003, 09:26 AM

بسم الله الرحمن الرحيم

تروني يالربع ماخليّت بقالة أدور على الشراب المذكور ، وكل ما وجدت " تريقه " من أصحاب البقالات ، بعضهم بدأ يغمز ويهمز بكلمات من نوع ؛ لايكون تدور على " سنافي وإلا فياجرا " ، ترى ماهو شراب هذا ياعم ، تراه دواء يؤكل !!!

المهم إنني إلى الآن لم أجد الشراب ولم أفهم اللعبة ، كل ماهنالك تسجيل حضور ، رغم أن أبا عبد المحسن وضعني " كابتن ".

أي كابتن ياعمي ، يبدو أنك مخدوع في قدراتي ، والله لو تشوفني ماتقبلني ولا مع المتفرجين على التفزيون .....

**محمد الشهري** · 05-08-2003, 11:28 AM

أخوي بن مرضي اتركك من الباور هورس والبايسون وخلك مثلي مع العريكه ولا مانع من استخدام العصيدة والمرقة عند الحاجه

وتروا في راسي خرمة أنتر نيت اليوم ومارايح افصل الاتصال حتى أسجل هدف حتى لو أمثل على الحكم وأخذ ضربة جزاء

**ابو عبدالمحسن** · 05-08-2003, 12:05 PM

شباب ..
ترا المشرفين ما يعرفون يلعبون إلا بالكورة الشراب .. ويوم سمعوا بها حسبوها حاجة تنشرب وأنكتوا على البقالة يدورون الباور والبايسون .

نغير الكورة الشراب بالكورة هذه ..

وهذي رفعة متهندسة ..

وين الحليو اللي يستقلبها .

**الجاسر** · 05-08-2003, 12:10 PM

الله يصلحك يا أبو عبدالمحسن

بسم الله الرحمن الرحيم

الحمدلله وحده والصلاة والسلام على من لا نبي بعده ...

والله ما ادري وش اقول لك .. بالرغم من أن الشرط غير المتوفر اللي ذكرته ... لكن ...

بعدين ليش اخترتوا كرة القدم .. ليش يعني

يالله ... إنك تسهل لنا برأس حربة ممتاز ..

والسلام ختام

**محمد الشهري** · 05-08-2003, 12:13 PM

أبو عبدالمحسن لاتحاول اي تمريره اليوم رايح أقطعها وخذ بالك ترا ممكن اصنع منها هجمه مرتده ناجحه
لا وممكن نلجاء للعب رجل لرجل وممكن نخشن شوي

**محمد الشهري** · 05-08-2003, 12:15 PM

لاتحسونها هذي مشاركة كنت أبي أمثل على الحكم واخذ ركلة جزاء

**الجاسر** · 05-08-2003, 12:20 PM

وش القصة ...

بسم الله الرحمن الرحيم

الحمدلله وحده والصلاة والسلام على من لا نبي بعده ...

أنا ما أدري وش القصة كأن .. ردوووود المشرفين تجي أوتوماتيكلي ..

والسلام ختام

**الشدوي** · 05-08-2003, 12:25 PM

سطل برتقال لبو عبدالمحسن يمكن يجيب نتيجه .....

**محمد الشهري** · 05-08-2003, 12:34 PM

صح معك حق اخوي الشدوي يمكن يا خذ البرتقال ويفكنا من الظهير اللي عنده أبو غازي

**الجاسر** · 05-08-2003, 12:35 PM

بسم الله الرحمن الرحيم

الحمدلله وحده والصلاة والسلام على من لا نبي بعده ...

والسلام ختام

**محمد الشهري** · 05-08-2003, 12:39 PM

الظاهر أبو عبد المحسن مكلف الجاسر بمراقبتي خارج الثمانية عشر على شأن يحد من خطورتي في التصويب من خارج المنطقة

**الجاسر** · 05-08-2003, 12:44 PM

أبووووو تركي ...

بسم الله الرحمن الرحيم

الحمدلله وحده والصلاة والسلام على من لا نبي بعده ...

أبو تركي

ترانا غيرنا التشكيلة .. وطريقة اللعب اختلفت ..

ولا تصدقون انفسكم .. ترى الطعم وأكلتوه ..

والسلام ختام