Tweet
اراعي احساسها وادرا مشاعرها
وان سرها من شعوري شي افرحني
تجي القصيدة لاجل تقدر تسامرها
خفيفة القافية عفوية اللحني
واليوم يوم انها صدت( مبررها)
تقول انا باجرحك قدام تجرحني
ياهيه هاذي حياتي وانت خابرها
يحييني الوصل والا الهجر يذبحني
لو شفت نفسي صبور الحزن حاشرها
صدر الربابة عريض وقوسها محني
كم عبرة في عتيم الليل ناثرها
من خوف بكره نهار السبت تفضحني
وصل بي الشوق حال ما تصورها
واصبح عدوي صديق عنك ينصحني
ولا انت سيرتك تبغى من يفسرها
ان جيت سبيتني وان غبت تمدحني
ودخلت في غبة مدري وش اخرها
اصارع الموج والتيار ناطحني
منحتها العاطفة وارضيت خاطرها
ولا ادري وش اللي بعد هذا بتمنحني
ولو كان تخطي عليه جيت عاذرها
واقول مخطي وباطلبها تسامحني
قصيدة للشاعر(خالد البقمي)
انشاء الله تنـال اعجابـكم
تعليق