السلام عليكم



عندما يكتب النمرالعربي قصائده فهو حتما يكتبها لكل زمان ومكان

باسلوب مميز ومحبب الى النفوس بلغة سهلةوبكل عفويه.

هذه قصيدة من قديم اوراقي كتبتها عن السياحه عندنا قبل

نحو عامين ارجوا ان تكون خفيفة الضل وابتسامة هادفه.


.........ياجيب يامسكين.........




ياجيب لاتبكي كثير المصاريف
شوف الغلا بالسوق زود جروحي


ولا لا تعذر بالحراره في الصيف
زودت بي نار(ن) تحرق طموحي


شغل المكيف مثل جلسه في جنيف
يبرد جدار البيت من شموس(ن) لفوحي


مافيه شي احسن من الفريون تكييف
ولو جا مع البراد ماي القروحي


لكن هذا الجو ماينفعه تلطيف
يبغى لنا سوق(ن) ونمرح مروحي


ودي اتسوق في المولات عالكيف
بس يمنعوني وانا عزوبي بروحي


قلت ادخلوني ماعندي الكذب والزيف
قالوا بدون العايله انته جموحي


وقلت انا ماني غريب(ن) ولاضيف
هذي بلادي وخلك سموحي


قلت لخويي يالله, كافي تخاريف
وفر فلوسك ياصديقي النصوحي


يمكن تقاعد وتقضي العمر بالريف
خل الورق في الجيب لا لا يروحي


يالله مشينا البر من غير تكليف
نتصيد الضبان عند السفوحي


ولا لا تفكر بلندن وباريس وجنيف
فكر بجيبك وانس كل الفروحي


وياجيبنا المسكين خلك على الحيف
وانسى السياحه وانس كل المزوحي



.......................................