Unconfigured Ad Widget

**المحبي** · 18-04-2003, 11:07 PM

تسلم يابو تركى تسلم وانا جيتك واستلم الرد

الرد

مرحبا ترحيب مثل الورد يوم اقبل ربيعه
بالعميل الصادق الفاهم بتنظيم المعانى

من ضميرالشاعر اللى مامعه غش وخديعه
سقتها سوق الذلول من المكان الى المكانى

**صدى الجنوب** · 19-04-2003, 12:12 AM

سووا الصفوف ..............

هلا بالشهري وهلا بالمحبي

اييييييييييييييييييييييييييييييييه :

مرحبا مليون عد السيل ياروس الطليعة
ياقرانيس الرجال الشم ياروس العواني

يامناصيب الجنوب اللي حموا حكم الشريعة
بالنيابة قلتها والحق والواجب دعاني[/TABLE]

**محمد الشهري** · 19-04-2003, 12:53 AM

هلا والله بالمحبي وهلا بصدا الجنوب الله يبقيكم

البقا بك يامرحب والجمايل من صنيعه
ماسكت من السلام الا وترحيبه لفاني

شاعرٍ حباك معنى يطربك معنى بديعه
وإن هرج ياطيب ذاك الهرج من عذب اللساني

**المحبي** · 19-04-2003, 03:21 PM

الله يبقيك ويغليك ياصدى الجنوب

البقاء بالشاعر اللىعاصي المعنى يطيعه
مثل صقر(ن) فى علاه ومثل حد الهندواني

انت والشهري تشبون الحطب نار(ن) وليعه
قلتها من طيب نفس وسجلوني دورثاني

**صدى الجنوب** · 19-04-2003, 04:20 PM

عشتم ،،،،

اييييييييييييييييييييييييه :

يامحمد وين بنت المقفي الطفله الرضيعة
أغربت والليل قفى وأحمر العينين جاني

ضاع ابوها وامها واخوانها وامست جويعة
ماكفلها عمها واخوالها واعيال عـــــاني

؟؟؟؟؟؟؟؟؟؟؟[/TABLE]

**أبو نواف النماصي** · 19-04-2003, 05:05 PM

الله الله

كبااااااااااار كبااااااااااااار

واصلوا واصلوا

والصفوف مستوية

الشهري...والمحبي ...وصدى الجنوب

مبدعين حقًا....تقبلوا تحية عطرة

**محمد الشهري** · 19-04-2003, 08:10 PM

حياك الله أخو أبو نواف ياطيب الفال ومشكور على تواصلك وأمسك الصف لي نافداك

اما المحبي وصدى الجنوب فعلى راحتكم أن تبو ثلاثية فأنا بدافع والعب على المردات هههههههههه ولو أن القلطه حلاوتها ثنائية لكم تحياتي

واستلم يا صدى الجنوب لاهنت

يالسنافي كل سوقٍ نعرفه من لون بيعه
والدراهم فالكمر والله من خيره عطاني
والرضيعه ما بلاها غير من كبر الفجيعه
واختفت بعد العنا والجور من هذا الزماني

**صدى الجنوب** · 19-04-2003, 11:38 PM

انا اااااااااااااااااااااااااااسف يامحمد

يبدو اني خشيت في المحاورة بالغلط ،،،،،،،،، العذر والسموحة ياشاعرنا محمد

ساترك لكما الميدان واتجه للصفوف .

شد حيلك يالمحبي تراني واقف في صفك .

واذا انضم لكما شاعر ثالث تراني الرابع في المحاورة ههههههههههه

**محمد الشهري** · 20-04-2003, 12:37 AM

لالا ياصدى الجنوب ماكو فكه خلاص المحبي صارفي الصف بس استمر لاهنت وأنا ماطلبت واحد معين من البداية
وتراني قريب اشرد هههههههههه

تقبل تحياتي

**علي الدوسي** · 21-04-2003, 03:27 AM

اخي محمد الشهري تسلم على هذة المشاركة الرائعة والى الامام لك تحياتي

**رفيق الأحزان** · 21-04-2003, 11:31 PM

الاخوه صدى الجنوب 0 محمد الشهري 0 المحبي 0 السلام عليكم اريد المشاركه مع الاعتذار

لانني لم احضى بالمشاركه من الاول فمعذرة على التقصير ان حصل00

ياسلامي يالذي شد انتباهي والطبيعه0
وانا مدري هو عشان اصحابنا والا عشاني0

الله كم روس(ن) على طول المدى ظلت صريعه0

بعدما كانت تخادع صبحها والا عشاني0

**محمد الشهري** · 22-04-2003, 12:12 AM

حياك الله اخي علي الدوسي وشكراً لك على المرور
اخي رفيق الاحزان شكراً لك لكن اسمحلي جيت متأخر وأنا راجع من حيث اتيت
اسمعوا اخواني صدى الجنوب والمحبي

آآه ياصبرك يابو تركي على طول القطيعه
واليالي مقفيه والكل من صوبه رماني

آثر الأصحاب ياوجدي قساوتهم شنيعه
لي ثلاث آيام الالي ماحد اتعطف وجاني

ولنا لقاء إن شاء الله في غيرها

**المحبي** · 23-04-2003, 06:13 PM

استلم يابو تركى

ليه حاتم يوم جاه الضيف قدم له نقيعه
00000واعتذر ويقول ماعنده هزال ولا سماني

كن واد الخوف من هول المخايل قل فيعه
00000 يعلم الله ماحسبنا حساب عشر ولا ثماني

الفيع= العد الماء الجاري

**أبو عمرو بن لافي** · 01-05-2003, 02:50 PM

بس وين بن شلاح عنكم
والله يالبدو اللي معه ما يقولون شي مما قلتم

واصلوا وحنا معكم عان يدي تحرقت من التصفيق

Unconfigured Ad Widget

دعواتكم لهم بالرحمة

القلطه ياللي يبي القلطه محاوره

القلطه ياللي يبي القلطه محاوره

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق