Tweet
حرب تحرير!!
حرب تحرير!!! هذا دمار=حسبنا الله ونعم الوكيل
آه..والصمت والذل عار=سوّد الله وجه الذليل
إمتطى "بوش" ظهر "الحمار"=ونَسْي صوته وجاله صهيل!!
واتبعوه "......." الصغار!!=بين رعديد ولاّ عميل!!
وابن"صهيون" خلف الستار=هذي "بغداد" ولاّ "الخليل"؟!!
أُف....ياأمة الإنكسار=أثر ليل المواجع طويل!!
أهلنا في جميع الديار=بين مجروح وآخر قتيل
أو يعانون تحت الحصار=مالنا في المآسي مثيل!!
وكم رقصنا على صوت طار=لو سمعنا البكا والعويل!!
يشهد الله علينا نغار=وانْ دمع المحاجر يسيل!!
بس مافي يدينا قرار=كُثرنا مثل أقل القليل!!
.
.
هل ورى الليل هذا نهار؟!!=ماعلى ربنا مستحيل
حظ من لاذ به واستجار=حسبنا الله ونعم الوكيل
تعليق