اي والله
قلنا ذاك اليوم بنندر بعد صلاة الصبح وناخذلنا
طليا ولا اقول شروا من يقرا
ونفلح به كذا عن المدينه الرياض
ايوه ياحباني وياسواد نون عيني لاغطشت يجيركم الله
والله وقررنا واتفقنا على علمنا ذاك الهيل
وقالوا ياحنش
انت من اليوم اللي قبل الطلعه
صل الصبح في سوق الغنم ومر خذلنا حطبا
واشتر لنا صحونا واستاجر براريد ودلال وكوانين
وزوالي وترمسين وملاسا ومنزاعا وطيسا وصيني
ومر خذلنا كيس شاهي وخريطة سكر
وخذلنا إن كان لقيت تمرا حلاه ولا بغير
ومر اشتر ببسي وسفن اب يارايب وشاني ((انااحب الشاني ))
وبيره بدون كحول وخذلنا لاتنسى ومهص الشيبة اذنيه
قال لاتنسا تجيبلنا كلوبا ولا مخطار عشان نعلقبه الذبيحه
قلت كرامه ياشيبه الرحمن
قال يانافدا ولدي حنش المهم وخذيت هذي الأغراض
وخذينا لنا قوطه وبصلا وقصطيرا وحبشاً وطبيخه
وخذينا طيورا من سوق الحمام
ولا رجعت البيت إلا القايله
واحط راسيه وارقد
وعليها ماقمت إلا الشيبه يدهج ظهريه قم خابت امك
ماصليت العصر هبهب الله عليك ياطايح المذهب
وانااقوم كما الضبع لاتفل في وجهه الذيب هههههههه
وجهيه في الأرض وعيونيه غايره في راسيه
ودمعتيه في عينيه لكن ماشئ حيله
احسب الشيبه بيشوف الأغراض ويجي يقول
ياحنش الله يعطيك العافيه تعبت الله لايتعبك
اثره قام يدهجنيه
وانا خارجا من باب الغرفه واصيح فيه واقول
جزا المعروف سبعة كفوف
وطااااااااااااااااخ ولا عميه مقبلا من كذا
لعن بو امك هلكت لا بعث الله صداك ولا نداك
ياحمار القايله ياضياع المعروف
هذا كلام تقوله له لابوك
والله وعصب ابيه وقال
اسمع ياحنش انقلع من بيتيه ولا عد المحك
قال عميه زده زده ابوبراطم
والله واخرج وافلح عند واحدا من الصدقان
واقعد اقله سالفتيه ويوم خلصت ولا يقول
ياخي عندك ماعندنا
ولاابوه يسمعه
ويدخل عليه
قال في ذمتيه انه صادق فيكم ياقلال المزا
قوموا اخرجوا تخرج الله عيونكم ياذولي الهيوس
ولا انحن نتبلع بالما
والله وادخل المسجد واقل الأمام واصلحنيه مع شيبتيه
ورجعت البيت وانا ياتعنني ضعيفا ماعبيت شئ
والشيبه يقول هيه بكره من صبحا بنسرح الصمان
انحن وارحام اخوك وعمانك وعمتك هيه لاتقعد
تتغيزل وتشوفك عمة اخوك وتكتفك بعين
قلت طيب
والله ونخرج البر
ويقوم الشيخ حنش
مع وصول الكهله اللي هي حماة اخيه
واقوم واخذ الرشاش واضربه في السما ترحيب
بارحام اخيه معي نيه في اخت مرة اخيه الصغيره
ولا تقاطعونيه ياطوال الأعمار
وتشوفنيه عمة اخيه وتقول يايبه وذيه مصرعه كبر
وانا اطيح على ظهريه وعميه كان قاعدا قال قلي
ماشاء الله سد الله محنكك
قال يوه ماشاء الله
وانااقوم
المهم كل واحد يسمي على نفسه لايجيه شئ
من كهلة الجن هذي
والله ونجيك ونذبح ونحن نسمي ماهو من الجن
إلا من ابليس اللعين اللي معنا راكبه راسها
وقاعده تتفرج وريحة الحلتيته بتفقع البر على كبر الصمان
اعوذ بالله سكنيه قاره لا رحمها الله
والله ونجيكم ونسوي المقلقل ويجي حنش ويحبك المقلقل
والفلفل والكهله ماتحب الفلفل واعود ازيده
وتلمح فيه وتقول ياحنش انت مامعك بواسير
قلت الله يقهرك ويخشعك
سمي بالرحمن قالت يوووه ماعليك ضروطه
قلت سمي ولا والله لاخلط ضلوعك في جنبك بتا العمده
قال عميه قلي ماشاء الله لاحمتي
قالت ماشاء الله
المهم وياكلون وهي ياناس تقولنها تاكلها علاجا بيشفيها
تاكل وتتسرطه عشان مايحرقها جعل بلعومها السد
والله وضحك وسواليف وعميه هو يعني من الناس
اللي الكهله هذي تخاف منه ولاندري ليش
والله ويجي عميه ذيه ونفلح انا وياه نمشي على ارجولنا
وقلت له ياعم ليش الكهله تسمع كلامك وتخاف منك
قال هذي لها قصه قلت هات
قال استرها قلت ماعليك
قال
انا في زمانيه كنت اتعاين وادري اني اتعاين لكني
اسمي على كل شئ اشوفه
حتى لاشفت العصيف اسمي عليه
والكهله هذي مره كانت ماشيه وتشوفلها
كومة بحصليله وتقول يايب غرمالله وش ذا الجبل
وانطحنت هذي الكومه ولاكنها خلقت
وقمت انا وقلت انتي يافلانه
قالت هاه
قال وش رايك في ذيك الرمانه قالت ليت سيقانيه مثلها
وطاحت الشجره
وقالت الكهله ياقحم قال هاه
قالت وش رايك في سيقانيه قال يازينها مناقعا
وتضرب الكهله على وجهها
قالت فكنيه وقال رحمتها وسميت عليها
وقلت انا اجل اتعيا وش بها طيحتني على ظهريه
يوم شافتني ارمي
قال ايوه تبغي تنتقم لكني عرفت لها
وانتبه لها ياولديه ترا بنتها مثلها


وانتم ذلحين وش رايكم البنت حلوه وماشاء الله
تطيح الطير من السما وتقول ياقمر حل باقعد محلك
وش اسوي اخذها ولا افتك منها ومن امها

شيروا عليه يالربع
تراني ابغي المشوره واكره التسلط
........